يا بنات زوجى ما بيحب الفول المعلب ابدا ابدا ونفسه ياكل فول مدمس مصرى يعنى بطريقتنا المصريه بس انا مبعرفش ايه نوع الفول واشتريه ازاى ولا اعرف طريقته بالتفصيل ممكن تفيدونى

شوفى هنا كان نفس الطلب تقريبا

http://www.lakii.com/vb/showthread.php?t=328531

http://www.lakii.com/vb/showthread.php?t=318180&highlight=%C7%E1%DD%E6%E1+ %C7%E1%E3%CF%E3%D3

http://www.lakii.com/vb/showthread.p...E1%E3%CF%E3%D3

بارك الله فيك يا lonle ماقصرت يا الطيبة ..(هاي بالخليجي)..

السلام عليكم ورحمة الله وبركاته
المقادير:
ك فول
فنجان عدس اصفر
ثمرة طماطم
الطريقة:
يغسل الفول والعدس جيدا ويوضوعوا في الدماسة
توضع الدماسة علي نار هادئة حتي الغليان
تقشر ثمرة الطماطم وتوضع في الدماسة
توضع الدماسة علي السخان الكهربائي
يوضع ماء مغلي عند الحاجة حتي يتم الاستواء
دي طريقة ماما ويارب اكون افدتك

انقعى الفول الجاف ليوم كامل بالماء و غيرى الماء كل شوى
حطيه بالبريستو و حطى عليه بندورة واحدة و جزرة صغيرة مبشورة و كمشة عدس اصفر و كمشة اقل ارز مصرى و حطى مى عليه و زيت زيتون على الوجه مقدار 2 ملعقة ط و الماء لازم يغطيه و بعدو اغلقى البريستو لمدة ساعة و ممكن تضيفى حص توم أو لا حسب ما بدك و ادعيلى

طبعا البندورة مقشررررررررررررررررررررررررررررررةةةةةةةةةةةةةةةةة ةةةةةةةةةةةةةة

الكمون و الليمون و التوم انا اضعهم بعد السوا مشان ما يمررو لا يسود

حبيبتي شوفي هوه كل واحد طبعا وله طريقته بس انا هقولك طريقة تيته الحاجة

1- مش مهم حجم الفوله عشان بيختلف من بلد لبلد هنا مثلا في الكويت افضل نوع جربته هوه الحبة البني الامريكاني الصغيرة لكن لو لقيتي حبة متوسطة ونضيفة يكون كويس المهم نضافة الحبة نفسها يعني متكونش مكسرة أو منقرة ببقع سودا مثلا

2- لو عندك فوالة أو دماسة ودفاية فول يكون كويس وممكن لو مفيش تشتري الفوالة الومنيوم( أفضل ) وتعملي على شعلة البوتجاز الصغيرة خالص وتهدي النارعلى الآخر أو تحطي صاجة ( شياطة ) تحتها بعد ما يغلي شوية .

*** ومتكتريش اعملي على قدك ممكن كوبين فول وحطي عليهم كبشة رز ابيض ( حجم قبضة اليد ) وزيه عدس وحبة طماطم ( بندورة )مقطعة 4 \4 وفصين ثوم والمياه مغليه تملأ الدماسة ( لازم تكون المياه كتيره عشان متنشفش والفول يشيط أو يتحرق ) ومش مشكلة الزيادة في المي لأنك هتاخدي الفول والمي قد ما تبغي ولو خلص الحب قبل المي مو مشكلة ما يخالف اذا بترمي الباقي أو بتشربيه وله طريقة جميله وطعمه كشراب رائع وفوايدة كتييييييييييييييرة جدا بس تعصري عليه ليمون وتتبليه وبالشطة لو تحبي وبيكون زي حمص الشام المصري الحراق

بعد ما الميه غليت وحطتيها على الفول استني شويه لما يتشرب منه ( لو مستعجله على سوى الفول ممكن تنقيه زي ما اختنا awwo قالت قبلها بيوم ) وبعدين اعصري ليمونة كبيرة عليه وحطي القشر كمان واتركيه على نار هاديه جدا زي ما قلتلك من بالليل للصبح مثلا أفضل أو حوالي 10 ساعات لو من غير نقع بس ممكن تربطي عنق الدماسة بفوطة او قطعة قماش حتى تمتص المياه اللي هتنزل منه من غير ماتوسخ الدماسة او البوتجاز اوتلتصق بهم

** لو عملتيه وانتي صاحية تقدري تتابعيه كل شويه عشان بيفور زي اللبن خلي بالك أما لو مستعجلة ونقعتيه هياخد وقت أقل في السوى لأنه بيطرى من النقع . وعموما مرحلة التسوية تعتمد على نوع الفول في انواع قشرتها تخينة بتاخد وقت اكتر في التسوية .

( لازم تدوقي وتجربي قبل ما تطفي النار )

آخر خطوة : اغرفي على قد ما تعوزي وتبلي بطريقتك ( كمون وملح وليمون وزيت زيتون أو ذبدة ) وممكن تقطعي عليه طماطم زي ما تحبي بقه . وممكن تضربيه في الخلاط لو حد عنده قولون لا قدر الله او بيتعب من قشر الفول وساعتها ممكن تضربي معاه قطع فلفل اخضر عادي او حار حسب الرغبة )

** ومتنسيش تحطي الدماسة في الثلاجة بعد ما تخدي اللي عايزاه عشان ميحمضش أو يبوظ

وبالهنا والشفا ----------- اختك داليا

اخواتى شكرا جزيلا على ردودكم فعلا استفدت منكن كثيرا جدا وشكرا للاخت حامل اول مره لشرحها المفصل كل عام وانتن بخير

الحمد لله الاخوات ما قصرو
وكلها طرق حلوووووووووه