المقادير 00

1 علبة ذرة
1 علبة نخي
3 روب مراعي
2 خيار
ربع فص ثوم مهروس
خس (لوتس ) الكميه حسب الرغبه
خبز يقطع مربعات ويحمص ( للوجه ) +( صنوبر محمص على حسب الرغبه )

الطريقه 00

1- يقطع الخيار قطع صغيره جدا وايضا الخس
2- يصفى النخي والذره من الماء ويسكب على الخيار والخس
3- يخلط الروب مع الثوم ( ملح حسب الرغبه ) ويضاف الى المقادير السابقه
4-وعند التقديم يزين بالخبز المحمص


سلطه لذيذه ويستاهل انكم اتجربونه 0 ماراح تخسرون

تبدو لذيذة وخفيفة..
والنخي لمن لا يعرفة هو الحمص المسلوق.

تسلم الأيادي... يا ام غزوز

شكرا أم غزوز على كل هالأطايب الحلوة

وين ما انروح نشوف الأطيب والأطيب من يدك

الله لا يحرمنا من تواجدك معانا

مشكوره اختي وعود الخير على الملحوظه ولكي جزيل الشكر ومنكي نستفيد حبيبتي

تسلمين يالبلوبه والله يحفظك وماقصرتي على متابعة

ما شاء الله عليج اختي ام غزوز

صحيح توج جديدة لكن اسم الله عليج

كلها مشاركات مثمرة وحلوة

الله يبارك فيج وفي مجايبج

السلام عليكم ورحمة الله وبركاته
ام غزوز الله يخليك على التطبيق فورا
لان الواحد صايم وبحتاج لش هيك
تسلمي والله لا يحرمنا منك