السلام عليكم بنات
اكيد مليتو مني و من مواضيعي
و اكيد قلتوا لحالكم هذه البنت كل مرة تعمل شغلة لازم تورينا عشان تقول انا بعرف
بس واللهي مو هيك القصة
انامتاكدة انو كل وحدة عندها طريقة و خبرة بشكل مختلف
و لو تبادلنا الخبرات فيما بيننا , ستخرج كل وحدة و قد تضاعفت معلوماتها
و هذه المرة خلينا نشوف كل وحدة كيف بتعمل المخلل
خليني ابا انا
اولا المواد المطلوبة صدقت حالها )
خل ابيض
كركم
خلطة بهارات المخلل ( تشمل القرنفل و الفلفل الاسود الغير مطحون و كاري و ما بعرف شو كمان )
بقدونس
ماء مغلي دافئ
ملح
الخضار :
خيار , فلفل حر و بارد , ملفوف , فاصوليا خضراء, جزر , قرنبيط , ثوم اعجمي و ثوم عادي
طريقة العمل ( ئال يعني بتعرف )
بنقشر الجزر و نقطعه حسب الشكل الي بدنا
و بنقطع الملفوف و الافضل انو مايكون صغير كتير مشان ما ينهرس
و الفاصوليا الخضراء كمان بننظفها من الخيوط و نقطعها
و الفلفل بنغسله و بنحطه و اذا كان كبير , الافضل انو نقطعه
يتبع

مليتو صح ؟
هانت هانت
المهم
بنقطع الخيار و القرنبيط كمان و بنحطهم
و نخلط الخضار و نضيف الملح و نتركه عشر دقائق كي ينزل الماء من الخضار

في هذه الاثناء ننقع الثوم الاعجمي بالماء الحار و هذا شكله قبل النقع و هو بيعطي طعم لذيذ جدا

ثم نحضر خليط الماء و الخل
لكل كوب خل ابيض , نضيف كوبين ماء مغلي دافئ و لا يجب ان يكون حار كي لا تهرس الخضار و تحافظ على تماسكها
و نضيف البهار و الكركم على خليط الماء و الخل في القدر
ثم نضع الخضار في الخل و الماء و نضعه على النار و نضيف ايضا بقدونس مقطع خشن مع الخضار
و نتركه يغلي

و بعد الغليان لمدة خمس دقائق , نرفع القدر عن النار و نتركه يبرد

ثم نضعه في مرطبان و نضعه في الثلاجة و يصبح جاهز للاكل

و صحتين و عافية
انا بانتظار ردودكم بفارغ الصبر و ياريت كل وحدة تحكيلنا عن طريقتها عشان نجربها

صرااااااااااااااااااحة

شيء لا يضاهى

انا احب ربة البيت المنتجة واللي للأسف ماني منهم

تسلمي يالغالية

كلك على بعضك رائعة

الله يسلم لي هالديات

الله يسلمك يا احاسيس
و انتي الغالية
و بلاش تواضع ده انتي كنتي سنة اولى طبخ و الان صرتي ست الستات
اسعدني مرورك يا احاسيس

اول شيء لي عتاب
شو نمل منك ومن اطباقك[
.. هذا الحكي ما بدي اسمعه مرة ثانية خليك طيوبة وامورة..

وبعدين تسلمي مرة واحدة ما بتعرفي طريقة مخلل ورق الملفوف
رجاء اذا بتعرفي اكتبي لي الطريقة وبدون صور ياست لنوشة
يأبرني اسمك شو حلو متلك.

يا اهلين وعود الخير
حاضر انسة ما عاد عيدها بس هل مرة سماح
بس ذنبك علة جنبك و لازم تجي تردي على كل موضوع اكتبه
بس المخلل بتقصدي انو بماء و ملح او بالخل ؟
لو بالخل , فانا كنت حاطة ورق الملفوف مع باقي الخضار
باين انو ماشفتي الصور
ولو بتقصدي انو لحاله , فاكيد نفس الطريقة
و امي كانت احيانا تعمل كم نوع بشكل منفرد حسب المواد المتوفرة عندها
يسلمو يا وعود و فرحت بمرورك

لنوشة.. مين قال اني ما بدخل كل مواضيعك ..
وبعدين انا شفت الملفوف ..
بس بدي طريقة الملفوف لوحدة ذقته مرة عند جارة بس ما رضيت تعطيني الطرلايقة
كان بالماء والملح على ما اظن
وبما انك طالبة مجدة ومجتهدة..
اكتبي الطرقتين وربنا يخليلك الوالدة.

تسلم ايديك بس اني عمري مافكرت اعمل مخلل ومن افكراكيد راح ارجع على موضوعك

تسلمين يالنوشة على التفصيل المفصل تفصيلة مافصلها احد قبل كذا......

من زمان نفسى اعمل مخلل بالبيت غير مخلل الخيار..

ان شاء الله يخلصوا عيالى امتحانات واشترى كل اللوازم واجهزه لطلعات البحر

تسلم يدك الحلوة على هالإبداع


يا هيك الإبداع يا لاء

صراحة الوحدة تتابع الصور وهي منبهرة بجمال الصور ( هذي إللي هي أنا ) وحدة مغرمة بالخضار (غرام غير شكل )

لما أكون في السيارة ونمر على خضرجي تزيغ عيوني على إللي عنده ( لا تضحكي علي )