صباح الخير على الجميع

ام البنات مشغوله بدها تغلبنا يا عمى من قدها

رندوش عندنا قلقاس بس من يوم ما زوجى حكالى انه فى مادة سامه حتى اطلع عليه ما بفدر بس فعلا عنوانك حلو خخخخخخخخخخخخخخخخخخخخخخخخخخخ صدق كل ما اذكر بضحك

ام ايمونى انا موجودة دايما معكم بس يمكن بسبب انشغالك ما شوفتينى بين الملابس الصغيرة ههههههه الله يهدى بالك ويعينك على القادم معلش مسطله من الفول

فيوليتا كيفك شو اخبارك الله يعينك على هاليومين وتخلصى كل شغلك


رينو شكرا للدعاء على الصبح بارك الله فيك

ام صائب اين انت ؟؟؟ وجميع الخوات الغاليات

انا اليوم طابخه دجاج محلوس تفضلووووووووووووووووووووووووووووووووووووووو

مسا الخير كيفكم ستات
اليوم اجت بنت ابني عنا ولما تيجي لازم اطلع انا وياها على الارض وتلقط ورد
وهيني رجعت بحس حالي معها كاني مخلفة من جديد شو ما بدها برد عليها
جابت ورد لامها ولبنتي وملت الكاسات ورد وهيها قلبت الصالون راس على عقب بدها تعمل بيت لها يا رب ما يجينا ضيوف اليوم عجبت على الصالون

مشتاقة الكم اليوم
امبارح صارمعي فصل مع بنتي جننتني. هي بالتوجيهي والمدرسة عندهم كتير شديدة وكل يوم 2 او3 امتحانات وصعبة ومسكينة درست اول واحد وما خلصته والساعةكانت0 1 وهي لسه ما خلصت وصارت تبكي وتصيح ومزقت الكتاب وبديش اروح على المدرسة وحسيتها صار عندها مثل انهيار عصبي وانا وابوها معها ونهدي فيها وقرات عليها قران
وقلتلها روحي نامي وما وديتها اليوم على المدرسة الله لا يوريكم كيف كانت حالتها
اليوم هي احسن شوي
اليوم ام صائب ما بينت سلامي للجميع رايحة اكمل طبخ اليوم طابخة ملوخية ورز

كتبت بواسطة ماما نبيلة

مسا الخير كيفكم ستات
اليوم اجت بنت ابني عنا ولما تيجي لازم اطلع انا وياها على الارض وتلقط ورد
وهيني رجعت بحس حالي معها كاني مخلفة من جديد شو ما بدها برد عليها
جابت ورد لامها ولبنتي وملت الكاسات ورد وهيها قلبت الصالون راس على عقب بدها تعمل بيت لها يا رب ما يجينا ضيوف اليوم عجبت على الصالون

مشتاقة الكم اليوم
امبارح صارمعي فصل مع بنتي جننتني. هي بالتوجيهي والمدرسة عندهم كتير شديدة وكل يوم 2 او3 امتحانات وصعبة ومسكينة درست اول واحد وما خلصته والساعةكانت0 1 وهي لسه ما خلصت وصارت تبكي وتصيح ومزقت الكتاب وبديش اروح على المدرسة وحسيتها صار عندها مثل انهيار عصبي وانا وابوها معها ونهدي فيها وقرات عليها قران
وقلتلها روحي نامي وما وديتها اليوم على المدرسة الله لا يوريكم كيف كانت حالتها
اليوم هي احسن شوي
اليوم ام صائب ما بينت سلامي للجميع رايحة اكمل طبخ اليوم طابخة ملوخية ورز

هلا باحلى ماما

الله يعينك على بنت بنتك بس شو تعملى هم روح البيت وبعملو حركه للبيت الله يخليها
الله يعين بنتك على التوجيهى خذيها مشوار بر البيت لازم نعير جو هيك بصيبها احباط
صحه وهنا الملوخيه

مرحبا بالجميع
وشكرا لكل من سأل عني
ام جهاد حبيبتي شكرا لحضوري بقلبك غاليتي
وانت كمان بالبال وبالقلب كمان بس انت وينك اليوم؟؟؟؟؟؟؟؟؟

ام ايموني ورندوش وماما نبيلة 100 هلا واسماءكم بالدردشة بتنورها

رند حبيبة قلبي
أنت كمان لما أشوف اسمك بنبسط كتير
انا موجودة بالمنتدى بس ما عم بفضى آجي لهون على طول
مو ملحقة والله

فيوليتا منورة يا عسل نحنا ما عطلنا مشان يوم المولد النبوي ما بعرف ليش بالعادة كانو يعطلو كل سنة السنة ما في
أحسن!!!!!!!!!!!!!!!!!

أم البنات اكيد مشغولة بالمسابقة نفسي اعرف مين الفايزة واشوف البنات شو عملو أطباق لاولادهم للمدرسة
بعرف مو انا الفايزة لأنو ما كان الي مزاج كتير بالتفنن هههههههه
يعطيك العافية عسولتنا

كيندة حبيبة قلبي انت والله ما بتغيبي عن بالي
والله يهونها عليك وينسيك همك يا رب العالمين
ربي يحفظك ويحفظ أطفالك وزوجك وأهلك ولا تقعدي لوحدك ابدا خليك دايما متواصلة مع الناس وبدي اشوفك على طول هون
الدنيا مرحلة وبتعدي والآخرة خير وأبقى
كتبتلك هالكلام لاجل ردك لماما نبيلة حبيبتي

أناغيم حبيبتي شو صار مع ماما وعود
ليه بطلتي اطلي واطمنينا يا عسل
ان شاء الله تيجي تبشرينا بشاير الخير

بحبكم جميعا
يا غاليين

ماما نبيلة التوجيهي بيشد الاعصاب كتير ساعدوها وهونا الامور عليها قولوا لها كلهم كم شهر وبتفرج تعالي ع حالك هالكم شهر والله بيسرها ان شاء الله
ام ايموني ذكرتيني بحالي لما كنت بدي اجيب هشوم طلعت اواعي البيبي وفرزتهم وكويتهم ورتبتهم من الشهر السابع
شو اخبارك رينو حاساك مش مبسوطة كتير صح ؟
كيندة وام صائب ووعود وام جهاد واناغيم وانجل وبنت ارض الحضارات ورندوش ورند و شهد و ام البنات إلى اللقاء ان شاء الله الاحد

ماما نبيلة الله يعينها بنتك
يعني أنا كيف السنة الجاي بدي ادرس وعندي اولاد وطبيخ وشغل بيت
والله شكلي يا برسب يا ما راح اكمل

الافضل أنسى الموضوع
مع اني تشجعت منكم بالبداية والله

فيوليتا بعدك هون ؟؟؟؟؟؟؟؟؟؟؟؟؟؟

رينو عنجد والله نسيت أرد عليك لانك مو كاتبة اخبار عنك
مالك حبيبتي في شي مزعلك
؟؟؟؟؟؟؟؟؟؟؟؟؟؟؟؟؟
طمنينا عليك

هلا ام صائب نورت الدردشه يا غاليه

نورت بنورك رند شكرا

سلام لكل الستات بصراحة ما بعرف شو بدي قلكم ما بعرف شو عم يصير على الجهاز كل ما بكتب رد بتفتحلي صفحات بالعشرات وفوقها فيروسات انتو عم يصير معاكم هيك

بنتوتات والله بالي مشغول على وعود يا رب تمر ازمتها على خير ويصبرها ويسرلها امرها

نسيت خبركم مبارح جارتي عملت وصفة ام ايموني تبع الدجاج بصوص الصويا ويمكن بهاليومين تنزله فعلا كان طيب كتير كتير جربوه