كرات اللحمة المفرومة المتعصجة بالبيض والبقسماط مشاركتي 3 لملف البقرة المشاغبة
كرات اللحمة المفرومة المتعصجة بالبيض والبقسماط مشاركتي 3 لملف البقرة المشاغبة
السلام عليكم ورحمة الله وبركاته
ازيكم اخواتي وحبيباتي في الله
انا اليوم حبيت اشارك مشاركة بسيطة جدا للغالية
برنسس لك في دعوة البقرة المشاغبة
والوصفة سهلة جدا وبسيطة ويارب تعجبكم
ممكن تتاكل بنفس الطريقة كده عادي
وممكن اضعها في التاقلية (يعني الصلصلة ) وتنضج وتتاكل بالف هنا
تعالو شوفو طريقتي البسيطة من غير صلصة
عادية خالص وسهلة جدا
المقادير
وديه المقادير كلها اللي هتتوزع علي الخطوتين
نص كيلو لحم مفروم طبعا (من الفخد )
و5 حبات بصل
و3 حبات فلفل رومي
وتوابل(ملح فلفل اسمر سماق هيل قرنفل دارسين بهارات مشكلة)
معلقة سمن
3 حبات بيض (مخفوقين جيدا بالملح والفلف الاسمر)
بقسماط
زيت للتحمير
الطريقة
الخطوة الاولي
اولا نقوم بتعصيج اللحمة المفرومة جيدا وتكون جاهزة مسبقا
طريقتي فيها
كالمعتاد وسامسحوني انا هقتبس من طريقتي اللي نزلتها سابقا لاني
كنت مجهزة كمية ومفرزاها بالفريزر
طريقتي باللحمة المفرومة المتعصجة
نص كيلو لحمة مفروم
بصلات كباااااااااااااااااااااار مفرومين 5
3 فلفلات رومي مقطعين صغير
معلقتين سمن
توابل(ملح ومعلقة ونص فلفل اسمر
معلقة هيل وثمن معلقة هيل 5 حبات قرنقل)
اضع السمن في الطنجرة ومعهم البصل واسيبهم علي نار
هادية خاااااااااااااااااالص لحد ماتدبل وتصفر شوية صغيرين
ثم اضيف الفلفل المقطع واتركهم عشان الفلف يدبل برضو ع النار الهادية
ثم اضيف اللحمة المفرومة والتوابل
واسيبهم ينضجوا وكويس ع النار الهادية السهااااااااااااااااااااري
الخطوة الثانية
ثانيا طريقة في عمل كرات اللحمة
باخد من اللحمة قطع صغيرة واقوم بتكويرها
كور صغيرة (او حسب الرغبة) وارصهم بطبق لحد مااخلص الكمية كلها
حبباتي انا بدخلهم الفريزر ربع تلت ساعة كده قبل
مااحطها بالبيض
بس انا كنت مستعجله عليها اوي
عشان كده حطيتها عادي بالبيض
ثم البقساط
وغلفتها كويس بالبقساط ورصيتها بطبق ودخلتها الفريزر
عشان تمسك نفسها كوووووووووووووووووووووويس اوي
يعني نص ساعة كده او اقل
وبعدها قليتها في زيت غزير
وخرجتها علي ورق منشف المطبخ
وكانت بسم الله ماشاء الله روووووووووووووووووووووعة
انا قدمتها مع كبة البطاطس باللحمة المفرومة اللي قدمتها سابقا
ونوع اخر بالجبنة فيتا قريب هنزله ان شاء الله
ومع بطاطس محمرةوكاتشب ومايونيز وكانو كلهم مع بعض ماشاء الله روعة
يارب تعجبكم وصفتي البسيطة يارب
واتمني منكم الدعاء لي ولاهل بيتي واهلي والمسلمين والمسلمات اجمعين
رد مع الاستدلال
كتبت بواسطة لالي لافندر
الروابط المفضلة