هههههههههههههههههههههههه
الله يسامحك يا رندوش لأ عرفتي شو تعملي عشان تخسي شوي !!!
معجنات و سينابون و بيتزا و منقوشة هههههههههههههههههههه
برافو عليك

سلام صبايا
كيندة انت نسيتيني بس والله ما زعلت بس أخذت على خاطري ههههههههههه
يخليلك حبايبك يا رب
وصحة وهنا الخبيزة ماما كانت تعملها وأنا ولا مرة طبختها بس شفت طريقتك انشاء الله بطبقها

كيندة أنت أصغر مني بسنة
وأنا زيك ست بيت
وكمان بعشق اليوم اللي ما في طبخ
بصحى الصبح فرحانه والدنيا منورة وبشرب كاسة النسكافيه على رواق

شهد حبيبتي أتوقعتيني بعدك الصبح والله كان بودي بس اتعمدت ما أقعد على الكمبيوتر اليوم
لأني مليت دايما موجودة وأنتو مو موجودين

أم أيموني يا مشرفتنا احنا صرنا مشهورين
عارفة شو يعني مشهورين هلا بحكيلك بس أكلم رندوش

رندوش حياتي أنا اليوم زيك رحت مشيت وصلت ابني على المدرسة يعني ربع ساعة بس الجو كان رائع اليوم
وصلت ابني لأنو مريض مش قادر يحمل الشنطة فرحت حملتلو اياها ووصلتها للصف
بس رجعت حطيت راسي ونمت
وصحة وعافية هالأكلات اللي أكلتيها بعد المشي
حبيبتي خذي حبوب الكالسيوم المزودة بفيتامين د ما بتحتاجي لريجيم
الكالسيوم بيحد من امتصاص الدهون بالجسم وأنا مجربة
اسمها كالترات الكالسيوم كل يوم حبة وهي ضرورية لكل النساء بعد عمر ال30 وللمرضعات والحوامل
أنت وحدة فيهم ؟
اذا مو وحدة فيهم خذي مشان النحافة وادعيلي وضروري أخذه أثناء الاكل مش قبل ولا بعد
طولت عليك !!!!!!!!!!!!!!!

يا بنات يا حلوات احنا صرنا مشهورين
اليوم شفت موضوع ما بعرف اذا شفتوه منتدى لك انعرض كدعاية على قناة المجد الفضائية
بس ما حكو أسماءنا ههههههههه المرة الجاي بيحكوا ام صائب عضوة مميزة ولها مواضيع ولا أجمل
ا،ها تتنقل في المنتدى وتعطيكم الافادة دائما هههههههههه

خذوا الرابط وانبسطوا زي ما انبسطت

http://www.lakii.com/vb/showthread.p...eadid=276878&s=

السلام عليكم جميعا ...
يعني اليوم علشان أنا مش موجودة .. ما شاء الله المنتدى عامر ...
شكرا لكل من سأل عني وشكرا كثير كثير يا أم أيمون على الدعاء .. بارك الله فيك
فعلا كنت محتاجة له ... لأني بجد مش شايفة الفضا ....

بالنسبة لأولادي لو كانوا كبار .. كان بياكلوا على كيفهم ...
صغار ويدوب قادرة أحكمهم

بس أنا ما بقتنع بأكل البرجر أو السناكس للأطفال ... لأنه جسمهم بحاجة لمواد غذائية
مش للأكلات الطيبة يلي طعمها زاكي وقيمتها الغذائية صفر ... بالعكس أضرارها أكثر

حبيبتي أم صائب نسيكي الشر يا قمر
والله مش قاصدة
انت يا عسل كمان من غزة ؟؟؟
* صحة و هنا على قلبك


أم جهاد منورة حبيبتي

صباح القشطة
كيفكم جميعا؟

أم جهاد عزيزتي البرغر بالعكس كلها فوائد
الخس فيتامينات ومعادن
قطعة اللحمة بروتين ودهون يحتاجها الطفل
البندورة فيتامين c وكل شي
المايونيز فيها البيض يعني مفيدة
البطاطا والخبزة نشويات مهمة للجسم وللطاقة
كل هاد وبتحكي صفر
بس يمكن قصدك أنها بتنصح ؟؟؟؟؟؟؟؟؟
مرة أو مرتين بالأسبوع ما بتأثر
ما تزعلي مني بس أنا من محبي الهامبرغر وبموت فيها مع أني مو سمينة

كيندة يا عسل
أنا مو من غزة أنا فلسطينية من قضاء القدس

بنات زمان ما احترت بالطبخة احكولي شو أعمل على الدجاج ؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟
فففففففففففففففف

صباحو ام صائب
اليوم قلت ما رح اكتب لاني لنا بجي من هون والكل بروح من هناك
كيفك حبيبتي كمان انتي عندك دجاج انا اليوم عاملة باذن الله دجاج بالكيس الحراري يعني بس تتبيل وحط بالكيس وبعدها بالفرن وجنبها بطاطا وشي سلطة من هالسلطات لشوف اشو اللله بيلهمني بس على الاغلب فتوش
وهلق عندي غسيل 3 وجبات غسيل
طبعا كل يوم على هالنظام بنتي كتير بتوسخ حالها وحتى انا كل ما بدي بدلها لازم بدل حالي كمان
وكمان ناوية اشتغل لبنتي شي شغلة حلوة
من عيد الفطر ما عملتها شي جديد لان انا بحب لبسها من تحت دياتي

صباح الخير لكل الستات الناعمات
اشتقتلكم كتير مبارح ما قدرت طل عالدردشة كان عندي تعزيل و للمسا ما عدت اقدر اقعد بس صار بدي اتمدد
و اليوم من بكير قلت بدي طل و شوف مين موجود و توقعت أم صائب تكون موجودة لأنها أنشط من معظمنا بس بتعرفو ما كان السيرفير شغال هلق قلت برجع بحاول و الحمد لله مشي الحال
أم صائب سلامة ابنك شو مالو اليوم أنا كمان مطالعة دجاجة من الفريزر و محتارة شو أعمل فيها شوي بقول بحشيها و شو بقول خليني دور عالأسهل و تبلها و أشويها بالكيس لسا ما قررت عموما الغدا عندي للخمسة المسا لأنو ولادي ما بيرجعو من المدرسة إلا للخمسة
شهود ما قلتيلي عملتي الإيش و لا لسا
كيندة يسعد صباحك حبيبتي سدقيني إذا بتقدري يطلعي من البيت بتجدد نفسيتك و بترتاحي لا تحبسي حالك و خصوصا هالأيام الجو حلو و بيشهي الطلعة
أم جهاد نورتينا كيفك يا غالية و شو طابخة اليوم يالله بلكي منلاقي منك فكرة جديدة

السلام عليكم ورحمة الله وبركاته ..

كيفكم اليوم يا صبايا ؟ وشو الأخبارعندكم؟

تسلمي يا أم صائب .. ماشاء الله عن جد إشي بيشرف وبيرفع الراس .. وعن جد صرنا مشهورين... ههههههههه

باقي الصبايا وينهم اليوم ؟؟؟

أهلا بأم أيموني ورينو وشهد
شهد أكيد هلأ خلصت غسيل يعطيك العافية
وطبختك طيبة بس أنا كان جاي عبالي شي شوربة

على أي حال هملت ملوخية هي الخضرة الوحيدة حاليا بالفريزر
شطبنا ههههههههههه
يعني هيك الفريزر صار بدو تعزيل
أنا بحب من فترة للتانية يفضى الفريزر مشان أنضفو بالكلور والمي
بيصير يلمع لمع وبفرش على أرضو قصدير مشان يضل نضيف لمدة شهر ما أصيبو(قليلة حيلة )

وين البنات ؟؟؟؟؟؟؟؟؟؟؟
أم البنات
بنت أرض الحضارات زمان ما بينت
ونفسي أعرف روزا وين
ورند الها 3 أيام ما طلت لعلو خير
ورندوش وينك اليوم؟
ووعود وابنتها الأمورة أناغيم
وفيوليتا كمان ؟
وماما نبيلة وينك ما بطلي على هالدردشة
كيندة ؟؟؟؟؟؟؟؟؟
سلامي للجميع وطمنونا عليكم بليز

السلام عليكم ورحمة الله ،،،
كيفكم يا جماعة ...
حاسة انه الكل فل من بدري ....

اليوم كان عندي ضغط شغل ويدوب فضيت شوي ...
وكل حكيكم عن الأكل ما رح يأثر فيي ... أكلت معجنات جبنة بالشطة ... بس شو ... اشي مش طبيعي