كتبت بواسطة **ام البنات **

الله يسعدكم ياغاليات
رنودة بنوتاتي 8سنين و نصف و 4سنين و نصف عندك ليهم عريس

عندى ولدين ماهر 12 وصقر 10 شو رايك بنفعو هههههههههههههههه بنتشرف بنسبك يا غالية

فوليتا سلامتك يا عمري ما عليك شر لتكوني مرضتي لانك رايحة تنضافي يوم الخميس
ولا يهمك اذا بدك بكرة بكون عالجسر بقطع تصريح للاردن وبيجي وبساعدك ههههههه
ريحي حالك شوي وان شاء الله بتشفي
اهلين ام البنات الله يخليلك بناتك ويفرحك بيهم
اهلين رند ووعود وام صائب ورنو وشهد و ام ايموني ورندوش مين كمان ليزعلو علي
على فكرة رند استعرت المسخن منك وضيفت فية بالدردشة الفلسطينة طلي وشوفي بيجوز البنات خلصوا عليه

اهلا رند
اليوم عملت سبانخ .... وعندي فاصوليا خضرا من امس...

مساء الخير للجميع
أم طلال أنا مبارح عملت سبانخ عادي وبكرة انشاء الله ناوية اعمل قراص
ماما نبيلة شهيتيني قراص الزعتر
يا الله بحب كتير اشياء وما بطبخها من كثر ما انا مشغولة (دراسة الأولاد وبشار وشغل البيت وووووووووو..............)
والله تعبت ومن يوم ما ركبت النت بطلت أفضى من مرة
على أي حال اللي بتعمل قراص الزعتر تبعتلي صينية مو صحن ههههههههه

صحيح انا بكرة عاملة قراص سبانخ بس انا ما كنت أعمل هيك أكلات والله كل من ورا هالمنتدى صايرة طباخة
حتى جوزي مستغرب بعمري ما عملت ملفوف ولفت وسبانخ وباذنجان وووبنفس الشهر
كنت كل شهرين أعمل نوع محاشي ههههههههه
الحمدلله على ما أنا عليه الآن

مساء الورد

على أي حال اللي بتعمل قراص الزعتر تبعتلي صينية مو صحن ههههههههه

بس يا ام صائب انا بدي صحن وباقي الصينية باتركها لك
صحتين وعافية
لو تشوفي ملاتييت بنت مفيد يا سلام شو طيبين
والا الزعتر يللي بتعمله shahd my life
راح افتش لك على الروابط

اليوم عملت اكلة غريبة عليكم اسمها فقاعية بنات غزة بيعرفوها
وكمان مكرونة
ان شاء الله بكرة مقالي وراح اعمل ..... نسيت

والله يا وعودة فقع قلبي وقلوب بنات القدس وما عرفت شو هاي افقاعية بنات غزة
ارحمينا وقوليلينا شو هي

معك حق يا ماما نبيلة بتفقع
من الهم اللي انا فيه طبختها

وعود ؟؟؟؟؟؟؟؟؟؟؟؟
انت عندك نت بالبيت ؟؟؟؟؟؟؟؟؟؟؟؟؟؟
كان حكيتيلي
بعتت الصور عالخاص لرندوش لو بعرف عندك نت بالبيت كان بعتتهم الك
انشالله تحطهم بسرعة ما ني مسدقة وأنا أشوفهم بالموضوع

سلامات يا حلوات
كيقكون من شوي رجعت عالبيت بس بتعرفو أحلى شي أنو رجعت و الولاد متعشيين يعني نص الهم اللي قبل موعد النوم راح هلق بس بخللي الولاد يلبسوا البيجامات و يالله عالنوم و بتبدا عندي ساعة صفا
وعود تسلمي عيوني عالنصيحة بس بتعرفي يمكن هالإبرة ما باخدها بالشهور مرة حتى مسكنات خفيفة ما باخد إلا إذا كان الوجع فوق الإحتمال
فيوليتا عن جد إذغ كتير تعبانة أجلي الموعد للخميس اللي بعدو و خصوصا أنو ما في حدا غريب