على بركة الله
تستمر الدردشة

ان طال غيابي فاعذروني ..
والسبب..... ظروف عامة تمر بها البلد

صباح الخير على الجميع يا رب العالمين
اهلا وعود اشتقنالك وكان الله في عونك
صبايا اليوم انا مش نشيطه مع اني على شغل كتير اهم شي الطبخ والحلو
عندي ستيك دجاج ممكن اعمله بالفرن مع الصوص
والحلو عندي فراوله اسهل شي بقطعها وبرش سكر وكريما والله بالسر عليم شو رايكم
عزيزتي انا لما بييجي ضيوف عندي بعملهم اهم شي قدرة قادر والله بيموتوا فيها سلامتهم من الموت
المهم بتجمع الكيك والكرميل عصفورين بحجر واحد
والمعجنات اهم شي خلية النحل واقماع الجبنه بعمل اقراص زعتر ورق اخضر والله لذيذه خالص يا ريت اختي ماما نبيله تكتب طريقتهم
اهل القدس ما شاء الله خبراء بيها !!!!!!!
ننتظر ماما نبيله الطريقه يا ريت اليوم

السلام عليكم ،،
كيف الحال للجميع ؟ شهد كيف كانوا الملفوفات لسه ما خلصوا الصينين احتفالاتهم براس السنة ؟
رند ورندوش ورينو وام صائب وماما نبيلة يسعد اوقاتكم
قبل شوي خطر على بالي بسكويت الزعتر الأخضر اللي ماما كانت تعمله زمان بدي اتصل معها كمان شوي بس تصحى اخد الطريقة منها رح اشوف كيكة التفاح اللي دلتني رينو عليها
اليوم صحيت والا جاياني لفحة على ظهري واكتافي دهنت دوا العضلات وشربت مسكن بس موجوعة منها منيح حتى السواقة الصبح يا دوبني وصلت

وبدي اعمل اقراص سبانخ والحلو للآن رسيت على كيكة النسكافيه ( الكيكة وليس البسكويت ) وبدي اسوي كمان شي مش خاطر على بالي لسة

صحتين على قلبكم عزيزتي
سلامتك بيروح الشرعنك اكيد من الكمبيوتر وجلستك الغلط
انا بدي روح اشتغل شوي برجع ان شاء الله

والله انا اشتقت لكم كتير يا رندوش بس بتعرفي اللي عم بصير
ويا خوفي ينطبق المثل البلدي اللي بيقول بدل الغزال بالقرد

وربنا يستر لحين ما تتضح الرؤية ... ما في شيء مؤكد والكل على اعصابه.

فيوليتا الف سلامة يا قمر وخلي بالك ولحقي حالك ع البدري
بتعرفي من زمان نسيت السواقة صار لي تقريبا شي 6 سنين ما سقت سيارة

الله يسلمكم جميعاً الوجع عم يزيد ليلة امس سهرت وانا عم اعمل وسائل لبنتي للمدرسة ولما خلصت حسيت بالم في رقبتي بس ما توقعت هيك يصير بعدين عادي اصلي متعوووووووووودة دايمااااااااً على هالقصة وما بتروح الا بابرة مسكن
وعود الله يفرجها عليكم آمين

آمين يارب
شوفي فيوليتا خذي منشفة وبليها بمية سخنه كتير ولفيها على رقبتك في الليل هيك بتريحك

صباح الخير جميعا

سلامتك يا قمر سلامت رقبتك والله يعينك شوفتى حلو الكسالى ولا لا

كيفك وعود الله يعينك ويهونها عليك

رندوش كيفك يا نشيطه طبيخ وحلو ووووووووووووووو

انا اليوم عامله سمك محشى ومش عارفة يمكن اعمل حلو بتعرفى رندوش نفسى اعمل قدرة قادر بس خايفة ما تزبط معى

صحيح رندوش ابنك شو بدرس بمصر ؟؟؟؟؟؟؟؟

شهد بينى بكفيك اكل وعزايم فينك يا قمر

ام صائب غايبه عن الطابور مشغوله اكيد باللفت الله يعينها

ام ايمونى وينك وشو اخبارك وشو عامله اليوم

ماما نبيلة فينك سالت انت فين الان فى القدس ؟؟

كيفك رينو شو طابخة اليوم اكيد اكلك زاكى

مرحبا فى ام طلال وشو طابخة اليوم بما انك لا تهتمى بالطبيخ هههههههههههه؟؟