السلام عليكم ورحمة الله وبركاته.....
ونتابع.....

السلام عليكم ورحمة الله وبركاته

اسعد الله صباحكن بنوتات النواعم بكل الخير والسرور
ادعو الله لنا جميعا بالعفو والمعافاة والعافية في الدين والدنيا والاخرة وان يستر عوراتنا ويفرج همومنا وغمومنا ويردنا جميعا الى الحق ردا جميلا حسنا عاجلا غير اجل ويهدينا جميعا سواء السبيل انه القادر على ذلك قدير وبالاجابة جدير..

رندوش لم ترسلي لي ولا مرة طبق من اطباق الحلو التي تعدينها مع انك تعرفين اني احب الحلو (واللي يعمل الحلو كمان ) هنيئا مرئيا..

ام صائب جزاك الله عني خيرا لوصعك الرابط اعددت امس شيش طاووق وكان تحفة فعلا كان ممتاز جزا الله الاخت بنت بلادي خيرا عنا وجعله في ميزان حسناتها..

وعود اين انت يا بنت الناس (لله يا محسنين )

كل البنوتات النواعم بنوتة بنوتة صباح الخير والسرور..

ساذهب بعد قليل الى السوق لاشتري لي تنورة كبيرة او جلباب لان الملابس اصبحت ضيقة (يبدو ان الغسل يؤثر عليها كثيرا ) هذه مجرد مزحة بالتاكيد فانا ساكمل النصف الاول من الشهر السابع (يقول لي زوجي عندما احسب امامه كم مضى من مدة على حملي عسى ان يفرج عنك في ثلاثة ارباع المدة )

لن اغيب طويلا ان شاء الله وسنوافيكم باخر التطورات لاحقا ان شاء الله..
اما عن الغداء اليوم لا ادري قد اطبخ يخنة كوسة مع رز ابيض والله المستعان..

السلام عليكم ورحمة الله وبركاته
بنوتة..

وعود اين انت يا بنت الناس (لله يا محسنين )

انا هنا يا بنت الناس اساعدك بالبحث عن جلباب واسع واحد لك والثاني لسيدة قشطة
اليوم من الفجر عملت شوربة فريكة وصينية زهرة بالطحينية... لاني اضطررت ان انهي اضرابي عن عدم الطبخ تحت تهديد العصيان المدني من قبل اولادي الذين ضجوا من اكل النواشف

وعليكم السلام ورحمة الله وبركاته وعود الخير
انشالله على طول باتضلي تطبخي على طول وما تعملي اضراب أبدا ويهددي بالكم
بس شو هي صينية زهرة بالطحينية ثاني مرة بسمعها بالمنتدى احكيلي طريقتها؟(لو سمحت)
بنت أرض الحضارات الله يسعدك يارب هاد من واجبي وصحة وعافية فعلا الشيش طاووق بالنسبة لي كان طبخة مميزة
رند هلا حبيبتي أول مرة بسمع عن بامية بالكفتة(صحة وعافية )صوريلي اياها أشوفها
رندوش انا زيك بموت بالحلو أكيد نحنا حلوين كتير هههههههههههههههه
فيوليتا يسعد صباحك أنا فعلا طبخت سمك كتير بس مو لأنا بالامارات لانو جوزي ما بيحب يروح على سوق السمك كتير فبيجيب كميات وانا ما بحب يضل كتير بالفريزر فبطبخ منو كل يومين مشان أخلص منو
بحكي كتير أنا مو هههههههههههههههههه
صحيح شهد وينها الها يومين ما بينت؟

مرحبا يا أحلى نواعم
كيف صحتكم اليوم و كيف المعنويات عندكم يا الله هاتو كل الأخبار اللي عندكم انا اليوم متفرغة للمطبخ بس مو مشان الطبخ بس مشان التعزيل يعني لازم أعمل حفلة تنظيف داخلي ( داخل الخزن أو الدواليب ) و المرحلة التانية يمكن تكون بكرة و هي التنظيف الخارجي يعني السقف و الحيطان
يا صبايا نحنا عنا مشكلة فظيعة ما بعرف اذا كنتو بباقي البلاد بتعانو منها و هي الشحوار ( الشحار ) و هو الناتج عن المحروقات تبع التدفئة يا لطيف ما منلحق تنظيف و بخلال أيام بترجعي و بتقولي كأني ما عملت شي و الله شي مو بس بيتعب لآ كمان بيملل
بالنسبة للغدا ما بعرف بس اليوم أي شي بس لنمشي الحال أنا كل فترة رح أعمل إستراحة و طل عليكم و شوف أخباركم يا الله أودعتكم عند الذي لا تضيع عنده الودائع

مساء الخير يا صبايا كيف الحال

فيوليتا اولادى بعثتهم للمدرسة اليوم بعد تفكير شديد بناتى فى مدرسة ام حبيبه الثانويه اولادى فى مدرسه فراس العجلونى انت كيف شو اخبارك واولادك راحو على المدرسه ؟؟

ام صائب انا كنت زيك استغرب كيف باميا بالكفتة بس لما عملتها كثير عجبت الاولاد وزوجى وبس ازبط الكميرا حنزلها موضوع ولا يهمك بس الطريقة كثير روعه وفيها لمون وفلفل وفلفل بارد وبندورة يعنى طريقة زاكية

كيف بنت ارض الحضارات شو اخبارك مبروك اللبس الجديد وتهريه بعرق العافيه والله يقيمك بالسلامه شدى حالك العراق محتاجة جيل جديد والله يعينكم على الذى انتم فية ويعينا اللهم امين

سلام للكل

رينو الله يعطيك العافية
طبيعي عند استعمال التدفئة راح يطلع شحبار كتير وأكثر شي بيبين يمكن بالبرادي
الحمدلله نحنا بالامارات بنشغل مكيفات النا يومين والمكيفات ما بطلع شي بس بتصفر الوجه هههههههههه
رند شكرا لاهتمامك بس أنا ما بحب البامية لا انا ولا الأولاد بس كفضول بدي أشوفها فقط لا غير
الله يسعدك ويخليلي اياكي حبيبتي

مسا الخير لكل الستات الحلوات
بنت أرض الحضارات إن شاء الله توفقتي بشراء ما يلزمك و تهريه بعرق العافية يا رب و الله يقيمك بالسلامة
شهود وينك اليوم مو باينة بشو ملتهية؟
أم صائب شو عملتي اليوم عالغدا ؟
سهر شو الأخبار ما شفناكي اليوم الله يسعد أوقاتك
أم أيموني سلامات إلك و قبلات لأيموني
رند و أناغيم و رندوش أنجيل سلام الله عليكم و رحمته و بركاته و أرجو أن تكونو بخير و سعادة
فيوليتا كيفك حبيبتي و كيف الولاد يا رب تكونو بخير
وعود حماك الله و حفظك أنت و فلسطين و أهل فلسطين و الله يكسر الأيادي اللي بتنمد على مسرى الرسول بسوء

يا بنات عندي سؤال الله يخليكون
اذا حبيت أنزل وصفة بالصور فكم لازم يكون قياس الصورة ؟

السلام عليكم يا صبايا
كيفكم كلكم ؟ ان شاء الله تكونوا بخير كلكم !!
انا بحمدلله اموري ماشية صحيح مش ولا بد بس الحمدلله على كل حال
بنت حماي تعبانة والله بالمستشفى زرتها يوم امس وما كانت حالتها منيحة كتير
ويوم امس كمان عرفت ان اختي اللي انخطبت بالعيد مريضة واهلي ما كانوا قايلين لي يعني لها كم يوم بيعرفوا مرضها وارجوكم وانتوا اخواتي انكم تدعولها الله يشفيها ويطمنا عليها لان حالتها مش مطمئنة
ما نمت الليلة الماضية من البكاء واليوم باشغل الكل لاحظ وهات يا اسئلة شو كنك سهرانة كنك بكيانة؟
وهلم جرا ان شاء الله ستعمل عملية اما بكرة او السبت ارجوكم ادعولها
غير ذلك فملل من الوحدة لحالي وابني خده وارم يظهر ان عنده خراج او شي زي هيك
بيكفي نكد ؟ صح؟

السلام عليكم و رحمه الله و بركاته
عندي تساؤل عن سندانه للزرع في وصفه الجبنه باوراق الثوم فما هى لو سمحتو
و رحم الله والديكم