كتبت بواسطة وعود الخير

ام أيموني

ان شاء الله تقومي بالسلامة يارب
يا ستي انا طلقت الريجمات ..أصلا ما عادت تجيب نتيجة معي
بس مش اشكال اكتبي لي اياه لو ما فيها غلبة

الله يسلمك ويوفقك.. مافي غلبة بس عندي ياه أنجليزي مش مترجم .. ممكن أنزلو هون ولا ابعتلك ياه على الخاص!!

كتبت بواسطة أم أيموني

هلا حبيبتي .. إنت شو أخبارك وكيف صرت؟ حملي ولله الحمد تمام بس طبعاً في شوية تعب .. أنا هلا بنص الرابع..
وأيمن والله لسه مش حاسس كتير .. بس أحياناً بضربني على بطني وبيقول ديديه بيبي وأحياناً بيبوسني من بطني وبيقولي حبيبي بيبي .. وأوقات بصير يخانق بدو يلعب معو .. طب بالله عليك من وين أطولو هلأ يلعب معو!!!

ههههه الله يسعدك ويسعد ايموني والله ضحكتيني على اللي بدو يلعب معه
بس ديري بالك لايجي يوم ويقولك بدو يلعب كورة معه يروح يشوت الكرة عليك بعيد الشر ههه

صبايا بطلت الحق عليكم شو سريعين بالدردشة.. كيفكم؟ انا منيحة وبنتي الحمدلله منيحة كانت مريضة مفلوزة من الجو..البارد بتعرفوا عمان وبردها

ام ايموني ووعود وmahmoudsangelوفيوليتا وام صائب ورند اهلا بكن جميعا واللله مشتاقة وان شاء الله بضل امر عليكم

انا اليوم مو طابخة شي عندي صينية خضار من امبارح...
بس نفسب اعمل حلو شو رايكم شو بتنصحوني يالخبيرات؟.؟؟؟طعامكم يجنن كنت دائما امر واشوف شو الطبخ اللديد

كيفكم ستات

نيالكم اللي قاعدين بالمطابخ .... أنا بالدوام ..... عندي طبيخ من امبارح صينية دجاج بالزغتر وبطاطا مع رز..
كوني موظفة ما بطبخ كل يوم. شو عندكم افكار جديدة للموظفات....؟؟؟؟؟؟؟؟ تحياتي لكن جميعا

أم أيموني .. والله وصرت من المشاهير .. ممكن توقيعك لو سمحت
يختي عليها بكفي انها مشهورة في المنتدى والكل بيحبها وبينتظر اطباقها..

مافي غلبة بس عندي ياه أنجليزي مش مترجم .. ممكن أنزلو هون ولا ابعتلك ياه على الخاص!!

مش اشكال انجليزي انجليزي اعتبره شغل وبدي اترجمه... ومتل ما بدك هون علشان الصبايا يستفيدوا لو حبوا او على الخاص... على راحتك يا قمر

وأيموني أزعر والله ما انا عارفة شو حيعمل بالبيبي خايفة ينتفوه للولد..

شو ينتفو هاي.. قولي راح يطلع عصيره من كتر ما بيبوسه

محبة الأخوه .. ما نحنا كمان بالدوام ...
افكار اعملي جدول اسبوعي بالطبخات وهيك ما بتتغلبي هاي كانت فكرة اخت كانت معنا اسمها ام سمية الله يذكرها بالخير وترجع لنا بالسلامة ومن يوم ما اعتمدت الجدول وانا مرتاحة
اذا بدك باحط لك الرابط
وأهلا وسهلا بك معنا في الدردشة والركن...

الف سلامة لبنوتك يا كونتيسة خلي بالك دفيها منيح باعرف برد عمان وحافظاه عن غيب...

مساء الخير يا حاوات شو سريعات ماغبت غير شوى كل هذا حكى

وعود بلا رجيم بلا هم خليك فرشة ولحاف للرجال هههههههههههههههههه زى ههههههههههه

شو فى صبايا جداد بينا شو هالحلو كونتيسة من الاردن الحبيبه زى انا فى البيادر انت وين

كيفك يا احلى انجل وشو اخبارك كيف تركيا وبردها وان شاء الله انفرجت امورك

ام ايمونى كيفك يا ماما شربت الحليب طيب خذى صحن كبه لايمونى العسل

واهلا بالاخت محبه الاخوة يا مرحبابك معنا

اهلا كمان روز هون واو نورت يا احلى روز

يا جماعة يا رندوششششش يا وعود وين رندووووووووووووش

الله يبارك فيكم على المنصب بصراحة اسألو موقع لك ليش رشحونى للمنصب وعقبال الكل ههههههه
وبعدين المنصب هو لموقع لك مش منتدى لك بشوف التعليقات واعطى موافقتى على الرد اذا الاكله عاجبتهم او لا
للمحافظة على الالفاظ المحترمة والغاء اى لفظ خارج عن الادب وهذا هو الموقع
http://www.lakii.com

سلام لكل الحلوين الذين هون