صباحكم فل وعنبر
كيف اللى موجودين واللى مش موجودين يا رب بخير دايما

صباح المسك يا بطة

اخبارك
ومتى نويت تنزلي مصر على خير

انا قصدي شغل البيت من النوع التقيل
مسح وشطف وتنفيض سجاد وتعزيل
تنزيل المطبخ وترجيعه

هذا الشغل مش شغل هالايام على قولة حماتي
ما بعرف ليش بتتعبوا
الغسالة والجلاية والمكنسة الكهربا والاكل الجاهز ووووووووووو

ساعة المغرب انزلي امشي وشدي رجلك بالمشي

ههههه الله يبارك فيها حماتك يا وعودة

أنا فى منتصف التعزيل والتلميع والتنضيف قبل النزول بإذن الله
إن شاء الله ننزل ٢٩ مايو ونوصل هناك ٣٠ ما إنتى عارفة السفر طوييييييييييييييييل

دينه أخباركم إيه؟

صباحو ياحلوين
ام عدي كنا نجيب سيرتك انا ودينة ههههههههه اسأليها ليش
ام حسن بالسلامة ان شاء الله
باقي الصبايا صباحكم سكر

دينة والله كانك بتحكي عن ابني مابدرس ربع ساعة عكس اخته طول نهارها بتدرس

ههههههههههههههه مجوده كنت بدي قلها جايبين بسيرتك من الصبح
شايفه انتي لولا الله مصبرني وعاطيني طولة البال معه لتلاقي معدله مو منيح ابدا مع انه ذكي
بملوا وعلى طول بده يقوم وانا قعده وقله يالله وسايره الولاد بدهم مسايره اكتر من البنت وبدك تكسبيه صديق عنجد انا عامله علاقة صداقه مه ابني بشان اكسبه

اهلين ام حسن بطه دايت مشتاقه لقعداتك بس بعرفك مشغوله والله ييسرلك امورك وتوصلي بالسلامه
انا كمان عندي حملة تعزيل قبل زوجي مايجي وعندي حمله قبل رمضان وعالصيفيه الله يبلغنا اياه يارب مشتاقتله كتير لشهر رمضان بتصدقوا هالمره غير

ام عدي هوه انا ناقصه حماتك ههههههههه انا من عدا شي مابحب الروتين وشغل البيت كله روتين وخصوصا طوي الغسيل بكره وبكره الروتين اللي فيه هههههههه
وانا هلا عبعزل وبالفعل التعزيل بتحسي حالك تحركتي كتير والله يعينا

صباحكم عسل يا حلوات
كيفكم اشتقتلكم كتير
امبارح كتبت ردود في الدردرشة وكل مااضيفها ما يزبط وابني قاعد بحضني وملزق
وبعدين عنا اجازة ليوم الاربعاء والاولاد قاعدين في البيت
وحملة النظافة شغالة مع ام حسن
حبي لكل الحلوات نفراية نفراية

على سيرة رمضان
الله يبلغنا ويبلغكم اياه على خير وبركة يارب
وبصراحة وبيني وبينكم انا من الان باستعد بس مش في شغل البيت وبس لا حتى نفسيا بحاول اني ارتب جدول واشوف كيف بدي استغل الوقت احسن استغلال .
اذا عندكم افكار ياريت نتشارك
يعني مثلا نبدا من الان نقرأ من اول القرأن (يعني بالبلدي نسخن ) ونصوم مع بعض مثلا نتفق على يوم او اي اشي بتقترحوه يا حلوات