في غيبتك صاحبك ضايق ومحتاس..

مدام قلبه في يدينك رهينة !!

في غيبتك ماعاد يجلس مع الناس..

جالس حزين وسبحته في يمينة!!

تمره الذكرى مع الفين هوجاس..

وتضيق من ضيقته كل المدينة!!

بالليل مايطري على جفنه نعاس..

ودموع عينه بالمحاجر سجينه!!

الدمع مايروي معاليق يباس..

ولاتزهر البسمات غير بيدينه!!

تمره الذكرى وياخذه الاحساس..

والنشوه اللي بالحنايا دفينة !!

كان الامل ينور على ظلمة الياس..

وكان الغلا في داخلك تحتوينه !!

في غيبتك يابنت قدرك على الراس..

يبقى معي رغم الزمان وسنينه!!

حتى ليامنه طرى قلت لاباس..

قلبي حفظ غيبتك لو ماتجينه!!


الشاعر/ فهد عويد الحبلاني

أستغفر الله و أثوب إليه شكرا جزيلا