ببارك لك وأودع دنيا الحب والأحباب‘
نصيبي بالهوى حبك وصرت لواحد غيري‘
بعزي فيك حظي والخفوق اللي من أجلك ذاب‘
ولا طاع يتبدل فيك غيرك يا مخا سيري،
وأعزي فيك شعر ما قبل غيرك وبعدك شاب،
تقل كفك هي اللي تآمر حروفي وتعبيري،
وأعزي فيك عين كن زولك رمشها ما غاب،
وغيرك عنك لو طال القمر ما طال تغيري،
أحبك حاضر عندي وأحبك لو طواك غياب،
وأحبك مثل نفسي يا كثر نفسي وتحسيري،
أحبك لأجل حبي لك وقلبي منك مايرتاب،
ولا يقل غلا غيرك ولا يقبل معاذيري
أحبك صوت أحبك زول أحبك روح ياجذاب،
أحبك حب أكبر من مدى شعري وتصويري،
صحيح أني جريح فراق روحي والجروح أسباب،
صحيح أني تعديت الحدود وطال تكبيري،
صحيح أن اللهيب بخافقي يا خافقي شباب،
وصحيح أني بنفسي ضاع تفكيري وتدبيري،
بكى لك دمعي الوافي ولا والله عليه عتاب،
وتلاشت يامدى صدق الهوى عندك مشاويري،
وتفارقنا فراق عيون لكن القلوب أحباب،
وتمنيت السعادة لك ولو مع وأحد غيري،
الروابط المفضلة