منقوووووووووووووووووووووووووول

فصل(1)
بكرة نتيجة ثانوية عامة وعلي بطل القصة (ضحية القصة)قاعد مع أصحابة بالليل قرب الفجرعمالين

يتكلموا علي النتيجة و صاحبة أحمد عمال يقولة تصريحات وزير التربية و التعليم عن الاطمئنان علي النتيجة و التصحيح و ان كل شئ تمام تمام !! بعد كدة قعد يتكلم مع صاحبة التاني حازم عن مجموعات العلمي و الأدبي في تالتة ثانوي وعلمي رياضة و علمي علوم و أدبي بمادة علمية وعلمي بمادة أدبية ولخبطة و عك و كل شوية علي يقول لحازم عيد من الأول وحازم اتخنق!و ال علي مش فاهمة هو ان مجموعة هو ال هيحدد التخصص في تالتة ثانوي مش رغبتة أو ميولة وفضل حازم يشرحلة مواد كل مجموعة لغاية ما الفجر اذن و راحوا يصلوا و بعد كدة كل واحد روح ينام مشغول بال هيحصل اليوم.
لما علي روح لقي أبوة و أمة واقفين علي راسهم من القلق وبيتهموة بالبرود و السلبية علشان نزل ليلة نتيجتة. بعد وقت قليل نام علي وحلم بكوابيس علي أحلام علي أي كلام.
صحي علي السلعة .3و8 لقي أبوة بيلبس هدومة علشان يروح يجيب النتيج و لكن علي أصر انة هو ال هيروح يجيبها بنفسة.
راح علي و أحمد و حازم المدرسة وكانت زحمة كأنة يوم الحشر و علي ماشي مع أصحابة قابلوا واحد يعفوة اسمة سامح جاب نتيجتة و طلع جايب 96%,أم أحمد قايل لعلي :مش قلتلك ان الاغبياء هما ال بيجيبوا مجاميع ,وحازم رد و قالة :عندك حق الواد فعلا كان ابن غبية.
و التلاتة ماشيين يتفرجوا علي ال بيبكي وال فرحان ,وعلي بيسأل نفسة:هي النتيجة دي نهاية العالم وهل هي تستحق كل دة؟؟!
المهم,كل واحد راح يشوف شهادتة و يستلمها و أول واحد استلم شهادتة هو حازم,والمدرس قبل ما يسلمهالة بص فيها و قالة:لا حول و لا قوة الاباللة وطلع حازم جايب مجموع 79%و أحمد جاب 90%.
أما علي لما راح يستلم شهادتة ,المدرس بص فيها كويس وقال :ام م م...كويس يا ابني بس شد حيلك في سنة تالتة وطلع جايب 93%,أما علي فقال في نفسة:هو أنا لسة هاشد حيلي تاني ....أنا زهقت خلاص.
وبعدين كل واحد روح لاهلة يقولهم علي النتيجة المرسومة علي وشة.
وعلي راح و قال لابوة و أمة علي النتيجة و بعدين بدأت مجادلة كبيرة بين أبوة و أمة علي المجموعة ال ياخدها في تالتة ثانوي اذا كانت رياضة أو أحياء.
و أبوة يقول :ياخد رياضة علشان يدخل هندسة و يلاقي شغل
وأمة تقول:ياخد أحياء علشان ممكن يلحق طب أو صيدلة علشان يبقي اسمة دكتور.
وعلي بيقول في نفسة في استغراب:كأن الهدف مش ميولي ولا رغبتي وكأنهم عارفين المستقبل و كأني بادخل كلية ممكن تغير مسار حياتي علشان مجرد لقب و ما حدش منهم حتي فكر يسألني انت عايز اية!
تاني يوم,و علي صاحي من النوم لقي أمة جايبالة ورقة وبتقولة:اتفضل يا حبيبي دي مواعيد دروسك الجديدة ال هتبتدي من بكرة.
و علي بيبص في الورقة سأل نفسة:هو انا اخدت أجازة أصلا علشان اجع للدراسة تاني,و هو أنا اشتغل 9 شهور و أكثر و اخد أجازة أسبوعين بس!
و علي قعد يقنع أبوة و أمة قبل كدة مرارا وتكرارا ان الدروس الخصوصية مالهاش لزمة,و لكن دون جدوي.
وعلي بيقول في نفسة:كان نفسي أروح العب اسكواش ال بطلتة من ساعة ما دخلت الثانوية المهببة دي.
فصل(2)
النهاردة أول يوم أروح الدروس من تاني,وكان أحمد معايا.
المهم أول ما دخلنا عمارة أو شقة المدرس (مش مهم عمارة ولا شقة لان العمارة كلها بتاعتة)لقينا سكرتيرة و بتسألنا:اسمك و حاجز ولا لأ ودافع المقدم ولا لأ؟
حسستني اني رايح أحجز (BM 500).
وبعدين المدرس دخل علشان يبتدي و كل شوية يقول:ال ما دفعش لازم يدفع المرة الجاية.
خلص الدرس وخرجنا بعد ما خلصت و زهقت,واحنا ماشيين المدرس شاف أحمد و هو بيعد أدوار العمارة,قام المدرس في جنان قايل:بتعد اية!بتعد اية يا ابني!!هي دي ال طلعنا بيها من الدنيا.
و رد أحمد علية:دا غير ال في البنك!وال برة البنك وال...
والمدرس قاطعة:بس!حرام عليك.
بعد كدة عرفت هو كان متأثر أوي كدة لية ,أحمد قالي انة قبل كدة جاب عربية zero وولعت من نق الناس علية.
و أنا مروح قابلت حازم كان رايح net cafe ,مش عارف هو بيحب ال chat أوي كدة لية ,هو قالي انة طريقة بتخلية يكلم بنات زي ما هو عايز وفي مواضيع جريئة ال لو كان بيكلمهم وش لوش عمرة ما كان هيجرؤ يتكلم فيها ,ومتهيألي عندة حق,الكتابة ممكن تكون أجرأ بكتير من اللسان.
وانا عن نفسي قررت اني هاعمل chat كتير لان عندي تسأولات و حاجات كتير عايز اسأل عنها و افهمها ,بس يارب افهمها صح.
-----------------------------------
اصحي يا علي اصحي ....علشان تقوم تذاكر انت درسك الساعة 4, دي كانت أول حاجة سمعتها النهاردة من وانا باصحي من النوم .
وكالمعتاد قمت و باشرب شاي قدام التليفزيون و كالمعتاد طبعا باشوف نفس المأسي ال بتحصل كل يوم في فلسطين.
نفس المناظر...نفس الدماء...نفس الذابحين...نفس المذبوحين
كل يوم...كل يوم,لحد ما خلاص زهقت ومش عارف هو دم المسلم رخيص أوي كدة,واذا كان ما حدش هيتحرك لمساعدة فلسطين,بيذيعوا المشاهد الفظيعة دي لية ال تجيب الغضب و الاكتئاب؟؟فالحين بس كل شوية يعملوا أغاني عن فلسطين!ومن امتي كانت الأغاني بتساعد حد؟!
وانا خلاص زهقت ,ونفسي اعمل حاجة علشان الناس ال بتموت هناك.
وحاسس ان من كتر تكرار نفس المناظر كل يوم اني هابقي انسان سلبي ما عندوش مشاعر.
و بعد يوم طويل من الدروس,رجعت البيت طبعا تعبان جدا وطبعا علي النوم وش.
و في اليوم دة حلمت حلم غريب أوي,حلمت بطفل رأسة مذبوحة ولكن ليست منفصلة عن جسدة وبيمدلي ايدة وفيها بندقية وبيشاور بايدة التانية ناحية اليمين وبيقلي:خذلي ثأري...!
وانا ما ردتش علية خالص.
فقالي تاني:خذلي ثأري...!
وبرضوي ما ردتش علية.
فقالي مرة تالتة:خذلي ثأري...!
والمرة دي رديت علية و قلتلة(في حسرة):بس أنا ضعيف!!
فابتسملي و بصلي وحرك رأسة يمين و شمال.
كان حلم غريب فعلا ومش عارف معناة اية!!ممكن الايام تعرفني معناة...
فصل(3)
النهاردة يوم عادي جدا زي أي يوم في المدرسة,وطبعا لازم أحضر علشان الغياب بس مش علشان أي حاجة تانية.
وطبعا معظم المدرسين ما بيشرحوش,والسبب ما اعرفوش؟!
الظاهر ما يعرفوش قول الرسول(صلي اللة عليةوسلم):ان اللة يحب من أقام منكم عملا أن يتقنة.
وفي حصة العربي كان عندي سؤال سألتة للمدرس ورد بمنتهي الغرابة والبجاحة:هو انت مش بتاخد درس؟ما تسأل ال بيديك درس؟
والحصة الجاية حصة دين وزي معظم الأحوال هتبقي حصة احتياطي,مش عارف هو الدين لية المادة الوحيدة الما بنهتمش بيها زي المواد التانية ,يمكن علشان مش بينضاف للمجموع و ما لوش تأثير علية,ولية ما يبقاش زي بقية المواد التانية أو حتي يبقي زي المستوي الرفيع!
وطبعا بعد المدرسة اجري علي الدرس ال عندي ,وطبعا تعبان جدا.
والمرة دي كان عندي درس عربي ,والعربي دة أغرب مادة شفتها في حياتي!مش عارف لية بيخلونا نحفظ النصوص و القصائد اجبارا,واحنا حتي القرأن في مادة الدين ما بنحفظوش.
و لو أنا ميولي علمية لية يخلوني احفظ أدب و شعر.
و أخيرا روحت بعد يوم طويل و ممل ومش عارف ازاي هاقدر أذاكر أو افتح كتاب.
وال يضحك اني شفت ابويا بيقنع اخويا الصغير انة يبطل تمرين الجمباز علشان ممكن يأثر علي مذاكرتة علشان هو بيعدة وبيجهزة للثانوية العامة علشان عايز يدخلة كلية صيدلة.
مش عارف لية دائما أهالينا عايزين يختاروا لنا طريقنا ولية عايزينا نبقي زي ما هما عايزين ولية أبويا ما يجهزش اخويا انة يبقي بطل جمباز بدل ما يجهزة لحاجة هو ما يفهمش هي اية؟
-----------------------------------
وبالليل أحمد صاحبي كلمني في التليفون و حكالي عن واحد صاحبنا اسمة طارق تدين و ربي دقنة و انة بقي يصلي في المسجد و كنت حاسس من صوت أحمد و طريقة كلامة انة قلقان علي طارق أو خايف منة أو علية أو وخد منة موقف مش عارف اوصفة.
وبالصدفة قابلت طارق بعد يومين في المسجد بعد الصلاة ولاحظت فعلا ال قالة أحمد و قعدت أتكلم معاة شوية عن الدين وسألتة سؤال كان محيرني:هو لية لما واحد بيتدين أو يربي دقنة الناس بتبصلة بصة غريبة,مش نظرة خوف
و لا قلق ولا احترام,مشعارف هي اية بالظبط؟
فصل (4)
النهاردة يوم الجمعة,يوم أجازتي الوحيد و باصحي براحتي الي حدا ما وقبل ما انزل أصلي الجمعة دخلت استحمي كالمعتاد.
بس المرة دي و أنا باستحمي لاحظت حاجة غريبة أوي,مش عارف حاسس ان جسمي حصل لة تغيير كبير في خلال الفترة ال فاتت ال بطلت ألعب فيها رياضة ,واضايقت أوي لان جسمي كان وصل لمرحلة كويسة قبل ما ادخل ثانوية عامة و انقطع عن الرياضة نهائياز
حتي حصص الرياضة في المدرسة نادرا ما بناخدها أو نلاقي الأدوات الازمة,دا حتي في مدارس كتيرة فيهاش حوش أو ملعب أصلا.
وطبعا بعد ما استحميت نزلت مع بابا علشان نصلي الجمعة و طبعا أكبر وقت
ممكن ضاع علشان نروح علي الصلاة علي طول وما نحضرش الخطبة,مش عارف ابويا لية عمرة ما اهتم اني أحضر الخطبة,كان دائما و أنا صغير يقرا الجورنال في العربية أثناء الخطبة وأول ما يسمع أذان الاقامة نروح جري علي الصلاة,علشان كدة لحد دلوقتي مش قادر احس بأهمية الخطبة.
وأنا مروح بعد الصلاة ,قابلت حازم كان رايح ال gym,كان نفسي أروح معاة بس عندي مذاكرة كتير لامتحان الفيزياء.
تاني يوم بعد أخلر درس عندي,وبعد ما كبيت ال انا حافظة في الامتحان ,
-----------------------------------
و لما روحت ,شفت في الأخبار الموضوع ال شاغل العالم بقالة شهر ,وهو ان أمريكا حركت قواتها في الخليج و ناوية تضرب العراق مرة تالتة,بس المرة دي شكلها ناوية تقضي عليها,ودعيت ربنا ان ال باشوفة في فلسطين كل يوم ما يبقاش كمان في العراق.

و طارق رد:السبب في كدة يا علي هو اعلامنا وأفلامنا ال دائما تظهر الشخص الملتحي علي انة متزنت او متشدد,وكتير بيظهروة علي انة منافق,
متدين أمام الناس و شيطان في الخفا.
وأنا مروح ماشي أفكر جامد في الكلام ال قالهولي طارق وفعلا باسأل نفسي هو لية داءما الافلام و الاعلام بيحاولوا يشوهوا صورة الملتحي ولية دائما بنخاف من الملتحي ليجيبلنا مشاكل مع الحكومة أو الشرطة؟
مع انها سنة الرسول الكريم ال المفروض نحافظ عليها مش نحاول نخفيها؟!
و اذا الالتحاء بقي موضة في يوم من الأيام هيكون الحال هو نفسة؟!
ياة...!ياما كان نفسي أبويا يفهمني حاجات كتير أوي في الدين,بس للأسف كان كل اهتمامة يعلمني ان س+س=2س,وعمرة ما فكر يكلمني عن الدين ال أنا مش فاهم و مش عارف فية حاجات كتير.
فصل(5)
الكنت خايف منة بقالي شهور شكلة هيحصل,وال بيحصل وال باشوفة كل يوم في فلسطين هيحصل في العراق,ومش قادر أتصور ان عدد المسلمين ال بيموتوا كل يوم لسة هيزيد !
والنهاردة الساعة 3:30 صباحا كان فاضل حوالي ساعة علي انتهاء مدة الانذار ال اديتة أمريكا للعراق وال بعدية هتبتدأ الحرب والساعة دي كانت اسوأ ساعة مرت علي وانا باشوف القوات و الأسلحة الأمريكية بتستعد لحق بغداد.
وكمان كنت قلقان جدا علي صاحبي فراس العراقي ال باعمل معاة chat
وال حاولت أكلمة بس للأسف ما عرفتش.
ومضت ااساعة ,وبدأت الحرب تقريبا4:45 صباحا ,وانا باتبعها علي التليفزيون كنت حاسس انها زي ألعاب الحرب علي ال
play station,صواريخ وقنابل تسقط علي أهداف و بس مش أكتر.
وفضلت أتابع الأخبار علي التليفزيون لحد ما جا ميعاد المدرسة.
نزلت وكنت حاسس اني هالاقي تغيير علي الناس أو في الدنيا بسبب ضرب العراق ,ولكن كل شىء عادي وأنا نش مصدق.
وانا في طريقي للمدرسة طلعت فوق كوبري أراقب الدنيا من فوق وأقول في نفسي:أنا نش مصدق...كل شيء عادي كل شيء طبيعي و انا ال كنت فاكر ان الدنيا هتقف...مش عارف اية تاني ممكن يحصل علشان نقف و نقول لأ...لأ..لأ.
الظاهر ان ال كنت خايف منة انة يحصلي حصل لمعظم الناس وبقوا سلبيين بلا مشاعر من كتر تكرار مناظر دماء المسلمين ال بيشوفوها كل يوم.
وطول اليوم في المدرسة و الدروس مشغول بالموضوع دة و قلقان جدا علي صاحبي فراس خاصة انة ساكن في بغداد.
-----------------------------------
بعد شهر من الأحداث و بعد ما أمريكا دخلت أو احتلت بغداد,ما بقتش خلاص قادر أتابع الأخبار أكتر من كدة وحاسس اني في مرة هانهار ,مش عارف هو انا لية ما بقتش سلبي أو بلا شعور زي بقية الناس التانية.
والنهاردة وانا عال net شفت صورة ما قدرتش احبس دموعي قدامها,شفت جندي أمريكي وهو يفتش امرأة عراقية عجوز جدا بعد ان أجبرها ان ترفع جلبابها لتكون مخبية تحتية قنبلة ,و زوجها العجوز واقف يتفرج في حسرة يبكي في داخلة من الحسرة.
وأثناء فترة الحرب كنت باتابع برنامج تليفزيوني جميل جدا لعمرو خالد اسمة (حتي يغيروا ما بأنفسهم),وال فهمت منة احنا لية وصلنا للحال دة.
وكان أ/عمرو خالد دائما يدعو الناس للتضرع الي اللة ليرحم اخوانا في العراق ,والتضرع هو الدعلء بشدة الي اللة وال كان دائما بة الأنبياء أوقات الكوارث.
و ال مش قادر اصدقة هو اننا خلاص ما بقيناش نملك شيء نقوم بة لمساعدة العراق أو فلسطين أو ال بعد كدة الا الدعاء أو التضرع.
فصل(6)
ابتديت أنسي موضوع العراق و فلسطين,أو يمكن باتناسة ,وخلاص زي ما اتعودت ان كل يوم لازم اشوف مناظر دموية في فلسطين,اتعودت اني أشوف مناظر زيها بالظبط في العراق,بس يا رب ما يجيش اليوم ال اتعود فية علي نفس المناظر في مكان أحب ليا من فلسطين و العراق.
الأسبوع الجاي الأمتحانات و لازم أذاكر و اصم كل ال بقالي شهور باخدة,
بس أنا لسة ما عرفتش أي حاجة عن فراس اذا كان بخير ولا لأ و لا اية ال حصلة بالظبط.
و تاني يوم قدرت أكلمة بعد محاولات طويلة ودا الحوار ال دار بينا...
علي:ألو...فراس الحمد للة ان أنا قدرت أكلمك،انت بخير؟
فراس:الحمد للة علي كل شيء.
بس أنا كنت حاسس من صوتة ان في حاجة حصلت مش عايز يقولهالي,
فقولتلة:فراس...انت مخبي عني حاجة؟
رد و قالي :نعم.
علي:قولي اية ال حصل..؟
فراس:رأيت يا علي حادثة الصاروخ الأمريكي (كروز)الذي يقال انة سقط عن طريق الخطأ فوق أحد الأسواق في بغداد؟
علي:اة..اة!صح!أنا شفت الموضوع دة في الأخبار.
فراس:أنا و أبي وأخي كنا هناك.
علي:و انتم بخير كلكم.
فراس:أنا فقدت قدمي اليسري أما أبي وأخي ففقدوا حياتهم و استشهدوا.
بعد ال سمعتة ما قدرتش أكمل الكلام ودخلت جري أنام واهرب من الواقع المؤلم.
وطبعا ابويا استغربو دخل ورايا يسألني:اية ال حصل يا ابني ؟انت داخل تنام بدري كدة لية؟
ورديت علية:معلش يا بابا أصل انا تعبان شوية.
تاني يوم قررت ان انا هاركز في المذاكرة وبس علشان امتحاناتي خلاص قربت جدا,لاني كدة هابقي باحمل نفسي فوق طاقتي.
---------------------------------
وابتدت الامتحانات ,و كالمعتاد كل امتحان أكب ال أنا حافظة مش أكتر.
و كنت مستني أخلص الامتحانات بفارغ الصبر علشان أقدر أرجع لحياتي الطبيعية من تاني.
و كنت متفائل جدا لما كنت فاكر اني لما هاخلص ,بس للأسف دخلت في متاهة القلق علي النتيجة والقلق الأكبر عل التنسيق.
فصل (7)
النهاردة أول يوم أقابل فية أصحابي ال بقالي مدة ما قابلتهمش من أيام الأمتحانات والمذاكرة وكان باين عليهم التعب زي ما كان باين علي.
وقعدنا نتكلم عن التنسيق,وكل واحد عمال يقول الكلية دي هتاخد 96% أما دي فهتاخد 94% ,ومش عارف لية أنا مش قادر أفهم نظام التنسيق
الغريب دة ال مفيهوش أي نوع من التنسيق أو تحقيق الرغبات,بالعكس أنا باحس انة اجبار.
عالعموم مش فارقة,هو حد كان بيدينا فرصة نختار حاجة قبل كدة لما هيسبولنا دة نختارة.
واتفقت مع حازم اني هاروح معاة ال gym بكرة.
تاني يوم في ال gym,كنت فرحان أوي اني هاجع ألعب رياضة من تاني,بس للأسف فرحتي ما كملتش لان أول ما ابتديت كنت حاسس كأني بقالي 10 سنين ما مارستش رياضة,والأسوأ من دة اني كنت شايف ال أصغر مني ب 3 و4 سنين بيلعبوا أحسن مني ,أصبت باحباط كبير ومشيت بدري قبل حازم .
و أنا مروح لوحدي كنت مضايق أوي وباسأل نفسي:هو السنتين ال قضيتهم بعيد عن الدنيا في انعزال منهمك في الدروس و المذاكرة وال كان ليها تأثير كبير علي جسمي و شكلي ونفسيتي هيكون ليها فائدة كبيرة تستحق كل دة ولا لأ؟
قريب أوي هاعرف اجابة السؤال دة.
ولما روحت قعدت اعمل chatمع واحد صاحبي من أمريكا,قلتلة اني أخدت الثانوية العامة و قالي :كويس و هتشتغل ولا هتكمل في كلية؟
نش عارف لية استغربت أوي لما قالي هتشتغل,وسألت نفسي:هو الواحد معقول ممكن يشتغل في السن الصغير دة و بثانوية عامة!و معقول الواحد في أمريكا ممكن يشتغل بثانوية عامة!أكيد التعليم هناك بيبني شخصية الوحد قبل التعليم علشان يخلية يقدر يشتغل في السن دة.
المهم,رديت علية و قلتلة اني هاكمل و هادخل كلية.
ولما سألني هتدخل كلية اية و قلتلة لسة ما عرفش علي حسب التنسيق استغرب أوي ,وبصراحة عندة حق.
---------------------------------
النهاردة يوم شبية بيوم مر علي من حوالي سنة وهو ليلة نتيجة تانية ثانوي لما كنت مع أصحابي وال عايز يعرف اية الحصل في يوم نتيجة تالتة ثانوي يبقي يقرا الفصل الأول لانة زية بالظبط.
والمجموع ما فرقش كتير ,طلعت جايب 91%,وفي خلال يومين لازم أكتب 36 رغبة علشان التنسيق ومش عارف لية 36,ولية ما تكونش رغبة واحدة وغاية واحدة و هدف واحد يلتحقبيها الواحد,اة...أنا أسف..انا نسيت ان دة مش تنسيق لتحقيق الرغبات ,دة تنسيق للاجبار مش أكتر.
وبعد ما كتبت 36 رغبة ,أنا دلوقتي مستني نتيجة التنسيق.
بعد أسبوع ,عرفت نتيجة التنسيق,و لسخرية القدر ما لقتش حاجة من ال أنا عايزها أو من ال أهلي عايزينها وكدة هاضطر أدخل كلية خاصة بعد كل دة...,حاجة تضحك و تبكي في نفس الوقت.
و بعد يومين,شفت وزير التربية و التعليم في التليفزيون بيقول انة هيخلي الثانوية العامة من أولي ثانوي,يعني 3 سنين,قلت في نفسي:ربنا يرحم الأجيال ال جاية من ال عايزين يعملوة فيهم.

مشكووووووووووره يعطيكى العافيه

يا الله .. !

أكره المدرسة كره عظيـــــم !

بودي لو تكون الدنيا كلها عطلة

ولي عودة لأخبرك برأيي في قصّتك ... أو منقولتك

مشكورة يا الغالية

دمت لمنتداك

مشكورين على المرور يا قمرات المنتدى

جميله بس فكرتوني بالثانويه العامه تاني كانت ايام حلوه و الله
مشكوره كتيير ع الموضوع

أحسنت
هديتي كتشجيع......تقبليها

قبلتها يا وردة المنتدى ...
بس ده ورد كتير قوى كل ده لى انا ... مره مشكوره يا قمر

شكراً لكِ

دمتي لنا