السلام عليكم ورحمة الله
اسمحوا لى ان تكون اول مشاركتى معكم بشعرى عامى

والله مع انى بحب اكتب قصائد بس حابب قوى ابدء بده
ويارب تعجبكم

لا جوه نافع ولا بره نافع
وبقت مصالح وبقت منافع
وبقت تجاره وحرفه وشطارة
وناس تهاجهم وناس تدافع
******
وناس تقولك بكام ياعم
وناس تبجح ولا عدش دم
فى كتير غلابه فى بلدنا دى
فى ناس تكمل عشاها هم
********
دى مش حكايه ولا مسرحيه
دى حقيقه حصله فى بلدنا ديه
سعات بتقتل ويقولوا طيب
وسعات تكون انت الضحيه
*******
ودة بيه وباشا وبدله شيك
صاحب قضيه رافع شعار فتح عنيك
ابوه الجنيه وابن عمه سلامه بيه
ممكن فى لحظة يبيع ابوك ويشتريك


بس كدة والحدق يفهم و يكمل
ويارب تعجبكم