ا خذتني عنك اشغال الحياة وزحمة الايام ياامي
انامانسيتك او تناسيتك حشاء يمه
وما عاش راسي لو تركتك يوم ياامي
اناا خدمك ورعاك طول العمر يايمه الله امرنا في كتابه وفي السنه
ولوقضيت العمر اعرف ماوصلت الي وصلتي له
لكن هذا واجبي برك ورب البيت وصانا بها يمه
كم ليلة فيها سهرتي تطلبين الله يحفظني ويرعاني
وكم ليلة فيها بكت عينك على شاني وتدعي لي
ويوم بلغت الخمس الاولى من سنين العمركانت فرحتك بسمه
والامشيت الدرب قدامك فرحتي بي وصوتك اسمعه همسه
وكناء سوى نمشي وكنتي تمسكين ايدي واشوفك خايفه يمه
يمناك في يسراى مدري علامك خايفه يمه
قالت انا عمري حياتي كلها فدوه وتسلم انت يالغالي
امي تناديني واقول من فرحتي لبيك لبيك ياامي
ويوم بلغت العشر الاولي من سنين العمر يايمه
و نمشي ولامني وصلت المدرسه عينك تراعيني
وان غبت عنك القاك في هم يايمه
ولاسمعتي بابنا طرتي من الفرحه تناد يني هلا يمه
ولابكيت اعرف بكاء قلبك من الونه
والى دخلت البيت عادت لك البسمه
والافرحت اعرف سعادة فرحتك ظمه
الله يقدرني على بعض معروفك
كانت تناديني ولارديت قالت لاتر وح بعيد عن عينى
قالت عسى ربي يخليك لي يمه وتكبر وتعرس بعدها تعرف الدنيا
قلت انا ماودي اعرس كيف انامعرف العرس يايمه
اروح انا من بيتنا وين يايمه ؟ وصارت تشد ايدي وتضحك وانا خايف
قلت تكفين اناماودي اعرس ودي اجلس معك يمه0 0 قالت تخاف العرس ؟
قلت اخاف ان العروسه تستحي مني ولاتدخل
قالت لي اصبر وقتها الله يرحمنا هذا زمان اول
في وقتها يمكن تجي تاخذك من بيتنا يمه
قلت والله لوجت مفتح لها الباب يايمه
وصارت امي بيدها تخفي الصوت من كثر ماتضحك
قالت يمكن تجينا امها ولاابوها لاتفشلنا حبيب امه
قلت لو جاابوها علموه انى انا نايم والله ما ياخذوني عنك يايمه
قالت لي اسمع انا امزح معك مافيه لار وحه ولاجيه
الي كبر وصرت رجال تعرف كلام امك وتذكرني
ونزوجك بنت الحلال الي تريحك يالغالي
والله انا الي خايفه تاخذك مني وشكي الهم يالغالي
لكن تدري ؟ ادع لي ربي وقول يارب تدخل امي الجنه
وناظرتها وهلت دموعي ثم وطيت راسي و قبلت اقدامها تحتها الجنه
قلت يمه حشاء والله لااحط بعيني وما تزعلي مني حشاء يمه
لو تزعلين انتي تموت ازهار عمري كلها يمه
انتي مثل غيث ا لمطر يسقي ربيع العمر مالي غني عنه
هذي علومي وا مي الله يخليها وهي تاج على راسي
وسلا متكم
رد مع الاستدلال
الروابط المفضلة