شخصيات القصة

الاب راشد والام هيفاء والخاله رهف وزوجة الاب ايمان والبنت رنيم والولد ريان والاخت ريم

الاحداث

كانو رنيم وريان نايمين بالغرفة ، ويوم جاء الصبح قامت زوجة ابوهم تقومهم من النوم وهي جفسه

وعصبيه عليهم حتى وهي تقومهم ، وبعدين راحت تقوم ابوهم راشد ، ورجعت للغرفة وشافتهم توهم

قاعدين يلبسون ويتزينون وتهاوشهم لانهم متاخرين ، ودخلت لغرفتها وقاعده تتمكيج وتكد شعرها وابوهم

في الحمام ، ونزلو العيال تحت للمطبخ وجابت لهم الشغاله الفطور ونزلت ايمان وشافتهم يفطرون

وهاوشتهم وقومتهم ولا خلتهم يكملون الاكل ، وودتهم للمدرسه مع السواق .

ويوم رجعو الظهر من المدرسه قاعدين يتغدون والعيال يتفرجون عالتلفزيون ويسولفون ويضحكون

وجات ايمان وسكت عليهم التلفزيون وهاوشتهم وخلتهم ياكلون وهم ساكتين وتقولهم يروحون يذاكرون .

وقبل مايذن العصر كانو يذاكرون ، رنيم قاعده تكتب واجباتها وريان نايم وهو يكتب على السرير ،

ودخلت عليهم ايمان تشوفهم وهي ناوية على شرر ، شافت ريان نايم وطقته وقومته من نومه وقامت

تهاوشه .

ويوم جاء العصر راحت للسوق ، ومساكين العيال ماصدقو تروح الا على طوول نزلو يلعبون ويتفرجون

عالتلفزيون وخلو الشغاله تسوي لهم اكل ياكلونه مساكين جوعانين ماتغديهم زين ، وخلصو ماكلين اخذت

الشغاله الصحون وودتها للمطبخ تغسلها ، ويوم جاء المغرب رقو العيال يصلون ويقعدون بالغرفه عشان

ماتهاوشهم زوجة ابوهم ايمان ، والشغاله رقت للحمام ، ودخلت ايمان للمطبخ وشافت الصحون على

الطاوله مغسله ، ونادت الشغاله بس كانت بالحمام ، وعصبت عليها وقامت تناديها بقوه والعيال قاعدين

بالغرفه ويقولون ليش حنا كذا دايم ايمان تتحكم فينا واحنا مو عيالها وتتحكم في الشغاله وهي مو شغالتها ،

هذا يقوله ريان وتقول رنيم هذا قضاء الله وقدره لازم نتحمل ونسكت عشان نكسب الاجر عند الله ان شاء

الله وقال ريان ان شاء الله ، وبرضو ايمان مازالت تصوت عليها بصوت عالي ، جاء راشد من العمل

ويقولها ليش كل هالصراخ وتقول الشغاله حضرتها طابختلهم اكل بدون ماتقولي قام الابو يدعي على عياله

ويقول حسبي الله عليهم ماخلوني اتهنى بعيشتي ذولا مو عيال ذولا غثى الله يصبرني عليهم بس ودخل

راشد لغرفته وهي مازالت تصوت على الشغاله ، وطلعت الشغاله من الحمام وسمعتها قاعده تصوت عليها

باقوى ماعندها ونزلت تركض الشغاله وتقول وش فيه مدام انتي كذا وتقول ايمان صباح الخير توك

تسمعين من متى وانا اناديك ليش ماتجين او حتى تردين علي وقالت الشغاله انا في الحمام ومافي اسمع انتا

وقامت ايمان تهاوشها ، وقبل ماتروح ترقى فوق الشغاله نادتها مره ثانيه وقالت الشغاله مدام انا ابغى

اروح اصلي انا في تاخير على صلاة وقالت ايمان الله على الطوع اللي نازل فيك المهم وشو هذا اللي في

المطبخ وتقول الشغاله وشو مدام وتقول ايمان يعني وشو اللي في المطبخ غير الصحون وتقول الشغاله هذا

صحن بيبي خلاص اكل انا غسل تقول ايمان ليش تسوين لهم اكل وتقول الشغاله هما مسكين جوعان كلام

انا سوي اكل بطن اوجع وتقول ايمان مره ثانيه ياويلك لو تسوين لهم أي شي حتى لو يموتون لازم تقولين

لي قبل وتقول الشغاله بس مسكين بيبي مافي اكل كثير بطن اوجع حرام عليك انتا خلي بيبي كذا بعدين

ربي في عاقب انتي عشان سوي كذا وتقول ايمان بعد ماناقص الا انتي تنصحيني يلا روحي فوق ولا

اشوف رقعة وجهك عندي .

وراحت للعيال وفتحت عليهم باب الغرفه بقوه ودخلت عليهم ، وهم مساكين خافو وقامت تهاوشهم وتقول

مره ثانيه اشوفكم تاكلون من وراي ياويلكم يا سواد ليلكم ان سويتوها بمنعكم من الاكل يوم كامل فهمتو ،

وطلعت وسكت الباب والعيال يناظرون بعض بحزن وينزلون راسهم .

ويوم جاء بكرا كانت ايمان تنزل من الدرج وتروح تجلس بالصاله ويوم جلست قالت اليوم ماني رايحه

بجلس عندهم غصب عليهم وعلى اللي جابهم ، وفتحت التفلزيون وشوي وجاء راشد وقال لايمان تسوي له

شاهي قبل لا ينام لانه تعبان وقالت طيب ، ودخلت على الخدامه المطبخ وقالت لها بصوت عالي وهي

تنافخ عليها يلا بسرعه سوي شاهي لراشد دقيقتين ومخلص انا واقفه هنا استناك وتقول الشغاله مافي اقدر

انا سوي شاهي بسرعه هذا شاهي تاخير وتقول ايمان يلا بس سوي بسرعه وبلا فلسفه زياده اوف وتطلع

من المطبخ ايمان والشغاله تهز راسها شوي وتدخل مره ثانيه وتقول هاه ماخلص الشاهي تقول الشغاله الا

بس شوي وتقول ايمان يلا وجع كل هذا شاهي اجل لو تسوين كبسة كم تقعدين وسكتت الشغاله وقالت

ايمان يلا بس خلصينا وتقول الشغاله هاه مدام خلاص خود وتقول ايمان اعوذ بالله منك ومن شرك ،

وتدخل ايمان للغرفه وتحط الشاهي وتصبه وتعطيه راشد ، ويقولها راشد اخبار العيال اليوم وتقول ايمان

اولا مو عيال ذولا اسود ويقول راشد ايه والله يانك صادقه وتقول ايمان الصراحه اليوم ماشفتهم مالي

خلقهم ويقول راشد ذولا يكدرون الواحد لو شاف حتى وجههم وتقول ايمان ياشينهم بس من عيال .

وفي غرفة العيال تقول رنيم وهي تسك الكتاب وتدخله بالشنطه واخيرا خلصت مذاكره وانت ماخلصت

ويقول ريان هاه الا خلصت وتقول رنيم الله يوفق ان شاء الله ويقول ريان بعد ان شاء لله بدون نفس .

وفي غرفة الابو يقول راشد يلا حبيبتي ايمان شيلي الشاهي وسكي اللمبات والباب خليني انام تعباان وتقول

ايمان من عيوني حبيبي اهم شي راحتك وتروح ايمان وتكس الباب وتنزل من الدرج وتروح للمطبخ وتحط

الشاهي في المطبخ وتقول للشغاله يلا بسرعه غسليه لا تصيرين عجازه وكسوله وتقول الشغاله طيب مدام

، وبعدين تروح ايمان للصاله وتقول اوف طفش وش اسوي الحين خل اروح للعيال اشوفهم ، وراحت لهم

وهي ناويه على شر ، وتدخل عليهم الغرفه وتلقاهم قاعدين يلعبون بالجوالات وتقعد تهاوشهم بدال

ماتقعدون تذاكرون تلعبون بالجوالات ولا ترتبون الغرفه اللي كنها زباله مو غرفه من حوستها ، ويسكون

العيال الجوال ويحطونه على الطاوله وتقولهم انتم ماينفع الا تسكر عليكم الغرفه ومافيه طلعات ولا العاب

ترفيهيه حتى ابوكم بيسحب التلفزيون والتلفون والجوال منكم عشان تترتبون وتصيرون زي عيال الناس

يامدلعين وتقولها وهي تنافخ عليهم ويوم سكت الباب بقوه تقول رنيم الحق مرفهين ومدلعين ويبتسم ريان .

ويجي الليل مره وتستغرب ايمان ان راشد ماقام له اربع ساعات وهو نايم غريبه مو من عاداته وتروح

تصحيه وتلقاه ميت وتصارخ ويقومون العيال من النوم من صراخها القوي وصياحها ويروحون للغرفه

ويلقون ابوهم ميت ويقولون الله يرحمك يا بابا ويروحون يقولون لايمان الله يعظم اجرك ان شاء الله

وتناظرهم ايمان باستغراب وتقول يانهم عجيبه ذولا ابوهم ميت ولا كن شي صار غريبه هم غير عن

البشر كله وبعدين تناظر راشد ترجع تصيح مره ثانيه ، ويروحون للغرفه وهم على السرير قبل ماينامون

ويقول ريان ماني مصدق ان بابا مات وتقول رنيم حتى انا ماني مصدقه احس اني بحلم مو بعلم ويقول

ريان يعني ان شاء الله من اليوم ورايح مافيه ظلم وتقول رنيم وشلون مافيه ظلم والشريره ايمان موجوده

ويقول ريان هين نقدر عليها اذا كانت وحيده وابونا مو موجود معها وتسكت رنيم وينامون ويوم جاء

الصبح بيروحون للمدرسه بس عيت عليهم ايمان يروحون لان ابوهم امس مات وبعدين رجعو للغرفه

وكملو نومتهم ، وراحت ايمان تقومهم وشلون ينامون والحريم والرجال بيجون يعزونهم .

وبعد الظهر يوم جات رهف من المدرسه تقول لهيفاء انتي داريه ان راشد طليقك ابو عيالك مات وتقول

هيفاء شلون مات ومتى وتقول رهف جاته سكته قلبيه وهو نايم ومات وتقول هيفاء انتي وش دراك انه مات

تقول رهف انه وحده من صديقاتي عمها يشتغل بنفس شركة راشد وقالو له انه مات وعمها قال لابوها

عشان كذا دريت وتقول هيفاء ياربيه وشلون بيكون حال عيالي وابوهم ميت وتقول رهف ان شاء الله بخير

مافيهم الا العافيه وتقول هيفاء ياليتني اشوفهم مادام ابوهم مات يعني محد يقدر يمنعني منهم الحين وتقول

رهف وزوجة ابوهم وتقول هيفاء ماتقدر مو على كيفها هي مو امهم عشان تتحكم فيهم وتقول رهف بس

هي المسؤوله عنهم بعد مامات ابوهم راشد وتقول هيفاء ماعلي منها وتقول رهف طيب وشلون بتشوفينهم

ومتى وتقول هيفاء مدري والله وشلون وتقول رهف طييب ليه ماتروحين تعزينهم عشان تقدرين تشوفينهم

وتقول هيفاء وهي مستغربه اروح لهم اعزيهم وتقول رهف ايه تروحين تعزينهم وتقول هيفاء لا ماني

رايحه هو راشد مايستاهل من روح يعزي عشانه وتقول رهف مو عشانه عشان تشوفين عيالك وتقول

هيفاء مدري محتاره خلاص افكر وتقول رهف بدون تفكير لازم نروح لهم وتقول هيفاء خلاص نروح لهم

بس مو الحين العصر وقالت رهف خلاص اوكيه العصر ان شاء الله نروح لهم وتقعد هيفاء طول الظهر

تفكر في عيالها حتى ماحست بالوقت ولا درت انه اذن العصر ، ودخلت عليها رهف وتقول لها هاه

صليتي عشان نروح لهم وتقول هيفاء الحين تقول رهف ايه الحين مو اتفقنا نروح لهم العصر قالت هيفاء

ايه صح بس لحظه خليني اصلي والبس عشان نروح لهم وتقول لها رهف طيب يلا بس لا تتاخرين ، ويوم

طلعت رهف من الغرفه وسكت الباب قامت تصيح هيفاء مومصدقه انها بتشوف عيالها بعد طول هالوقت .

ويوم دخلو للبيت راحو يعزون شافو حرمه وبنت وقفو عشان يسلمون عليهم وسلمت عليهم هيفاء ورهف

وراحو قعدو وقالت رهف هاه عرفتي وين بنتك وتقول هيفاء لا ماعرف شكلها بس اكيد اظاهر انها هذيك

البنت اللي وقفت تسلم علينا وقالت رهف ايه امكن وتقول هيفاء ياربيه هذه بنتي بسم الله عليها كبرت الله

يحفظها ان شاء الله وتقول رهف تبيني اروح اسالها هذه رنيم بنت راشد والا لا وتقول هيفاء ايه طبعا

روحي اساليها وراحت رهف وقعدت جمب البنت وقالت لها انتي رنيم بنت راشد الله يرحمه وتقول رنيم

ايه انا رنيم وسكتت رهف وتقول رنيم ليه تسالين قالت رهف هاه تقول رنيم انا اول مره اشوفك الا اقول

وش عرفك باسمي اني بنت راشد تعرفيني انتي وتقول رهف ايه اكيد اعرفك وتقول رنيم طيب انا

مااعرفك ممكن تعرفيني على نفسك مين انتي وتقول رهف بعدين تعرفين وتقوم رهف من مكانها وتجلس

جمب اختها هيفاء وتقول هذي بنتك رنيم سالتها وقالت لي ايه وقامت تصيح هيفاء وقالت رهف وش فيك

هيفاء قومي كلميها وتقول هيفاء اكلمها وهي مستغربه قالت رهف ايه كلميها مو هي بنتك وقالت هيفاء

طيب شولون اكلمها وبجمب زوجة ابوها تسمعنا وتقول رهف لا مارح تسمع هي مارح تنتبه ولا تركز

حزينه ضايق صدرها بالها مو مع الدنيا مع زوجها راشد وتقول هيفاء قدام الناس وتقول رهف طيب ناديها

وروحي معها بعيد شوي عن الناس وقالت هيفاء طيب وراحت هيفاء لرنيم وهي تدمع نادتها تعالي رنيم

ورفعت راسها رنيم وقامت تصيح هيفاء وقالت رنيم خير ان شاء الله تبغين شي قالت هيفاء بنبرة صياح ايه

انا ابغاك وقامت رنيم من مكانها ووقفت وقالت تفضلي وقالت هيفاء رنيم حبيبتي تعالي نروح هناك بعيد

شوي عن الناس احسن قالت رنيم ليه قالت هيفاء ابغى اكلمك شوي قالت رنيم طيب يلا وراحو بعيد شوي

ورهف قاعده تناظرهم وهيفاء قالت شخبارك حبيبتي رنيم قالت الحمدلله بخير وقالت شخبار المدرسه

عساك ماشيه فيها قالت رنيم مشي الحال الحمدلله وقالت شخبار الدنيا معك عساك بخير ومرتاحه قالت رنيم

الحمدلله تمام ماعليها وقالت هيفاء الحمدلله وهي رافعه راسها ودمعتها نزلت من عينها وقالت رنيم الا اقول

من انتي وش تبغين عشان تساليني كل هالاسئله قالت هيفاء بعدين حبيبتي تعرفين كل شي قالت رنيم خير

ان شاء الله فيه شي وش السالفه صاير شي لي والا لاخوي ريان قالت هيفاء لا مو صاير شي وتقول هيفاء

ايه صح وشلون ريان اخوك عساه بخير تقول رنيم الحمدلله كلنا بخير ليش كل هالاسئله وتقول هيفاء رح

تعرفين كل شي بس مو الحين بعدين وتقول رنيم اقلقتيني خوفتيني عسى ماصار شي وتقول هيفاء ماصار

الا الخير لا تخافين حبيبتي وتقول رنيم يارب وتجي هيفاء وتحضن رنيم وتقعد تصيح وتقول الله يسعدك

ويوفقك ان شاء الله انتي واخوك ريان وبعدين قالت هيفاء اجل وين ريان حبيبتي قالت رنيم ريان قاعد عند

الرجال يعزونه تقول هيفاء ممكن تنادينه ابغى اشوفه واكلمه شوي وتقول حاضر تامرين وتروح رنيم

وتدق رقمه بالجوال على ريان عشان يجي وهيفاء من راحت رنيم تنادي ريان وهي طايحه بالصيح

واجات رهف وقالت لهيفاء هاه بشري صار شي وقالت هيفاء انا مو مصدقه باللي قدامي شفت بنتي رنيم

وكلمتها والحين بيجي ريان الحمدلله لك يارب اشكرك وقالت رهف الحمدلله بس امسحي دموعك لا

تصيحين عند عيالك يلا امسحيها وهي تروح رهف تقعد جاء ريان وقال لرنيم هاه وش تبين قالت رنيم فيه

حرمه تبغاك وتبي تكلمك وتشوفك قال ريان حرمه تبيني باستغراب وتقول رنيم ايه يلا تعاي امش معي

ويقول ريان من هذي الحرمه وتقول رنيم والله مدري وش سالفتها سالتها وتقولي بعدين تعرفين السالفه

وقال ريان غريبه وقالت رنيم يلا امش معي ويوم شافته هيفاء جايين مسحت دمعتها ويوم قرب ريان

راحت تحضنه وقامت تصيح وتناظرها رنيم وهي مستغربه وقال ريان خير وش فيك وش صاير قالت

هيفاء بعدين تعرفون كل شي رح اعلمكم كل شي بس انتم لا تستعجلون قال ريان اوكيه وقالت هيفاء عظم

الله اجركم واقلو ريان ورنيم اجرنا واجرك وقال ريان الله يجزاك خير وبعدين سالتهم هيفاء وش كانت

ردت فعلكم يوم دريتو ان ابوكم راشد مات قال ريان عادي ماكنه شي صار قالت رنيم بالعكس احس اننا

افتكينا منه وقال ريان هو دايم كان شرير عشان كذا مافقدناه وقالت رنيم ماكان يعاملنا زين ابد كان دايم

قاسي علينا وقامت هيفاء تصيح وتقول حسبي الله عليك يا راشد الله لا يحللك ان شاء الله عذبتهم ولا خليتهم

يتهنون بحياتهم ويعيشون زي الاطفال اللي غيرهم وناظرو بعض ريان ورنيم وهم مستغربين من الحرمه

وبعدين ناظروها ونزلو راسهم وبعدين هيفاء مسحت دموعها وقالت اسفه اذا كنت ضيقت صدوركم وقالت

رنيم لا عادي خوذي راحتك وقال ريان بس ودنا نعرف ليه انتي سويتي فينا كذا وتصيحين يوم شفتينا

وتدعين على ابونا راشد قالت لهم اسفه يا حبايبي ماكان قصدي بس بالغصب مو بيدي ومسحت دموعها

مره ثانيه وقالت حبيبتي رنيم وقالت رنيم نعم قالت هيفاء الخدامه اللي عندكم لين الحين موجوده والا

غيرتوها قالت رنيم هي دايم موجوده ابوي راشد كان مالكها له وقالت وش اسمها طيب قالت رنيم ماريا

وقالت هيفاء ماريا وهي تبتسم قالت رنيم ايه وقالت طيب حبايبي ممكن تروحون خلاص واسفه اذا كنت

ازعجتكم والا اخذت من وقتكم قالو لا عادي وراحو وبعدين هيفاء نادت رنيم قالت لها رنيم ممكن تروحين

تنادين لي الخدامه ماريا قالت رنيم ان شاء الله من عيوني وقالت هيفاء ماقصرتي حبيبتي وراحت رنيم

للمطبخ وقالت للشغاله روحي فيه حرمه ابغى انتي قالت الشغاله مين هاذا حرمه ابغى انا قالت رنيم مدري

والله بس انتي روحي لها وشوفي منهي قالت الشغاله طيب وطلعت رنيم من المطبخ وكانت الشغاله وراها

ويوم شافتها هيفاء على طول مسحت دموعها واشرت عليها رنيم وراحت لها الشغاله ورنيم راحت تقعد

مع الحريم وابتسمت هيفاء وقالت الشغاله مين انتي قالت هيفاء انا مدام هيفاء ماما بيبي قالت الشغاله انتي

مافيه موت قالت هيفاء لا انا طلاق سوا سوا بابا مافيه موت وحضنتها الشغاله وقامو يصيحون وطولو

وشافتهم رنيم وهم يحضنون بعض وشكت في الموضوع انه فيه شي .


وبعدين يوم خلص العزاء سلمت هيفاء ورهف على ايمان وعلى رنيم وقالت هيفاء مع السلامه حبيبتي رنيم

وقالت رنيم مع السلامه وقالت هيفاء طيب حبيبتي سلميلي على ريان وقالت رنيم يوصل وقالت هيفاء الله

يحفظكم ان شاء الله ويوفقكم وينجحكم وقالت رنيم ان شاء الله يارب ، وطلعت هيفاء من البيت وهي تصيح

ووصلت البيت وهي طول الوقت قاعده تفكر في عيالها حتى نست بنتها الصغيره ريم وطول الوقت وهي

تصيح ودخلت عليها رهف ومعها ريم وقالت لها لين الحين تصيحين حتى نسيتي بنتك ريم مسكينه تبغاك

تصيح قالت لها هيفاء هاتيها وعطتها ريم وقالت هيفاء هلا بحبيبتي ريم ان شاء الله يكونون اخوانك الكبار

عندي مثل مانتي عندي .

وكانو العيال قاعدين بغرفتهم يسولفون ويضحكون وطقت عليهم الباب الشغاله وقالو لها ادخلي ودخلت

عليهم وقالو لها خير ان شاء الله فيه شي قالت لا بس انا ابغى كلام سوا سوا انتم قالو لها هاه وشو قالت لهم

ماما انتم كتير طيب قالو لها مين ماما ماما ماتت الله يرحمها قالت لهم لا ماما انتو مافيه موت بابا راشد

كذاب كلام ماما موت بس هييا مافيه موت هييا هنا عيش قالو لها وش دراك انها ماماتت من قالك قالت لهم

هي قالت انا في شوف ماما انتم قالو لها مين قالت لهم ماما هيفاء قالو لها مين هيفاء قالت لهم هذا اليوم في

سوي كلام سوا سوا انا في عزاقالت رنيم هاه هذه وناظرت ريان وقال ريان اللي كلمتنا ماغيرها قالت رنيم

ايه هي قالها ريان وش دراك انها امي قالت هنا اول في شغل سوا سوا هيا في هذا بيت بس بابا راشد سوي

طلاق هيا وبعدين ماما روح وبابا راشد كلام ماما موت وسوي زواج من ماما ايمان ، وقامو يصيحون

ريان ورنيم واخذت رنيم الجوال ودقت عليها وكانت هيفاء تلعب مع ريم بالسرير ودق الجوال ورقم

غريب وقالت مين هذا ورفعته وقالت الو قالت رنيم ماما وعرفت هيفاء ان هذه رنيم وقامت تصيح هيفاء

وقالت رنيم ماما انا احبك وقال ريان ماما انا ابغاك ماابغى ايمان وقالت رنيم ماما تعالي نبغى نشوفك

ونسولف معك وقال ريان ماما تعالي خوذينا عندك قالت رنيم ماما نبي نقعد عندك مانبي نقعد عند ايمان

قال ريان تكفين ماما لا تردين طلب عيالك وقالت رنيم بعد ياماما لا تتاخرين تعالي الحين بسرعه وقامو

يصيحون وهي قامت تصيح ماقدرت تحمل صوت صياحهم وسكت الجوال ولبست عبايتها وراحت عطت

رهف بنتها ريم وهي تصيح قالت رهف هيفاء وش فيك وين بتروحين قالت هيفاء قالت هيفاء واخيرا

حققت حلم حياتي قالت رهف وشو قالت هيفاء بروح اخذ عيالي رنيم وراين بجيبهم يعيشون عندنا قالت

رهف من جدك تتكلمين قالت هيفاء ايه هم كلموني وقالو لي وقامت تصيح وطلعت ورهف قعدت تناظر

ريم .

ودمعت عيونها وراحت دخلت البيت واشوا لقت حريم يعزون ورقت فوق لغرفتهم ويوم رقت دخلت عليهم

الغرفه وقامت تحضنهم ويصيحون وراحت جمعت هي بنفسها كتبهم وملابسهم وطلبت منهم انهم يروحون

من باب ثاني عشان ماحد يشوفهم وراحو معها ويوم دخلو على بيتها وبرضو مستمرين في الصياح وقالت

لهم امهم هذه خالتهم رهف وهذه اختكم الصغيره من امكم ريم وراحو يسلمو على خالتهم رهف واخذو ريم

وحضنوها ولعبو معها وامهم قاعده تناظرهم وقعدت تصيح يوم شافتهم مجتمعين مع بعض ويلعبون لانها

حققت حلم حياتها .

النهاية

يؤيؤيؤيؤيؤ .. وين الردود