السلام عليكم اخواتي العزيزيات

اليوم رح نتعلم كيف نخيط احزام أوبي obi belt اللي صاير دارج هالايام

والعالم كلا عم تلبسو

عملت كم بحبشة بالنت مشان آخد فكرة عو وشفت الملايين من الالوان فاجتني فكرة انو اعمل واحد بس بدنيم "الحاجة أم الاختراع"

فتشت بخزانتي لقيت جينز قديم منو ملبوس كتيير يعني يا دوب غسلة غسلتين النتيجة طلعت كتيير حلوة

حتى وقت اللي لبستو الكل صاير يسألني وين لقيتي هالحزام؟؟وفي منو ع جينز؟ وانا عم اضحك هالضحكة الصفرا ومن جواتي عم نطنط من السعادة هههههه انو ما بين شغل بيت

بلا ما طول عليكون حضرولنا ه الاغراض بس قبل متل العادة حملو الباترن من هون لانو الباترن اساسي

الباترون: مناسب لكل المقاييس فيكون تطبعوه بالبيت متكون من 5 أوراق

الاغراض:

1- دنيم (جينز)

2- مقص

3- دبابيس

4- الباترن

5- شريط لاصق

اطبعي الباترن واركي الورقة الاولى اللي هيي القطعة الاساسية بالباترن على حدة,,,جيبي الاوراق الباقية والصقيها بالشريط اللاصق مع بعض

قصي القطع متل ما هيي وجيبي القطعة الاولى"بعد ما نكون قصيناها طبعا" وحطيها على قماش مطوي
شايفة وين مكتوب fold يعني القماش لازم يكون مطوي من هديك الجهة

بعد ما نقص جميع القطع (اللي هي 3 قطع –القطعة الامامية,والقطعتين الجانبيتين اللي رح نعقد فيون الحزام)
منخيط الجهة اليمين عادي

وقت منجي من جهة الشمال نستعين بدبوسين ونخلي فراغ تقريبا 7 سم
مكتوب بالباترون Stop يعني وين نوقف خياطة نخيط الميلتين ونخلي اللي بالنص متل ما هوي موضح بالصورة

بعد ما خلصنا من تركيب كل القطع مع بعضا بيكون الحزام خلص بس بعد في خطوة اخيرة نعملا
هيي انو نخيط جميع الجواب مشان نعطي الشكل النهائي ويكون شغلنا مرتب منطوي الحزام 5مم ونخيط هون عم نستعمل تقنية الـOurlet

ملاحظة:

من المهم انو وقت تكون تخيطي اي شي تكون المكواية حدك لانو المكواية شغلا اساسي بالخياطة
بتسهلّك الامور كتير واهم من هيك بتساعد انو الغرز تندمج مع القماش

وهي هوي الحزام

هون الجهة اللي خليناها وما خيطناها منشان تفوت فيا العقدة اليمين

شايفين قديشو شيك وكلاس؟؟؟

بالهنا والشفا

جميع الحقوق محفوظة all rights reserved sierasita

جميل جدا ان شاء الله اجربها واقولك النتيجه تسلم ايدك

ما شاء الله تبارك الرحمن شغلك جميل و رائع ..
ننتظر الكثير من الاعمال غاليتي ..
ودي و احترامي ..

ماشاء الله عليك دمتى متالقه وننتظر ابدعاتك القادمه

ماشاء الله , جميل و شيك باللبس ,
شرحك جدا واضح ,

ربي يعطيك العافيه و ملبوس الهنا ,

كتبت بواسطة نينا2007

جميل جدا ان شاء الله اجربها واقولك النتيجه تسلم ايدك

انتي الاجمل حبيبة قلبي وناطرة شغلك على احر من الجمر (:

كتبت بواسطة آزال العريقة

ما شاء الله تبارك الرحمن شغلك جميل و رائع ..
ننتظر الكثير من الاعمال غاليتي ..
ودي و احترامي ..

شكرا آزال مرورك اسعدني اكثر

كتبت بواسطة Rana363

ماشاء الله عليك دمتى متالقه وننتظر ابدعاتك القادمه

متألقة بطلتكون الحلوة وتشجيعاتكن حبيبتي

كتبت بواسطة .. Ghfran

ماشاء الله , جميل و شيك باللبس ,
شرحك جدا واضح ,

ربي يعطيك العافيه و ملبوس الهنا ,

شكرا غفران الحمدلله انو الشرح كان واضح كفاية

يعطيك العافية

كتير حلوووووووووو