السلام عليكم
فرن البتوغاز عندي جديد لسا عمرو يا دوب سنة
كنت بالاول بستعمل الغاز العادي الي من الانبوبة بس انتقلت الى بيت جديد وهناك استعملت الغاز الطبيعي الي بيجي عبر المواسير دون الحاجة الى الانبوبة القديمة
بس الان تواجهني مشكلة انو الغاز قوي كتير
و اي صينية اكل بتستوي بسرعة .. طيب هالشي جيد اذا اكل عادي
بس الكيك بيحتاج لوقت وحرارة محددة
ومشان هيك الكيك ما عم ينجح معي ابدا متل الاول
لانو الفرن بتطلع حرارته بسرعة وما بتتوقف عن الصعود
هل هذا عطل بالفرن ولا انو بسبب الغاز قوي كتير
احترت
ومتل ما بتعرفوا انا حياتي المطبخ وما بقدر اعيش بدون تجاربي واعمالي المطبخية
لذلك اكتئبت وعشت حزن شديد بهالسبب
برأيكون شو الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حرام عليكم كزاااااااااااااااااااااااااااااا قراءة ولا رد واحد

السلام عليكم

اختى حببتى دى اكيد مشكلة لان الغاز الطبيعى غير

الغار البوتوجاز لذلك الجئ لاى صنايعى يعدلك مواسير الفرن ويركبلك اصغر شوية

اتمنى اكون قدرت اساعدك

شكرا لك يا ام بودي
الله يسلمك يارب
الف شكر
ان شاء الله

اليكم اخر الاخبار
الصبح اتصلت واستدعيت الرجل الفني الذي يمكن ان يساعدني في مشكلة الفرن
وقال لي انو
الغاز الطبيعي الضخ فيه مختلف عن الغاز تبع الانا بيب
وقال انو الفرن عندي ما فيه مشكلة غير انو قوي كتير فنصحني بتخفيف قوة النار اثناء العمل
وبس
حبيت اتشارك معكم بهالقصة
يمكن يكون حدا عم يعاني متلي
اليوم رح اجرب اعمل شي اكلة بالفرن واحاول اتبع التعليمات
ونشوف شو بيصير

مرحبا عزبزتي
انا هلا قرأت موضوعك و انا واجهت هذه المشكله مع فرن الكهرباء اللي بكون جزء من اثاث الشقق عنا بامريكا يعني ما فينا نغيره

زي ما قلتي للصواتي و الشوي رائع بس كان الكيك يستوي بسرعه و يكون نيء من الداخل , صرت اقلل الحراره يعني الكيك بدل ما اخبزه على 350 صرت على 300. و البسكوت و الكوكيز بدل 375 صرت على 350 و هكذا
المهم انك لقيت الحل للفرن و الله ما يحرمك من المطبخ ابدا

شكرا لك اختي الكريمة
وشكرا لردك الجميل
الحمد لله فعلا اليوم بعد ريجيم طويل وحرمان من المطبخ وأطايبه
دخلت وجربت الفرن حسب التعليمات الجديدة
والحمد لله كان كل شي تمام وطلعت الكيكة ... وهي كيكة اسفنجية بقمة الروعة
وهيك الحمد لله خلص جوزي من كتر النق والحكي عن الفرن هههههههههههه



التعليمات
كانت
انو متل ما قلتي عزيزتي انو اعتمد على اسلوب جديد بالخيز والطهي حتى يتناسب مع قوة الحرارة بالفرن
يعني مثلا كنت اشعل الفرن للكيك الاسفنجي على 350 هلق صرت اكتفي ب 300 بس
والحمد لله مشي الحال وانحلت العقدة
شكرا لكم ومشاركتكم الممتعة

مرحباً بكِ غاليتى

أولاً مبروك عليكِ الفرن والغاز والمنزل الجديد

أى فرن بيكون مزود بازرار لضبط درجات الحرارة

ومن الجدول ده هتقدرى تعرفى الدرجة المطلوبة لكل أكلة

وفعلا مثل ما قلتى

الكيك والمعجنات عموما بتحتاج نار هادئة

غير الطبخ العادى

لذلك يجب عليكِ ضبط المؤشر للدرجة المطلوبة والمناسبة لنوعية طعامك

*************

بالتوفيق حبيبتى

وتمنياتى لكِ بالأستمتاع بأشهى الأكلات ومنتظرين موضوعاتك الحلوة كتير

شكرا كتير حبيبتي poseecat's
الصراحة الذي زاد على البلة طين ... انو الفرن عندي ما له اي مؤشرات
يعني بقدر الحرارة تقدير من عندي وبعدين رحت اشتريت مؤشر للحرارة ... بحطه جوا الفرن جنب الصينية وهيك بقدر اعرف الدرجة بداخل الفرن
شكرا لك اضافتك الثرية
بارك الله بكن اخوات رااااائعات