بنات مصر القمرات ممكن طلب؟

**امل المكي** · 13-12-2009, 01:10 AM

السلام عليكم
حبيباتي أنا من السعودية وصديق زوجي مصري وسيذهب اجازة لمصر وقالنا اللي عايزينه من مصر اطلبوه

وانا نفسي في جلابيات ناعمة حلوة لاستقبال الضيوف ومفرش لسريري ومفارش لاسرة اولادي الاربعة تقريبا مثل التي تعرض اعلاناتها قناة الناس والسؤال هو كم تتراوح الاسعار واين تباع علما ان الراجل من اهل كفر الشيخ؟

**ام بيبا** · 13-12-2009, 01:19 AM

حبيبتي الغاليه
انا من مصر
وانصحك نصيحه لوجهه الله
لا تشتري الملايات المعروضه بالتلفزيون ولا الجلابيات الموجوده بالتلفزيون
لأن خامتها جودتها قليله جدا
ممكن تجيبي شبهها من الأسواق المصريه
ولكن لا تطلبي المنتج من التلفزيون
اللي هايجيبلك من مصر يكون بيلف وعارف الخامات وطبعا هتلاقي سعرها اغلى من التلفزيون
بس هايكون تمنها فيها
وممكن تجيبيهم من بتوع الجمله اللي في الأزهر هاتشكلي اللي انتي عايزاه وبسعر الجمله وخامات نضيفه
وشكرا

**امل المكي** · 13-12-2009, 01:36 AM

اشكرك حبيبتي وما قصرتي
ممكن تعطوني اسماء لاسواق مناسبة وجيدة

**مشمشة مصر** · 13-12-2009, 04:06 AM

احلى مكان بيع المفارش والملايات وكل لوازم البيت من مفروشات فى شارع الازهر فى القاهرة كمان ممكن تلاقى جلبيات حلوة ومش غالية

**حبي الوحيد** · 13-12-2009, 01:47 PM

حبيبتي الجلابيات من كرداسة
والملايات كمان ممكن من كرداسة وممكن من الأزهر

**افراج** · 13-12-2009, 05:56 PM

حبيبتي صاحب زوجك من كفر الشيخ
عايزة مفارش روعة وخامة نظيفة يبقي من المحلة اجود المفارش
والمحلة قريبة من كفر الشيخ

**ommammar74** · 13-12-2009, 08:17 PM

كما قالت لكي الاخوات بلاش حاجات التليفزيون لان في ناس جربتها وجودتها ردئية جدا
لذلك كل الاماكن اللي ذكرتها الاخوات فيها ما تريدين لكن انا مع نصيحة بما انه من كفر اشيخ اقرب مكان له وحاجات خامات كويسة يبقي المحلة الكبري
وطبعا بأكد ان الاسعار حتبقي اغلي بس خامات اجود واتقل وطبعا الازهر كرداسة عبايات غالية
سبحان الله انا هنا في السعودية وعايزة اخد كل حاجة من هنا وانت نفسك تشتري من مصر
بس انا معاك في المفروشات من مصر بس الجلالبيات والعبااياة الاسواق هنا مليانة حاجات روعة وفي متناول الجميع

**امل المكي** · 14-12-2009, 02:58 AM

حبايب قلبي اشكركم على نصايحكم وتفاعلكم
وجزاكم الله خير

**angelsmile_nona** · 14-12-2009, 03:09 AM

كتبت بواسطة امل المكي

السلام عليكم
حبيباتي أنا من السعودية وصديق زوجي مصري وسيذهب اجازة لمصر وقالنا اللي عايزينه من مصر اطلبوه

وانا نفسي في جلابيات ناعمة حلوة لاستقبال الضيوف ومفرش لسريري ومفارش لاسرة اولادي الاربعة تقريبا مثل التي تعرض اعلاناتها قناة الناس والسؤال هو كم تتراوح الاسعار واين تباع علما ان الراجل من اهل كفر الشيخ؟

فعلا ابتعدي عن الأعلانات الخمات رديئه وأحلا جلاليب ممكن من منطقه أسمها كرداسه مشهوره جدا وذوق الجلاليب فيها عالي وفيها تطريز بجد هتعجبك كتير والأسعار ممكن من100 وفوق على حسب التطريز والشغل الي في العبايات

**امل المكي** · 14-12-2009, 11:03 PM

تسلمي حبيبتي بارك الله فيك

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بنات مصر القمرات ممكن طلب؟

أدوات الموضوع

العرض