السلام عليكم ورحمة الله وبركاته

بنات مين تعرف طريقة لأبادة البرص من البيت مش اقتله لأ عايزة طريقة منكم تخليه ميدخلش البيت اصلا ارجوكم يا بنات ساعدونى انا ممكن استحمل انى اقتل اى حشرة الا البرص انا امبارح كنت فى البيت لوحدى وزوجى مش موجود اول ما شوفته على السقف اعصابى تعبت جدا وحاولت اقتله والله بس مأدرتش فأغلقت الباب وسديت من تحت الباب لحد ما زوجى يرجع ولو واحدة تعرف شركة ترش البيت من بره وجوا تقول لى عليها فى الرياض وقولوا لى ممكن يدخل من المكيفات
وعلى فكرة البرص ممكن يكون اسمه الوزغ - الطيطار - البريعصى ومش ممكن يكون له اسماء تانية بس دى الأسماء اللى لقتها عموما هو شبه السحلية
علشان اى حد يعرفاى طريقة مجربة يقول لى

بضم صوتى معاكى لطرد البرص من البيت
ارجوووووووووووكم

اعانك الله والله ما اعرف شئ غير ان ادعى لك

amanyayman2000
أن شاء الله البنات يساعدونا

صابرين على
بشكر مرورك الطيب

اخواتي طريقتي سهله وهي
تسمي بالله وتقولين اسالك ان كنت تؤمن بالله واليوم الاخر تخرج من داري
ثلاثه مرات او كل مارئيته
اذا لم يفيد ماله الا الريد او الشبشب العزكم الله
مره دخل عندي وماعاد شفته
وعسى مايرجع لي ولا ابي اشوفه

بدايت انسانه
شكرا مرورك الطيب
وكنت عايزة اسأل هل المكان له عامل فى وجود الأبراص يعنى ايه اكتر بيئة بيعيش فيها او بيدخل البيت ليه

وجدت لك بعض المعلومات


الوزغ ( البرص )





هو حيوان زاحف منفر الشكل ، أمر الرسول عليه الصلاة و السلا م بقتله و وصفه بالفويسق - كما ورد في الحديث الوارد بصحيح مسلم:

عن سعد بن أبي وقاص ، أن رسول الله صلى الله عليه وسلم أمر بقتل الوزغ وسماه فويسقــا.

و تتجلى الرحمة حتى في قتل هذا الفويسق .. فقال عليه الصلاة و السلام عن أبي هريرة رضي الله عنه:

" من قتل وزغا في أول ضربة كتبت له مائة حسنة ، وفي الثانية دون ذلك ، وفي الثالثة دون ذلك ".

فحث الرسول على قتله بالضربة الأولى.

شوفى هو عموما بيكون فى التواليت وبيجى من شباك المنور ...وبيظهر بالليل اكتر حاولى ولعى الانوار وروشيه باى مبيد او هشيه لغايه ما يطلع من الشباك

( صحب البيت اسمه محمد )

الله يعينك اختي ويعيني لاني والله بعاني منه الي 10 سنين والله لو اموت ما قتلتو منظرة ببعت بنفسي الاشمئزاز استخدمي استخدمي فونيك وحطيها بالشبابيك واستخدمي مبيد اسمه k3 وعلى فكرة اسمه عنا ابو بريص او تكة

انا اضم صوتى لصووووووتكم
اعصابى تعبت من هذا المخلوق لحد الانهيار
انا طول منا ماشية فى البيت بتلفت يمين وشمال فوق وتحت خايفة الاقيه فى وشى فى اى لحظة
على فكرة لطرد هذا الكائن نبات الشيح
تربطية فى اقمشة وتوزعيها فى البيت
انا كنت عاملة كدة السنة اللى فاتت بس السنة دى باين مفعولة خلص ومحتاجة اجدد هذة الاقمشة

السلام عليكى غاليتى
فعلا الشيح البلدى
تعمليه على هيئة صرة وتعلقيه على الشبابيك
وعلى بابا الشقة
كان الله فى عونك ويبعد عنك كل شر