كل المصريات والقاهريات خصوصا
أنا عاوزه أفصل فستان زفافى
وياريت تدلونى على ترزيه شاطره تفصلهولى أو محل بيفصل فساتين أفراح
يكونوا محترفين وأسعارهم كويسه

جزاكم الله خيرا

حبيبتي ممكن تنزلي اتليهات روكسي في شارع بطرس غالي بيفصلوا فساتين زفاف حلوة وايجار كمان
وفي عندك اتيليه كمان اسمه خلود بجانب جنينة مول ايدهم حلوة جدا ويفصلوا اي موديل عن نفسي هاعمل عندهم واجره first يعني انتي بتختاري الموديل ويفصلوه وتأجريه ليكي انتي الاولى من 1500 الى 2000 جنيه حسب التصميم
ولو تفصيل شراء ب4000 جنيه الى 5000 على حسب الشغل بردو
بس اتيلهات روكسي بصراحة مش اعرف اسعار وفي كمان الاتيلهات بجانب حرية مول بروكسي كمان
ممكن تنزلي روكسي كلها اتيليهات
والف مبروك مقدما

شكـــــــــــــــــــــــــــــــــــــــــــرا وربنا يوفقك انتى كمان

كان نفسي اسعدك بس انا من اسكندريه بس ربنا يسعدك ويتم علي خير الهم بارك لكما وبارك عليكما وجمع بينكم في خير

الف مبروك ويتمم بخير يارب
على فكرة ابنتى كانت جايبة الفستان من عند عادل ابو هميلة فى شارع سليمان باشا
وعلى فكرة كان تحفة ممكن تروحى وتشوفى ثم تقررى