بسم الله الرحمن الرحيم
السلام عليكم ورحمة الله وبركاته
قبل فترة دخلت دكانة صغيرة مقابل شغلي
في شالات واكسسوارات حلوة ورخيصة
وعندو شالات بجننو بس والله بنفعش الواحد يحطهم على راسه لقيتهم كثير مزركشين وابصر ايش
المهم استغليت الرخص واخدت منهم 4 زي بعض والخامس شكل تاني وشوفو شو عملت فيهم
اول اشي هذا هو الشال
قصيته من النص
وهذا بكيت محارم انا برضه عملته من قبل وهاي تاني تطبيق فوق العتيق
عملت فتحة من النص عشان المحارم
والاطراف لزقتهم بفرد السيلكون
وهدول الوردتين اصلا هم توزيعات من يوم عرسي معبين ملبس فضل منهم اشوية صرت استعملهم كديكور لاشغالي اليدوية
وهاي صرة من قماش اوركانزا عبيتها ورد مجفف وحطيت عليها تل مخرز لونه زيتي اخدته من بياع البرادي..............قلتله اعطيني بواقي قماش برادي قام اعطاني اقمشة كتيرة اورجانزا وستان ومخمل كتير حلوين
استعملتها كأنها حمالة لعود البخور
هلاء دور الشرشف
قصيت شالتين من النص وواحتجت لنص تالت ولزقتهم جنب بعض
وجبت قماش الاورجانزا الزيتي ولزقته على الحواف
كان بده كوي
وهيك لما خلصت المجموعة كلها
امانة الله ما انا معدلة؟
ها ابريق لونه زيتي حطيته لحتى يتماشى مع الديكور الجديد
وهذول الشالتين اللي ضلو حطيتهم بغرفة الضيوف على الكنباية
وهذا كل اشي
---منقول لعيونكم---
الروابط المفضلة