انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 20

الموضوع: يا سلام راحه نفسيه بعد الشغاله بس اه ما فيه راحه جسديه بس الحل عندي

  1. #1
    تاريخ التسجيل
    Aug 2008
    الردود
    170
    الجنس
    أنثى

    shy يا سلام راحه نفسيه بعد الشغاله بس اه ما فيه راحه جسديه بس الحل عندي

    السلام عليكم ورحمةالله وبركاتة
    ياسلام يا بنات ما فبه احلى من ان تشتغلين في بيتك بنفسك اولا انا ربة بيت وهذا الكلام ما ينطبق على اللى عندها وظيفه طبعا ولكن الان اكثر البيوت مليانه شغالات والام غير عامله عاد كل بيت وله ظروفه لكن انا اتكلم على اللي تقدر تستغني عنها
    المهم يوم كانت الشغاله موجوده كان البيت نظبف بس سبحان الله ما ترتاحين عن نفسي لازم اغسل الاكواب والترامز احس فيه ريحه والمطبخ كمان مع اني احط لها الصابون والكلوركس بنفسي بس على قولة الوالده اكيد ترميه مع اني اجيب لها قفازات لان الكلوركس حار على ايديها الواحد يشوف نفسه حتى الحمامات اكرمكم الله مع اني اشوفها كل يوم تغسلهن لكن مهنا زود لانظافه ولاريحه بس خساير المويه والصابون والديتول وغيرها مع اني وراها وراها بكل شي ومع هذا كله انا اللي اطبخ واغسل الملابس يوم كانت فيه بس الظاهر العيب فيني يمكني موسوسه بس والله كل شغالاتي اللي اشتغلوا عندي كل وحده اروع من الثانيه وطيبات بس سبحان الله عجزت ارتاح والحين سفرتها من حوالي ثلاثة شهور وعلى حسابنا ولاهي باقي لها ست شهور .
    الان الكل يلوموني ويقول رايح تتعبين ماتقدرين لان الفله كبيره ودوريبن وكلها رخام وسراميك ومليانه اثاث غير حق الزوج من زينه وكشخه ولبس وهذا كوم واولادك كوم ثاني
    لكن يقلون هونها تهون توكلت على الله سبحانه في الاول مااخفي عليكم خبه ما يعلم فيها الا الله ما اقدر الحق على شئ يخلص شغل ويجي الثاني من الصباح الى الليل وانا على رجل والمضحك في السالفه ان الرجل معي من مكان الى مكان والله رحمته واخجلت على نفسي طبعا اول زوجته معاه دايما مقابلته ولبس وعطورات وبخور اما الان غبار وقمصان عاديه وحالتها حالهوبعدييييييييييييييييييين
    تنبهةوقلت في نفسي ليش انا كذا وجلست افكر وخطرت في بالي فكره اني اوزع شغل البيت علي طوال الاسبوع وحطيت لي جدوال والله اني ارتحت مثلا الصاله والدرج السبت والثلاثاء يعني كل ثلاثة ايام اولا اكنسها وبعدين امسحها وترى يا بنات الكنس بالكهرباء بالنسبه الرخام والسراميك اروع وانظف لانها تشيل وتشفط الشعر والوبر والزغب والتراب بسهوله وبسرعه ومثلا الاحد مجلس النساء وتوابعه والاثنين مجلس الرجال وتوابعه وهكذا
    الا اللي يستعمل يوميا مثل غرفة جلوس العائله الحمامات المطبخ وهذولي صار ما ياخذ من وقتي شي
    والطبخ اسويه بدري ولا خلصت الحمد لله اخذت لي شور وناويه ان شاء الله كل ما فضيت اعمل اكله وافرزلها وان شاء الله ابرتاح اكثر لاجت المدرسه ما يردون من المدرسه الا وكل شئ جاهز ونظيف ومرتب حتى العشاء ابسويه واضعه في الثلاجهاذا صياني او فطائر او اي شئ خفيف ونصيحتي لكم اذا عندك وقت اقلي بطاطس باشكال مختلفه اقصد كبيره صغيره اعواد مستديره كل واحد في علبه وكذالك الباذنجان واقلي البصل شرائح وفرزليها للرز والكشري وبعض السلطات واعملي كشنةزبيب وصنوبر وفرزليها وكذالك الكشنه سويها اللي مكوناتها بصل وطماطم وبهارات وضعيها في اكياس صغيره وفرزليها كذالك الفاصوليا اقطعها اشكال مختلفه وافرزلها وماتخرب عن تجربه وايضا الفلفل الرومي الملون اقطعها مع بعض وافرزلها رهيبه مع الحشوات

    غير الفطائر والمعجنات والصياني
    والحين انا مرتاحه بالنسبه للطبخ نصف الهم انزاح ولله الحمد
    والبيت نظيف والمطبخ والاواني مافيه ريحه زي اول والحمامات روعه نظافه وريحه مع اني والله بعض الاحيان ما اغسلها الا كل ثلاثة ايام وياخواتي غير الصرف اللي كنا نصرفه ايام الشغاله تجي وتقول مدام مافيه صابون مافيه كذا وكذا وكله كوم وخزان المياه كوم ثاني يشتغل مرتين باليوم بالصباح وبالليل وتكسير الاواني اه بس على اللي تكسر لا يعد ولا يحصى غير احتراق الاجهزه الكهربائيه وحكايته اخذ ذنبهن هذي لحالها.
    والا لالبستي وتشيكتي وتعطرتي تجلس تطالع فيك من رجولك الى شعرك بس والله هي بشر ولها نفس ما لومها ههههههههههههه ان خلصنا من الشغاله ما خلصنا من البزارين ههههههههههههههههه العيال كبرت

    بس ياختي انتبهي للشغاله واذا اخطأت تحمليها وراقبيها وخليك دائما
    معها في كل شي وساعديها لاتقولين ماعندها شي والله تتعب ارحموا من في الارض يرحمكم من في السماء لا تعاملينها بعنف فصصصصصصصصصصصصغارك عندها الصباح وانتي في وظيفتك.؟؟

    اعذروني للاطله بس حبيت انقل لكم حتى تستفيدون وارجوا انه ما يمر هالموضوع عليكم مرور الكرام خلوا له جانب من الاهميه

    والله تعبت وانا اكتب مره ايدي واصابعي خلاص راحت فيها وادعوا لي تكفون ان الله ييسر اموري .وادعوا الله ان يكفي المسلمين شر بعض الشغالات . وان الله يوفق كل ربة بيت ويساعدها. ولا تنسي التوكل على الله ولاننسى وصيتة صلى الله عليه وسلم لفاطمه رضي الله عنها
    والسلام عليكم ورحمة الله وبركاته.

  2. #2
    تاريخ التسجيل
    Aug 2008
    الردود
    170
    الجنس
    أنثى
    يا الله شكل موضوعي ما عجب احد حسافه والله تعبت فيه الشكوى لله

  3. #3
    تاريخ التسجيل
    Dec 2007
    الردود
    3,561
    الجنس
    امرأة
    وعليكم السلام ورحمه الله وبركاته
    تسلمين اختي على النصائح بالفعل الشغالات لهن حسنات وسيئات
    وانا لله الحمد ربه بيت وما عندي شغاله ومنظمه جدول للتنظيف والاكل وباقي الوقت اكون فاضيه فتعلمت كروشيه وتريكو اقضي وقتي فيه

  4. #4
    تاريخ التسجيل
    Aug 2008
    الردود
    20
    الجنس
    أنثى
    شكرا على النصيحة

  5. #5
    تاريخ التسجيل
    Sep 2007
    الردود
    568
    الجنس
    أنثى
    تسلمي عزيزتي
    فعلا الشغالة في البيت تسبب الاكتئاب عن جد والله
    الحمد لله انا ارتحت منها لاني كنت فاكرة اني ماقدرش استغنى عنها بس طلعت غلطانة
    فعلا باتعب وبينهد حالي بس لسه عايشة
    كمان الحركة بركة
    والبيت الحمد لله مثل المراية وكمان راحة نفسية عجيبة وكان هم وانزاح من على صدري
    الله ديم على الجميع ثوب الصحة والعافية
    كل عام وانت بخير عزيزتي الله يخليك لولادك ويسخرك ليهم

  6. #6
    تاريخ التسجيل
    Dec 2007
    الموقع
    عراقية في قطر
    الردود
    2,623
    الجنس
    امرأة
    مشكورة على الموضوع الحلو وفعلا مافي احلا من انك تشتغلي بيتك
    اني اذكر والدتي الله يرحمها ويرحم والديكم كانت لما تجيب شغالة ماتخليها
    تغسل ملابسنا ولا تطبخ وبعد ماكبرنا شوي استغنينا عنهم نهائي
    والحين اني هم ماحب الشغالات بالرغم اني لفترة تمرضت وماعدت اقدر امشي
    وزوجي رايد يجيبلي شغالة حتى تساعدني رفضت وكنت استعمل العكاز حتى اكمل شغلي
    وكانت بنتي لسة والدتها والحمد لله كنت مرتاحة

  7. #7
    تاريخ التسجيل
    Apr 2005
    الموقع
    في غربتي
    الردود
    1,318
    الجنس
    أنثى
    جزاك الله خير على ماقلتيه وفعلا الشغالات لهم حسناتهم وسيئاتهم أني بصراحة ماأأيد الشغالة بس الحين لا : قدمت على شغالة وقريب بتوصل يعني بعد العيد ب3 أيام والله انهد حيلي والصحة مو نفس الأول والله ما ألحق على شغل البيت والأولاد وبيتنا فيلا من 2 والله حسيت ان الباور خلص ومحتاجة المساعدة وخاصة اني أقوم بدور الأم والأب بنفس الوقت لأن زوجي يعمل في بلد آخر
    الله يحنن قلبها ويعطيني خيرها ويكفيني شرها
    الله يعطينا الصحة جميعا

  8. #8
    تاريخ التسجيل
    Feb 2008
    الموقع
    في الفردووس الأعلــى ..
    الردود
    211
    الجنس
    أنثى
    انا كمان ماعندي شغاله ولاعمرها دخلت بيتي وهذا اريح لي ولزوجي واولادي نكون على راحتنا في اكلنا وكلامنا وضحكنا مالو داعي تكون عين غريبه تراقبنا دائما و كمان انا كل يوم احتسب الاجر من الله في عملي في بيتي وعلمت البنات يساعدوني حتى زوجي و ابني ما قصرو

  9. #9
    تاريخ التسجيل
    Aug 2008
    الردود
    170
    الجنس
    أنثى
    حياكم الله خواتي وشاكره لكن مروركن وردكن
    واللي ما عندها شغاله ربي معاها والله يوفقها مافبه احلى من انك تخدمي زوجك واولادك بنفسك.
    وللي عندها شغاله الله يسخرها لك ويعطيك خيرها ويكفبك شرها والله يوفقك الجميع.

  10. #10
    تاريخ التسجيل
    Sep 2008
    الردود
    26
    الجنس
    أنثى
    جزاك الله خيرا

مواضيع مشابهه

  1. عشت راحه نفسيه ماعشت مثلهاودي تعيشونهامثلي
    بواسطة اسيره الخطايا في روضة السعداء
    الردود: 3
    اخر موضوع: 01-11-2010, 07:34 PM
  2. راحه القلب
    بواسطة غلاقلبي في روضة السعداء
    الردود: 2
    اخر موضوع: 04-02-2009, 06:27 PM
  3. تطويل الشعر بكل راحه
    بواسطة المعتزة بربها في العناية بالشعر وتصفيفة - تسريحات, عروس, قصات, صبغة
    الردود: 30
    اخر موضوع: 19-10-2006, 09:01 PM
  4. المساج وجماله.....راحه ما بعدها راحه تعالي اتعلميه
    بواسطة hoba essam في العناية بالجسم والبشرة والمكياج والعطورات
    الردود: 36
    اخر موضوع: 07-03-2006, 09:49 AM
  5. الصراحه راحه
    بواسطة وعد الوعد في العناية بالشعر وتصفيفة - تسريحات, عروس, قصات, صبغة
    الردود: 21
    اخر موضوع: 14-03-2003, 04:25 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ