السلام عليكم ورحمة الله وبركاته

والله يا سيدات وانسات المنتدى العزيز ابغي افكاركم ومحتاجتكم وانشالله ما تردوني زعلانة...


وهو اني ابحث عن افكار مبتكرة وجديدة لليلة زواجي ايش اسوي ..........

والافكار اللي محتاجتها ماهي للكوشه او شيء ولكن ابي افكار اسويها اثناء الزفة......
او بعد الزفة,,,,,,,,,,,,,,,,,,,,
وكمان محتارة ايش الاغنية المناسبة عند شرب العصير لاني بصراحة مليت من اغنية عطشانة.........

همتكم ياجماعة الله يخليكم وبدعيلكم كلكم بالستر في الدنيا والاخرة........

وجزاكم الله خير......

عطشانه ؟؟؟ خهههههههه اول مره اسمع هالافكار لؤؤؤؤؤل

والله تبين افكار شو رايج تدشين على صوت قصيده شعريه

بس بدون غنا ((انا بريئه ))

يعنى تكون زفه رومانسيه وجديده

وطبعا تكون القصائد غزليه كان الشاعر يقولها عنك

مثلا ؟؟

اما عن العصير

اشربي وتوكلى عالله

اصلا هاييك الساعه ما بتسمعى شي اصلا

((خبره )) ههه

هلا عزيزتي مبروووك مقدما.....

بقولج بعض الأفكار اللي شفتها في الأعراس اللي حضرتها.....

ممكن تمشين بنتين قبلج وحدة حامله مدخن والثانيه عطر اللي يكون في اناء من حديد ويرشونه

على الناس ما اعرف شو اسمه بلهجتكم....

ممكن تخلينهم يشلون سلتين فيها ورود .....

في عرس حضرته لما ركبت العروس الستيج فتحوا صناديق فيها فراشات ملونة ...كانت حلوة

الحركة......

وفيه عرس خلوا الفلبينيات اللي يوزعون الأكل يوقفون تحت عند الممر مال الكوشة وشالين

في ايديهم (شلق) اللي هو مثل القلم ويطلع شرار يعني مال الألعاب النارية ويحركون ايديهم...

فيه عرس حضرته اول ما دخلت العروس طفوا الأنوار وركزوا على العروس ولما وصلت

على الكوشة طلع مثل نافورتين على اليسار واليمين من الألعاب النارية .....

وفي عرس ربيعني كانت حاطة طاووس في قفص كبير على اليمين واليسار وحاطة على كل

طاولة حوض صغير وفيه سمكتين (بالتأجير )

وفيه عرس لما وصلت العروس الكوشة فتحت قفص فيه حمامة وطيرتها...

ما ادري عزيزتي اذا حبيتي الأفكار وكانت ممكنة التنفيذ بالنسبة لج......والسموحة

أختي رنوووووووووون أول شي حبيت أهنيك واقول لك 1000 مبروووووووووووووووك
والله يسعدك ويهنيك انشالله.
وانشالله تطلع حفلتك حلوه وعلى أتم صوره تبغينها
بس عندي طلب يا اختي العزيزه وارجووووك لا ترديني
حفل الزواج هذا ما وجد الا عشان يكمل فرحتكم وفرحة اهلكم فيكم
عشان كذا يا عيوني انتبهوا من الاسراف والمبالغه في مراسم الزواج حتى لو كنتم قادرين ماديا.
وانا اقول لك ليه:
اولا الزينه والبهرجه المبالغه فيها مالها اي داعي لانكم احوج لفلوسها وبعدين حرام عشرات الالوف تروح في ليله واحده وعلى شي ما فيه نفع الا مظاهرفقط
والاهم يا عيوني ان فيه ناس كثير محرومين من نعم كثيره والله يكفينا شر الحسد والعين

وبدال ما تحطين موسيقى اذا كان ولا بد فيه زفات شعريه حلوه وراقيه
ولكن كثري فيها ذكر الله وخاصة قول : ماشاء الله تبارك الله
وأكثري يا غاليتي من الصدقه من مهرك واكثري من الدعاء بالتوفيق والبركه والرزق
أقول كل هذا يا غاليتي لاني مريت بتجربة الزواج مثلك ومع الاسف ما لقيت احد ينصحني فكان اهم شي عندي اني اكون باحلى صوره قدام الناس وما كانت تهمني التكاليف اهم شي اني اسوي اشياء جديده ومبتكره .
وهذا اللي دمر حياتي فمع الاسف على النعم اللي كنت عايشه فيها الحمد لله من مظهر جميل و زوج صالح لم أكن أحصن نفسي بالأذكار
حتى أصبحت محسوده من أقرب الناس إلي ( لا حول ولا قوة إلا بالله )
فبدل أن أقضي أول سنه من زواجي والتي تليها في سعاده مع زوجي..
صرت اقضيها في الرقيه الشرعيه بين شيخ وآخر
أرجو من العلي القدير أن يوفقك ويرزقك ويبارك لك في زواجك وكل عروس مقبله إنه على ذلك قدير وأن يرزق أختي زوجا صالحا محبا وجميع فتيات المسلمين آميــــــــن

حبيت بس حبيت ابارك لك

وانا والله ودي اساعدك بس ماعندي


افكار جديده الغربه ماترحم




باي

لا تنسي ياأختي
قال الرسول صلى الله عليه وسلمأقلهن مهورا أكثرهن بركة)

الى اختي كراميل كلامك ضحكني والله ومن فين هالخبرة ( اللهم لاحسد )
الى عزيزتي بنت الامارات مشكوووووووورة مشكوووووووورة افكارك تجنن والله وجزاك الله الف اف خير.....
والى الاخت سحابة جزاك الله خير على نصيحتك والله يفك كربك ويفتح عليك باب راحة البال والرضا ويزيل همومك اللهم امين وانشالله ربي يتقبل مني في هالايام المفترجة قولوا امين .....
والى العزيزة ماء القمر مشكورة والله يبارك فيك والله يرجعك لبدك واهلك بالسلامة يارب
والى الاخت بحور تحياتي لك وجزاك الله خير......

للاسف ماعندي افكار ولكن دخلت حبيت ابراك لك الزواج والله يوفقك ويكفيك شر من فيه شر

أحب ابارك لك واقول لك
اذا عرفتي ان التوفيق والسعاده بيد العزيز الحكيم
فراقبيه في كل امورك
واحذري ان تعصيه بالأغاني او غيرها وانت تتقلبين في نعمه وقد وفقك للزواج والحمد له
فلا تجعلي سعادتك في هذا اليوم
سببا في غضبه عليك وعدم توفيقه لك بقية عمرك
والأفكار الخاليه من المعاصي كثيرة كما ذكرن الأخوات
وفقك الله واسعدك وجمعنا واياك ومن تحبين في الفردوس الأعلى..

جزاكم الله خير اخواتي