مرحبا يا حلوين عندي عمل بسييط وحلو مره ومصنوع من الصوف والبالون
الادوات : صوف + صمغ سائل لونه شفاف + بالونه + ورد مجفف و فوانيس صغيره
العمل : يوضع الصمغ في صحن وناخذ الصوف و نغمسه في الصمغ بعد ما نفك الخيط
ينفخ البالون ثم ناخذالخيط المشبع بالصمغ ونلفه حول البالونه باي شكل تريدين إما دائري او معينات ...........بشرط ان يكون الخيط لفه كامله غير مقصوصه
ويترك لينشف لمدة يوم ....... بعد ما يجف فرغي البالونه من الهواء لكن انتبهي تفقعيها في وجهك ....وسوف ياخذ الصوف شكل البالونه شكل جميل وتزين بالورد المجفف ويمكن وضع داخلها فانوس صغير يعمل بالبطاريه او اعشاب عطريه او... اي شئ تحبينه
وتعلق في اي مكان ..... وان شاء الله يعجبكم

مشكورة أختي على الفكرةالجميلة بس ما أدري إذا فرغت البالونة من الهواء هل تبقى في الداخل ولا كيف يمكن التخلص منها ...معليش أتعبتك بكثرة الإسئلة,,,ويعطيك العافية ما قصرتِ

حياك الله اختي بنت القصيم
بالنسبه لسؤالك انتي لازم تخلي فتحه صغيره من فوق يعني ما تلفي الخيط على كل البالونه خلي فتحه صغيره من فوق عشان تخرجي البالونه و تحطي بداخلها اي شئ تبينه
او ممكن كمان ما تلفي البالونه كلها تلفي نصفها يعطيك شكل اجمل تعلقيه في اي مكان بعد ما تزينيه واي سؤال انا حاااااااااضره .........

عمل فني رائع
الله يعطيك العافيه .
لو سمحتي عندي سؤال الغراء اللي استخدمتيه ايش اسمه.

فكره روعه hanay زيدينا من هالافكار السهله والبسيطة العمل والف شكر للمشاركه الرائعه

حياك الله أختي ريوف بالنسبة للصمغ إسمه glue شفاف موجود في المكتبات............

مشكورة أختي ديم على التشجيع وإن شاء الله أفيدكم وتفيدوني ..............

السلام عليكم
انا جربت الطريقة على الكرة وغطيت نصفها
احط الصمغ واحط فوقه الخيط( خيوط مكرمية) وامشي لحد ما اوصل للنص
وهذا باستخدام الصمغ الشفاف يوهو
وجبت صمغ ابيض وخففته بشوية ماء (مو تكثري من الما)
ومسحت الصمغ على الخيوط بالفرشاة(حتى تقوى وماتكون ضعيفة)
وتنترك لحد ماتجف
وبعدها استخدمتها سلة في غرفتي

فكرة حلوة وسهلة ....

تسلم الأيادي أختي hanay

ماشاء الله عليك أختي برجيس ، فكرتك حلوة بعد

أهلين باللؤلؤة
جريت الطريقة قبل ماأقرأ الموضوع بصمغ الخشب والجبس
ومانفعت الطريقة لاني كنت ودي اعطيه درس للصف الاول متوسط
هل نوعية الخيوط وسكمها لها دور مع إني ممستخدمة خيوط الصوف
وكيف شكل علبة الصمغ واين متوفرة
تحياتي

stary lights
وش سويتي بالجبس؟؟؟؟؟؟؟
والخيوط لازم تكون قوية وعريضة
انا استخدمت خيوط المكرمية
والصمغ تشوفيه في كل محل للأدوات الفنية و المكتبات