السلام عليكم اخواتى الكرام ما يا تلحقونى يا متلحقونيش خلاص هسيب البيت للفران يمرحوا فية زى ما هم عايزين
المشكلة دلوقتى انى قبل كدة لقيت فار عمال بيجرى فى الشقة
جبتة صمغ الفران و حطيتة على ابلاكاشة زى ما الكتاب بيقوا و عملتلة سفرة محترمة اشى طماطم و اشى جبنة رومى و اشى سجق بس الئيم و لا حتى قرب منهم ابدا
قلت مش هينفع غير المصيدة
جبت مصيدة و الحمد للة قدرت اتخلص من الفار

بس الظاهر ان عيلتى جات تنتقم لانى لقيت فار تانى
المصيدة موجودة و اتبعت نفس الاسلوب بتاع الفار الولانى حطيت حتة سجق و حمرتهالة كمان و اللة
بس المشكلة انها بدل ما تصيد الفار بتصدلى نمل و الفار ماشى يبرطع فى الشقة
قولولى اعمل اية
المشكلة ان ابن العفريتة دة مش بيطلع الا و جوزى فى الشغل او نايم كانة مصتقصدنى و حالف ياخد بالثأر
ادونى انتوا عقلكوا و قلولى اتصرف ازاى يا اما هسيبلهم البيت و اطفش يرضيكوا ابات فى الشارع

مع العلم ان بيتى و الله زى الف و بنضفة باستمرا و بمسح بديتول و انضف المطبخ بديتول و كلوركس بس المشكلة المنطقى اللى ساكنة فيها فيها فران كتير اعمل اية

اهو دلوقتى واقف بيلعبلى شنبة و يرقصلى حواجبة بيغظنى الفار ابن الفار
الحقونىىىىىىىىىىىىىىىىىىىىىىىىىىىى
اخلص منهم ازاى

ماهو حيغيزك كمان وكمان لانه شايفيك بدون سلاح انا انصحك تضربيه بالمسدس هههههههههههههههههههههههههههههههههههههههههههههههههه هههههههههههههههههههههه

واللة يا نانسى اللة يكون فعونك فااار متهيألى لو معندكيش اطفال تخافى عليهم هاتى سم فران وشوفى هو بيركن فين وبيحب يتمشى فين يعنى ظبطية واعملى سلم على الشبابيك والباب كدة احتراس يعنى خاصة انى عرفت منك انك مسافرة وحتسيبى الشقة لفترة
عارفة انا مغرقة الشقة عندى نفتلين رمياة فى الارض عشان مافيش حاجة تهوب ناحية الشقة ان شاء اللة ولا حتى البنى ادميين هههههههه

اهلا نانسى الله يكون فى عونك ...احنا كان عندنا واحد اخوه بالضبط بس ماما وصت واحد قريبنا جاب

لها من البلد المبيد اللى بيرشوه فى الارض الزراعية عبارة عن ذرة و حبوب بس مرشوش عليها لون

بمبى و وضعته فى اركان الشقة و لقينا بعد كام يوم جثته....عقبال اللى عنك

اسالى محلات المبيدات ...و يمكن الفار مش عاجبه الطماطم و السجق...


غيرى له منيو الاكل و لو شاطرة

اضربيه شبشب جبيه الارض....

كتبت بواسطة أم رشونه

ماهو حيغيزك كمان وكمان لانه شايفيك بدون سلاح انا انصحك تضربيه بالمسدس هههههههههههههههههههههههههههههههههههههههههههههههههه هههههههههههههههههههههه

صحيح و الله اخت ام رشونة هم يضحك مش كدة بس لا انت فاكرة انى هموتة كدة على طول دة انا نفسى اكتفة و اربطو فة رجل السرير و انزل علية بكرباج سودانى معتبر و اقولة يعترف بكل حاجة انا مش هموتة كدة على طول لازم اعذبة الاول زى ما بيخلينى صاحية طول اليل

كتبت بواسطة sefo2

واللة يا نانسى اللة يكون فعونك فااار متهيألى لو معندكيش اطفال تخافى عليهم هاتى سم فران وشوفى هو بيركن فين وبيحب يتمشى فين يعنى ظبطية واعملى سلم على الشبابيك والباب كدة احتراس يعنى خاصة انى عرفت منك انك مسافرة وحتسيبى الشقة لفترة
عارفة انا مغرقة الشقة عندى نفتلين رمياة فى الارض عشان مافيش حاجة تهوب ناحية الشقة ان شاء اللة ولا حتى البنى ادميين هههههههه

و الله يا سيفو انا بفكر اعملة اوضة نوم فى الشقة عشان لو حب يريح عندنا شوية و لا حاجة
انا لسة فعلا ما عنديش اطفال لانة متجوزة من اربع شهور بس خايفة احطلة سم فران يروح يموتلى فى حتة بعيدة و يعفن ما اعرفش اطلعة ما هو غاوى عذاب ميت و لا حى
و بالنسبة لة هو بيمشى فين فى الشقة احب اطمنك انة مبرطع فيها و لا كانة عايش فيها لوحدة دة شوية شوية هيستعمل التواليت بتاعنا و يكتب على الباب ممنوع الدخول لغير الفئران
و الللى مخوفنى انى مسافرة يبقى قدر ينفز الخطة اللى فى دماغة و يقعد براحتة بقى
عارفة لو يدفعلنا ايجار للشقة كنا نسية يقعد فيها بس دة مبلطج

كتبت بواسطة n2salah

اهلا نانسى الله يكون فى عونك ...احنا كان عندنا واحد اخوه بالضبط بس ماما وصت واحد قريبنا جاب

لها من البلد المبيد اللى بيرشوه فى الارض الزراعية عبارة عن ذرة و حبوب بس مرشوش عليها لون

بمبى و وضعته فى اركان الشقة و لقينا بعد كام يوم جثته....عقبال اللى عنك

اسالى محلات المبيدات ...و يمكن الفار مش عاجبه الطماطم و السجق...


غيرى له منيو الاكل و لو شاطرة

اضربيه شبشب جبيه الارض....

هههههههههههههه الله يحظك يا n2salah ضحكتينى و الله عقبال ما الاقى جثة المضروب قريب ان شاء الله بس وحياتك انت مش هدفنة كدة على طول لا دة انا همثل بجثتة عشان يبقى عبرة لكل العصابة اللى جاية تنتقم
عارفة هوة لو يقوللى بيحب اية بالظبط و الله اجبهولة على طول دة انا انزل اعملة يوم شوبينج مخصوص
بفكر اجبلة طباخ من برة يمكن اكلى مش عاجبة
اما بالنسبة لموضوع اضربة شبشب دية نبقى نتفاهم فيها بعدين اوعى تفتكرى انى خايفة منة و لا حاجة لا لا سمح اللة بس انا بس عايزة حاجة من مقامة نمر اسد لكن حتة فار لا انا اترفع عن الحاجات الصغيرة دية

الله يكون في عونك اختي
بس طبعا الوقاية خير من العلاج

الفار مخلو ق ذكي جدا ففي بعض الاحتياطات التي يجب عملها لتجنب الفئران مثل


اولا شبك الحماية الى على الشبابيك لازم تكون مغلقة كمان الفار اول ما بيدخل البيت بيكون ما بيعرف الاماكن فمن السهل اصطياده اما اذا استوطن بيكون صعب جدا تمسكيه كمان باب البيت ما يكون بعيد عن الارض عشان ما يدخل من تحت الباب حطي عتبة رخام عند العتبة علما بان الفار بيدخل من اماكن صغيرة لا يمكن تخيلها


وفقكك الله واتمنى لك السلامة وما تطفشي من البيت

هههههههههههههههههه
اسفه والله بس طريقه حكايتك للفار ده زى العسل ههههههههههه
ده انتى كمان شهرتيها ع النت هو عايز اكتر من كدا ايه بقه ناقص تحطى صورتو عشان كدا
هايحلف ماهو ماشي غير بلاب توب

هاقولك انا مره برضو دخل ف شقتنا وجبتلو سم فيران من اللى الاخت كانت بتقول عليه
البمبي دى وحطيتو ع الجبنه الرومى بس تعديهم الاول عشا تعرفي هو نقص ولا لاء
حطى مثلا 6 هاتلاقي ناقص منهم 2 تعرفي انه خلاص وتشغلى اغنيه بسلامه بسلامة

بس مانصحكيش ابدا تسفررررري وهو موجود لحسن لقدر الله يولد ودى تبقه مصيبه سودة
بعد الشر عليكى
بلغينا دايما بأخر التطورات اووووووووك ف امان الله

كتبت بواسطة ام الكرم

الله يكون في عونك اختي
بس طبعا الوقاية خير من العلاج

الفار مخلو ق ذكي جدا ففي بعض الاحتياطات التي يجب عملها لتجنب الفئران مثل


اولا شبك الحماية الى على الشبابيك لازم تكون مغلقة كمان الفار اول ما بيدخل البيت بيكون ما بيعرف الاماكن فمن السهل اصطياده اما اذا استوطن بيكون صعب جدا تمسكيه كمان باب البيت ما يكون بعيد عن الارض عشان ما يدخل من تحت الباب حطي عتبة رخام عند العتبة علما بان الفار بيدخل من اماكن صغيرة لا يمكن تخيلها


وفقكك الله واتمنى لك السلامة وما تطفشي من البيت

ربنا يكرمك يا ام الكرم فعلا دة ذكى و لئيم فوق ما تتخيلى و فوق كل دة سريع جدا و الله بيخضنى بحس ان فية شبح بيجرى فى الشقة لدرجة انى تخيلت انة عفريت الفار الاولانى انا فعلا نويت اقفل كل حاجة كويس اوى بس اهم حاجة اخلص من اللى جوة تخيلى انى حطيت حتة موكيت على باب البلكونة
من تحت صحيت الصبح لاقيتة زاققها اى و الله
ربنا ياخدة يا رب و يحفظك منهم