انا من زمان بدور على موضوع نتعلم فيه الشك وكل موضوع اله علاقة بسال صاحيته عن التطريز وما بردو
المهم يا ريت حبيبتي تعلمينا كيفية تثبيت الخرز و شكه بالقماش؟
ومشكورة عاموضوع

تسلمي يا أحلى بوسي كات على هالدورة الحلوة
وآنة من الحين أحجز مقعدي عندكم

منورين يا حبيباتى
واسعدنى جدا حماسكم وتشجيعكم ليا واهتمامك بالموضوع


يالا استعدواااااااا
هنبدا اول درس للتطريز ( للمبتدئين ) درس بسيط .

يلاااااااااااا حبيبتى انا متبعاكى ااهوو ربنا يجزيكى خير عنا يارب ويفتحلك ابواب الرزق
وبلغك رمضان

اخواتى الحبيبات هنتعلم فى الدرس الاول طريقة بسيطة للتطريز وسهلة جدا

اسمها ( قشر السمك )

الادوات\

نجيب اى قماش عاوزين نطرز عليه ( فستان _ مفرش _ شنطة ) اللى تحبوه

ونجيب ترتر باللون اللى تحبوه

وابرةوخيط
وتعالوا نشوف الطريقة بالصور

انا اخترت اللون ده




ودى البلوزة اللى هنشتغل عليها واللى عاوزة تشتغل على اى حاجة عندها تبداء معايا
شوفوا البلوزة ازاى كان شكلها فى الاول وشوفوها لما تخلص هيكون شكلها ازاى بعد ما نعمل عليها غرزة ( قشرة السمك ).



نرسم عليه دوائر او مربعات او اى رسمة احنا نحبها بس علشان المبيدئين رسمة سهلة مربع او مستطيل او دوائر علشان تكون سهلة عليكم فى الشغل.
بعدين نبدا
تابعوا الصور
هنبدا من اول طرف للمربع ندخل الابرة من تحت القماش وندخل ترترة واحدة ونثبتها على الرسمة وندخل الابرة تانى لتحت ونطلع تانى بالابرة من طرف الترترة بدون اى مسافات بعدين نبداء نحط واحدة جديدة وناخد مسافة اقل من سنتيمتر ونكرر العملية لحد ما الرسمة تخلص .والصور هتوضح اكتر ان شاء الله
المهم نخيط من غير ما نشد الخيط قوى علشان الترتر يترص فوق بعضه زى قشر السمك بالضبط







وكده نكون خلصنا الرسمة وبالنسبة للوردة اللى فى النص نجيب خرز صغير ونثبت واحدة فى النص ونلف عليها 5 خرزات هتطلع بالشكل ده
اشكال بسيطة وسهلة .


ونيجى عند الكمر اللى على الرقبة
ونعد 6 خرزات صغيرين فى الابرة ونبدا نرص جنب بعضه يطلع بالشكل ده .




وبيكون ده الشكل النهائى بطريقة بسيطة جدا وسهلة .






اتمنى اكون افدتكم ويالا يا حبيباتى عاوزة اشوف شغلكم واللى عندها اى سؤال تتفضل .








ملحوظة
طبعا الطريقة دى مش بس تتعمل على رسومات وتتعمل على حروف المفارش والشنط والعبايات

زى كده











يارب تكون المعلومة وصلت وقدرت اشرح لكم اول درس


واسفة على الاطالة

اختكم

poseecat






















انتظروا الدروس القادمة ان شاء الله .

بارررررررررررررك الله فيكى تستهلى عليه الف بوسه
شرح سلس وجميل
وهاقوم اجرب انا عندى ترتر كتير

تسلمى يا عسل
منورة
يالا عاوزة اشوف شغلك
منتظراكى واكيد هيطلع زى العسل لانه من صنع ايديكى

تسلم إيديكى يا احلى بوسى
شلرح سهل جدا لكن طبعا الى اهم من الشرح الفن و الذوق بتاعك العالى يا قمر

و على فكرة انا محترفة فى فنون التطريز و تقريبا بعمل جميع الغرز لكن كل الى ينقصنى إذاى اعمل اشكال و ابداعات ذى الى عندك كدة يا بسبوسة ياريت لو عندك اشكل رسومات تطريز تبعتيهالى .

مشكورة بوسي بصراحة انا بستنى شغل المفارش بفارغ الصبر

عندي سؤال
هلا الخيط رح يكون مبين من فوق الترتر؟؟

اميرة فرعونية
تسلمى يا اميرة وياريت تشاركى معانا بشغلك وان شاء الله هنزل رسومات كتير للتطريز من عنيا يا عسل .


mis spoon
منورة حبيبتى
وان شاء الله شغل المفارش قريب واى غرزة من اللى بنعملها نتفع للمفارش وهجيب لك رسومات خاصة بالمفارش باحجامها واشكالها
بالنسبة لسؤالك

الخيط ممكن يبان لو عملنا الغرزة واسعة او لو الترتر شفاف بس طبعا الخيط هيكون نفس اللون
ولو مش عاوزة الخيط يبان خالص حتى لو نفس اللون ضيقى المسافات اكتر علشان الترتر يجى فوق بعضه او استخدمى ترتر مش شفاف .
وعاوزة اشوف الشغل يا قمر