بوسي كل ما اجي اشوف ردك علي ملقكيش رديتي

كتبت بواسطة mis spoon

ازيك يا بوسي انا اول حد سالتك عامفارش

بس رمضان شغلني كان عندي ضيوف
فانشغلت عنك بس كنت متابعة الموضوع
عايزة اسالك عن اسماء الخرز وانواعها والانواع اللي ما بتغيرش لونها واماكن شرائها
بس انا دلوقت في الشهر التاسع وممكن في اي وقت ربنا يفرجها واولد (ادعيلي)

فانا مش عارفة حقدر اتابع معاكي والا ايه بس ححاول على قد مقدر
مشكورة قوي على متابعتك للموضوع
ويا ريت تفضلي تثري الموضوع بالفائدة كده و تحياتي لرومة كمان مشكورة

ازيك ياقمر انا طبعا مقدرش اتاخر عنك بس بردو اتشغلت فى رمضان والعيد وكل سنة وانتى طيبة
واسعدنى جدا متابعتك لموضوعى المتواضع
ان شاء الله تقومى بالسلامة وربنا ييسرلك
ان شاء الله هنبداء فى تطريز المفارش واتمنى تتابعى معانا وتنورينا دايما
بالنسبة لانواع الخرز الانواع كتير
فى خرز عادى نمنم صغير ومدور للتطريز العادى
وفى خرز كسر بيلمع لتطريز السواريهات وفساتين الافراح
والخرز الكرستال لونه مش بيروح ابدا ولا لونه بيتغير
اما الخرز البلاستيك او الخشب لونه بيغير او ممكن يتقشر اللون
بالنسبة لاماكن الشراء انا مش عارفة انتى منين علشان افيدك
لو من مصر هتلاقى كل الخامات فى منطقة اسمها العتبة وشارع الموسكى
ولو فى اى مكان تانى هتلاقى الخامات دى عند محلات ادوات الخياطة او المكتبات الكبرى
وبالتوفيق حبيبتى واعذرينى على التاخير فى الرد
اختك فى الله
poseecat

شكرا يا بوسي شغلك جميل بس عيزة اعرف منك حاجة بالنسبة للابر والاشكال الي بنطرز عليها
وكمان ممكن اعرف طريقة المفارش الي انتي منزلة صورها

كتبت بواسطة الملكة حتشبسوت

شكرا يا بوسي شغلك جميل بس عيزة اعرف منك حاجة بالنسبة للابر والاشكال الي بنطرز عليها
وكمان ممكن اعرف طريقة المفارش الي انتي منزلة صورها

اختى الغالية الملكة حتشبسوت
اسعدنى وجودك معانا بالدورة منورة يا قمر
بالنسبة لنوع الابر للتطريز بتكون ابرة رفيعة جدا خاصة لتطريز الخرز
وبالنسبة لاشكال التطريز اى شكل ممكن يتطرز بس لكل شكل غرزة معينة تتناسب معاه
اما عن طريقة المفارش المعروضة بالصور منها المرسوم بالالوان او المشغول بالاسيه او السيرما
وكلهم يصلحوا للتطريز اليدوى بالخامات .
وتابعى معانا ان شاء الله

اختك فى الله
poseecat

الصور مش راضيه تظهر انا زعلانه

وحته معي ما تظهر
وبارك الله فيك علي الطرح الرائع

الاخوات اللى ما ظهرت معهم الصور
ان شاء الله يحاولوا مرة تانية وبتظهر
اسعدنى مروركن

شكرا بوسي علي ردك واهتمامك

مشكوره

كتبت بواسطة الملكة حتشبسوت

شكرا بوسي علي ردك واهتمامك

عفوا حبيبتى
الشكر لله
وجزاك الله خيرا