جميل اوى تسلم ايدك الشغل دة واستمرى انا حتابع معاكى لأن بصراحة نفسي اتعلم الحجات دية
وياريت تنزيلى مواضيع فى قسم الأشغال اليدوية مش الديكور وبس

انا ليا طلب ممكن تحطى شكل الصندوق الخشبي بتاع الأنترية علشان انا متخيله بس لما لقيتك بتقولى الزخارف الأسلامية معرفش حتحط ازاى على الصندوق الخشبي فياريت لو صورة توضح شكله

ليا استفسار تانى: ألوان البورسيلين دية بتتباع عادى فى المكتبات واية الريلف دة معلش بقى اصلى جاهله شوية
واطباق البرسيلين السادة اجبها منين علشان ارسم عليها اصلى اللى بلقيهم عند الراجل بيبقوا مرسوم عليهم مشفتش سادة قبل كدة

بجد انا آسفة أسألتى كتير انا عارفة, وياريت تستمرى فى الموضوع الجميل دة يامهندسة لو فيه طرق عمل الأكسسوارات كمان تبقى 100100

استنى استنى يا احلى باش مهندسه فى الدنيا اولا يا ست الكل اهلا بيكى معنا فى الركن ودايما عامر كدة على طوووول
بس انت يا جميل داخل حامى وانا الصراحه قررت اتعلم من احلى مهندسه فواحدة واحدة عليه وفهمنى براحه
اولا عرفينا بنفسك ياااا جميل
ثانيا اكتبلى كل الادوات المطلوبه ومن فين نجبها وياريت لو اسم الماركات كمان
وبعدين صوريلنا طريقه اعمايل خطوة خطوة عشان نبقى فى السليم ولا ايه

المهم انك نورتينا كلنا ونورتى الركن وان شاء الله نشوفك دايما معنا

اختى العزيزة المهندسة شكرا على زيارتك لى وعلى فكرة انا نفذت الطبق ولكن بطرق اخرى ونفذت الشغل على النحاس ايضا بطريقة اخرى ولكن انا فى انتظار المزيد والمزيد من اى افكار اومعلومات وتسلم ايدك على الطبق والروسومات والصندوق

بارك الله فيكي ياحبيبتي وجزاكي كل خير

الله جميل لدي زخارف نباتيه اذا تبريدين ورخارف اسلاميه شكرا للاخت اميمه التى دعتى لموضوعها ووجدت الروائع هنا وهناك

شكل الصندوق عندى بس حجم الملف كبير و لذلك لما الحقته بالرد لم يظهر بس حضغطه و ان شاء الله حتلاقيه على طول
الوان البورسلين دى بتتباع فى المكتبات اللى بجانب كليات الفنون الجميله و الريليف بردو و فى منه اسود و ذهبى و فضى و ده للتحديد دى افضل الوان الريليف
اطباق البورسلين الساده دى موجوده فى محلات الادوات المنزليه و المولات
طرق عمل الاكسسوار حيعملها ان شاء الله بس لما اجمع الصور اللى عتدى كمان اسبوع كده مثلا
اختى اميمه فرحات ياريت لو تعرفينا على الافكار بتاعت الطبق و المعادن بتاعتك وان امكن بالصور
الزخارف انا حطاهالكم تطبعوها عشان تستخدموها فى الصندوق ازاى؟عشان نطبعها بالكربون على المعدن و بعد كده نجيب قطعة فوم او فل و نضغط بظهر القلم على الرسمه لحد ما تبقى بارزه يعنى تكون دى الزخارف اللى على الصندوق

المشكله فى انى احطلكم الاعمال خطوه خطوه ان الاعمال دى انا خلاص عملتها من زمان فمش حعرف اجيب الخطوات السابقه بصور العمل الفنى اللى قدامى و خلاص بس اى حاجه جديده حعملهاحصورها خطوه خطوه
بالنسبه لادوات عمل الصندوق النجار بيعملهلكم و بتشتروا من المكتبات اللى بجوارالفنون جميله شرائح من النحاسسمكها ثلاثه من عشره ميلى
و بتجيبى كربون عشان تطبعى بي الزخارف على النحاس
و بتطضغطى بظهر القلم على الرسمه عشان تخليها بارزه
وطبعا بتضغطى على حاجه طريه زى الفل
و بتجيبى مسامير عين الكتكوت تدقيها على الحرف كأنك بتبروزى النحاس بيها
و ححطلكم الصورة فى اقرب فرصه
و اتمنى ان اكون جاوبت على كل اسألتكم

اختى زينة المنتدى جزاكى الله خيرا و ياريت لو عندك زخارف تعرضيهالنا لأنى فعلا محتاجاها جدا فى الكليه و مش عارفه اجيب زخارف جديده منين
و شكرا لبقية اخواتى اللى ردوا على الموضوع و اشكر متابعتكم

دى شرائح النحاس تكون بهذا الشكل

دى تشبه فكرة الصندوق
بس دول مش انا اللى عملاهم بس انا عملت شبهم فحطيتلكم الصور دى بدل ما لسه حصورهم و اضغطهم و لسه فى افكار كتير للمعادن حنشوفها
و ياريت اى حد عمل حاجات زى كده يورينا الافكار

على فكره لمفروض ان بعد ضغط الرسمه تكون زى الشكل اللى فى الصوره السابقه و لما قلتلكم اننا حنعمل على الصندوق زخارف يعنى تقريبا حتبقى زى الصور اللى ادامكم بس زخارف بدل الايات القرأنيه و حنكرر نفس العمل فى كل وجه من اوجه الصندوق اتمنى تكونوا متخيلين شكله هو تقريبا يشبه كنز المجوهرات هى دى فكرته