أحب أشكركم مقدما على التفاعل .....
تراني جايبتكم على (ملا وشكم )عشان انتوا تعطوني الفكرة و أنا أنفذها

أنا بيتي أجار و مو فاضية أشتري هاك المدخل بذيك العدة!!!!!!!!!
عندي طاولة شاي مو بحاجتها ..ممكن تحولونها لي مع التعديلات و الإضافات إلى تحفة مثل موضوعكم الرهيييييب لتجديد غرفة النوم بأقل تكاليف....

أنا بانتظاركم على احر من الجمر.....في بالي أركب مراية على الجدار و بالخيش أسوي حركات إشي نازل طالع على يسارها وداخل على الجدار الثاني و نازل بالأرض بعدين مع مخدات ...

ما أستغني عن فنكم و ترى المدخل صغير يعني في وجهك الباب فيه على اليسار مسافة أقل من متر(نص متر بس)هي اللي أبغى أفلسف لكم فيها .......

و الله يوفقكم مقدما .........

مومعقول ولا وحدة من 116 اللي قروا موضوعي عندها فن و ذوق!!!!!!!!!!!!!!
بصراحة(ولا تزعلين يا أسيرة الغربة)منتدانا صاير ممل و تعتمد الردود فيه على اسم كاتبته موعلى المضمون!!
كنت أحب المنتدى جدا لما كنت زائرة بس لما صرت عضوة انصدمت في الجليد اللي يغطيه..برود فظيع و قاتل ..الصراحة قاسية بس لازم نسمعها
وين زوزو ..ديم ..إيمان علي.....أي وحدة تقدر تفيد...أنا الآن ما أتكلم عن هذا الموضوع أنا اتكلم عن كل ما سبق...في كل الأقسام بلا استثناء...المفروض أي موضوع يكتب أسبوع ما له رد تناقش المشرفة في ذلك!!!على الأقل ترد تقول (شكرا)و إذا كان سؤال (ما أدري)..و هذي مو أول صدمة للأسف....
أتمنى إنك يا أسيرة الغربة تفكرين في حل و حل سريع بعد.........جزاك الله خيرا مقدما ...

حياك الله اختي ام يارا ...
اولا ....انا ماشفت موضوعك الا هالحين ورديت عليك على طول ...
ثانيا..موشرط اختي الكريمة ان 116 كلهم من الاعضاء قد يكونوامن الزوار..
ثالثا ..الاخت زوزو لديها بعض الظروف التي تمنعها من المتابعة المستمره ,وباذن الله قريبا تكون معنا بصفة دائمة وفقها الله لكل خير..
الاخت ايمان علي كانت في اجازة لمدة شهر وعادت الينا قبل ايام فقط ..
الاخت ..ديم في اجازة منذ شهر ..يعني غير متواجدة معنا..
والاخوات جميعهن مشرفات وعضوات ,غير مقصرات مع كل المشاركات ..ولاتنسي اختي الكريمة اننا الان في فترة اجازة واغلب الاخوات غير موجودات..
-------
اتمنى الاخوات يفيدونك بافكارهم ..
تحياتي..

أولا بسم الله

ثانيا أختي العزيزة المنتدى لا يقف عند ركن واحد .ونأسف على عدم الرد بسرعه لكن ولا يصير في خاطرك شيء

طيب ما عجبك شيء مصره على العربه

صراحه مو فاهمه كيف المدخل عندك وشلون بتلفين الخيشه ؟؟؟؟؟؟؟؟؟؟؟
المهم أفكاري وأشارك بالموضوع...........ويارب أساعدك


1- حركة الطاوله غير مواكبه الموضه ...........
موجود بسوق الأن وأكيد شفتيه السجاده التي تعلق بأنبوب .........منظرها جدا رائع وبأحجام ...

2- حركة الخيشه شكلها بتطلع حلوه بس بدون طاوله .ممكن تضيفين عليها بعض الورود المجففه وبعض الغصون المتدليه من جوانبه .........

3- ممكن يكون الأنسان في بيته الدائم وكل سنه يغير الأثاث مو شرط عزيزتي الواحد يكون البيت بيته المهم الواحد كيف يرتاح ويستانس والأثاث ممكن حمله بعد النقل لبيت أخر ما يضيع عليك

وعلشان تغيرين رأيك ...........شوفي كيف المداخل هذي تهبل ...........وخذي مني بوسه علشان ما تزعلي من البنات والله طيبات بس تعرفين الوحده بيت ورجل وعيال وكمان نت الله
يعينهم

هذه حلوه






وكمان هذي






وش رايك بهذي طبعا إذا كنت تفضلين العوده لتراث .......





وكمان ذي وش رايك ......صراحه منظر رائع بس مدري يعجبك .........





وطيب نزيدك علشان تختاري شوفي هذه.بس ممكن تعملي نفس النظام ..كوخ أو تشتري خزانه وتضعي داخلها بعض العلب
يعني الصوره هذه مقاربه لما في فكري






وصراحه إذا ما عجتك بساعدك أكثر أمري ....بدور على أشكال بالخيشه ولي رجعه

تسلممممممممممين

بسم الله الرحمن الرحيم
إختي الكريمه لا تزعلين علينا والله عندي شويه ظروف و تسلمين شماليه .. محاميه ناجحه ..!
بس إللي طلبتيه والله إني كنت من أسبوع تقريباً جالسه أشتغل عليه .. سويت حاجه رهييييييييبه مره .. في المدخل عندي في البيت لكن للأسف ما تعرفين لها بالشرح لازم تشوفينها لكن من وين أصورها لكِ ما عندي كاميرا في البيت ..
ولكن إرجهي لبعض المواضيع في الملف المصور يمكن إن شاء الله تلقين حاجه تعجبكِ , وإذا لقيت لكِ حاجه راح أرسلها لكِ إن شاء الله ...
ولكم تحياتي .

حياك الله أختي ... عذراً أختي لم انتبه لموضوعك إلا لتو .
وبصراحة حنا مانبي احد يأخذ على خاطرة .....


لكن المفروض ان لا نلقي باللوم على المشرفات ...
فالمشرفات الله يجزاهم كل خير الي اعطونا جزء من وقتهم.....
كلهم عندهم مشاغل غير المنتدى ....مشاغل خاصة من بيت واهل واولاد ان وجدوا ......وغير الموظفات والطالبات و نشكرهم على موافقتهم على تولية هذه المهمة الشاقة والي تأخذ جل وقتهم .
الشيء الثاني عدد الزوار مثل ماقالت شمالية ممكن يكونوا زوار وليسوا اعضاء وان كانوا اعضاء فاكيد انهم مايعرفون ...
لذلك المفروض نلتمس للجميع العذر ...
والمفروض ان التعاون يكون بين الأعضاء والمشرفين ولا يقتصر الدور على المشرفين فكلهما مكملين لبعض ....

و مع احترامي الشديد لوجهة نظرك الخاصة ....اتهامك في غير محله وارجعي إلى المواضيع وستعرفين انك قد اخطئتي الحكم ...
على العموم ثقي ان لو كان أي عضو او مشرفة عندهم ابتكار او تصميم للمدخل الي تبين ماراح يتأخرون ....
وشكرا على اهتمامك ...

thank you very much

شفتي عزيزتي ام ياره هذا منتدانا بمشرفتنا العسل اسوووره ما يرضى لاحد ياخذ على خاطره
ترى هوبيتك ..انت بين اهلك وناسك وهذا الشي بتحسينه مع الايام
الله لا يخلينا من منتدانا...

شوفي عزيزتي ام يارا
اناتقريبا مسوية نفس الفكرة اللي انتي تبغينها في مدخل بيتي
تدرين ايش سويت جبت مرايا كبيرة عادية يعني من غير برواز وجبت لها بروز اللي يلصق
مدري تعرفية هو في محلات بيع المرايات اللي يقصها لك حسب الطلب وبعدين جمعت الخيش
اللي في بيتي وفي بيت اهلي وجبته يعني كمية كبيرة بس راعي انه يكون من غير كتابة سادة
وبصراحة هو فية خيش ينباع جاهز بالامتارممكن تجبين منه وجيبي غرة كميه كبيرة
وبعدين شوفي ايش سويت اخدت الخيش وثبته على لوح خشب يعني لازم يكون مشدود
ودهنته بالغراء لماتغطي يعني صار كله ابيض من العراء اتركيه في مكان شمس حتى يجف ويختفي الغراء ويرجع لون الخيش بعدين ارفعية عن الوح بيكون قاسي مثل المشمع
جيبي قوالب لصنع الورداحجام مختلفة 3او4 احجام وحطي فيها الخيش وضغطى عليةحتى تصبح عندك وردة سوي اعداد كبيرة من كل حجم وبعدين ابدي ركبيها على بعض يعني وردة كبيرة واصغر واصغر حتى تتكون عندك مجموعه من الوردات جيبي الوان رش ورشي الورد بالوان مختلفة على حسب دوقك وبدي لزقي ها الورد على المرايا على شكل زاويا او اطاركامل على كيفك وبتطلع عندك مرايا روعة ثبتيها على الجدار وجيبي قطع من الخيش وسويها باشكال مختلفة
تناسب الطاولة وحطيها على الطاولة بس لاتلونين هدا الخيش خلية بنفس لونة الطبيعي يكون احلى
وعلى جنب الطاولة ممكن تحطين فازة بس تكون طويلة يعني تكون بارتفاع الطاولة تقريبا
وحطي فيها اغصان يكون لونها نفس لون الخيش هي تكون مثل السنابل
وانشاء الله تكون الفكرة اعجبتك انا بصراحة مسويتها الكل معجب فيها والااروع انك تنفدينها بنفسك

بصراحة أحرجتوني بأخلاقكم و أتمنى إني ما كنت قاسية في كلامي السابق لكن هي وجهة نظري و كنت متضايقة إنكم ما عبرتوني مع إنكم موهوبات و هذا إنتو قريتوا أم الوليد و بنت بلدها يعني لو ما زعلت ما استفدت من إبداعهم......

أسيرة الغربة و مشرفاتنا كلهم على راسي من فوق و كلامهم مقنع 100% ولأني عارفة إنهم ما يبون أحد يزعل سويتها وزعلت وش أسوي أبلفت نظرهم

الله يجمعنا جميعا في الفردوس الأعلى و يرزقنا لذة النظر إلى وجهه الكريم و يسعدنا و يوفقنا إنه سميع مجيب....

وما زلت بانتظار المزيد مع إن الصورة للمدخل بدت تتكون ......