السلام عليكم ورحمة الله.......
كيف حالكم اخواتي اليوم انشاء الله بخير........؟؟؟
في الحقيقه في موضوع شاغل بالي كثير وهو اني كيف اعلق اللوحات والمعلقات الجداريه والتي اقصد بها اكسسوارات الجدران بدون اتلافها......؟؟؟
اقصد اني اخاف اتلف صبغ الجدران ويخرب وهو لسسه جديد.....والطريقه التي اخاف استخدامها هي المسمار......
فيا ليت من خبيراتنا الحبوبات اذا عندهم افكار بحيث اني اعلق اللوحات بأقل تلفيات.... يفيدونا فيها........ومو مشكله لو كانت متوفره في السعوديه فأنا جايتكم الأسبوع القادم انشاء الله ...
وبعدين انا فكرت في مسدس الصمغ للشغلات الخفيفه والصغيره لكن خفت لو انها بتنخلع وتخلع معاها الصبغ.........
فشوفولي حل الله يجزاكم خير........ويبارك فيكم......
اختكم انفال

؟؟

شوفي حبيبتي أنفال ..
يبدوا لي ما فيه مثلي أحد يحب تعليق اللوحات والأكسسوارات الجدارية ..
لذا فأنا ما أستخدم غير المثقاب ..
أهندس على المكان إلا بعلق فيه اللوحة وبعدين أثقب ..
وأخلي في بالي مسألة إني يمكن في يوم ما أغير هذه اللوحة وأستبدلها بشكل أخر ..
لذا آحذ إحتياطي في هذه الناحية بحيث تتناسب مع كل جديد ..

أقول أنفال إذا تبغيني أساعدك في تعليق اللوحات بجي بيتكم ..

أولا : مبروك البيت الجديد .
ثانيا : إذا تحبين تعلقين اللوحة بدون تلف الصبغة قبل أستعمال المثقاب حطي لاصق عريض قبل التثقيب وبعد ماتثقبين مكان المسمار اسحبي اللاصق تلاقين المكان نظيف وحتى مافيه غبره بعد الشغل وبعدين كملي الباقي 0
ثالثا : المسدس الخاص بالغراء لاينفع في تعليق اللواحات وإذا تحبين غراء قوي جدا يمكنك سؤال أي نجار تراهم شاطرين في هذه المسئلة .
رابعا : لا أنصحك بالعمل بالمثقاب إذا كانت هذه أول مرة خلي أحد عنده مهاره لان الحفر إذا كان غلط (وطبعا مانبقاك تبكين عليه) لا يمكن أصلاحه .

حبيبتي اعطيج طريقه حلوة ويديده
شوفي السقف الي بالبيت عندكم اذا كان عالي يعني فوق 3 امتار تمام
سمعي اكو علاقات حديد طولها متر تعلق باخر السقف قبل الحيطه (القيطان )
عرفتي المكان اعلى الحيطه قبل السقف تثبت ببراغي ( ما ادري شنو اسمهم بالسعوديه )
\المهم تعليقينا بالمكان المناسب بس اولا انت اخذي عرض الحيطه واذا تبين اللوحه بالنصف قسمي المساحه على 2 وعاحفظي الرقم اليعند بالعرض
ثانيا اخذي الرتفاع بالطول وقسميه على 2 وعلمي الطول بالعرض تصير اللوحه بالنص بالضبط
انشاء عرفت اشرحلج
اوكي بعدين عليقي اللوحه بسلسله من الحديد المعتق ورفعيها مت الطلرفين بالطول المطلوب وعلقيها على الحديده الي ثبتيها بالاول علي السقف
النتيجه ولا خرم باتلحيطه وشكل اللوحه معلق بحديد معتق وتتحكمين لارتفاع اي وقت واذا تبديل اللوحه بللوحه اصغر او اكبر بالمستقبل بس فكي البراغي بالحديده وحديدي العرص وطول الي تبين

اهلا يا ران حياك الله عزيزتي.....
بصراحه .....ودي والله تجين الله يحيك...
وانا ما استغني عن وحده في مثل خبرتك........ في مثل هذه الأمور....((يا ريت والله))
لكن حابه اسألك عن نوع المثقاب اللي عندك....هل هو من النوع الذي تضعين فيه المسمار برأسه ويدخل المسمار مع عملية الثقب...؟؟ ام تثقبين بعدين تأتين بمسمار خاص مع ربله تدخلينها بالجدار ؟؟؟لأن النوع الثاني هو اللي عندي......لكن انا لا استخدمه بنفسي...ابونا يشتغل فيه....لأني اخاف بصراحه امسكه....... ......
واي نوع تنصحيني فيه.......؟؟......عارفه طولتها وهي قصيره ........

______________
رموز حياك الله عزيزتي.....والله يبارك في عمرك.....
وبصراحه انا خايفه بعدين ابكي.... ...من غلطه ارتكبها.....علشان كذا قلت استشيركم بالأول........ومشكوره كثير على الملاحظه الحلوه........

______________

اختي العزيزه مهندسة ديكور......
حياك الله .....الحقيقه شرحك واضح ومفهوم......لكن وين الاقي السلاسل المعتقه و والحديده اللي ذكرتيها.......(((عندنا بالكويت))) لأني انا يا اختك من الكويت......
والله يعطيك الف عافيه........
لكن عندي استشاره بسيطه حابه اخذ رأيك فيها بما انك صاحبة خبره.......
في صالة الإستقبال الرئيسيه عندي ابواب تطل على الصاله ...صبغتها باللون البرتقالي القوي والحاد......والسيراميك عندي بيج معتق مع لون قمر ديني معتق .......
لكن لما اشوف لون الأبواب احس اني استعجلت في اختيار اللون هذا ......لكن اقول ممكن بعد الأثاث والإكسسوارات ان الشكل يتغير ويصير حلو وجذاب......
هل عندك افكار ممكن اضيفها حتى تعكس اللون البرتقالي......سواء مفارش او معلقات
او حتى على الباب نفسه لأنه ساده ما فيه قيطانه ولا شئ.....والشرشوب جاي لونه اغمق بدرجه...... مع العلم ان الباب المواجه للصاله حاطه بجانبه كونسول كبير ..ولون طقم الكنب بيج ساده نظام امريكي..المهم اني اريد فكره حلوه وجديده ...انا بانتظار رأيك...ولراح اعمل فيه انشاء الله..
ادري تعبتك معاي .........والله يعطيك العافيه مقدما......

النوع الثاني حبيبتي هو إلا عندنا ........... واللي أستخدمه على طول ..
أبو الشباب الله يحفظه عطاني دروس في كيفية إستخدامه .
ولأني تلميذه شاطرة على طول استوعبت الدرس وصرت أستخدمه بنفسي ..

ما شاء الله عليك.......اكيد ما في شك....باين عليك انسانه مهتمه ببيتك كثير وانا معجبه بشخصيتك......(((بدون مجامله)))

وينك يا مهندسه......؟؟؟؟ما زلت انتظرك.........؟؟

حبيبتي انفال اهلا وسهلا فيج
شوفي لون الابواب انا عندي صعبة بالالوان الي قليتيها بس ممكن نداري مثل ما قلتي بلون المفارش
القنفات عندك بيج امريكي حطي على الكنبه الثلاثية مفرش خام برتقالي مشابه للون الباب ويا ريت يكون نفس اللون وحوليه يكون اهداب قمرديني وبيج تلاقين اهداب تجنن عند الفهد الي بالرحاب بالكويت
اما كوشيات على نفس الكنبه تكون اخر الزاويه بس مو على كل كشن لا اخر الزاويه وتكون لونها من تخريجه خام الستاير الي هو بعد من تخريج للون المفرش الي حطيناه اول
اوكي عندك موضوع زوزو مال الملف المصور طريقه لعمل البراويز ممكن تستعينينن فيها لعمل براويز مختلفه الاجحام من لون الاوينج الي بالمفرش والي بالكوشيات واللي بالشتاره بعد
لا تنسين انفال تحطين المفرش الي بنصف الطاوله لونه برتقالي واهداب عليه وزميه بالمنتصف وعلى طرف الطاوله الطفيات السلفر والاكسكوارات السلفر
بجذيه نكون دخلنا اللون البرتقالي على الاثاث والكوشيالت والمفارش والبراويز
اخيرا ممكن تزودين الطقم البيج بباف خشب تلبسينه لون الاوريناج تلاقين البفات الاخشاب في محلات الاناقه الي بالشويخ بشارع الصحافه
اما الحديده تلاقينها ايضيا بشويخ محلات حداده اسعارها ارخيصه وايد واذا ما حبيتي اهناك تلاقينها باي محل لبيع البراويز وفي a2z الي بالشويخ وتروفاليو امام السلاسل تلاقسنها بمحلات الفهد والله انا انصحك انك تروحين له وهو بحولي مجمع الرحاب

انفال لا تنسين الباف ترا روعه راح يصير لان لون الاثاث اللون الواحده راح موديله لازم الطقم يصير كذا لون مثل القرون القديمه
واي شي تبين واي محل بس امري لاني 24 في محلات الاثاث والديكورات