مشكورين على الردود الحلوة .. و الله يا أمونة ما جربت أصورها ..
ان شاء الله في أقرب فرصة .. و تكرمي يا كراميلا ..
الطريقة (((1))) :
ممكن إذا كان عندك سابع تعملي هاي الطريقة.. رح تخليلك العلبة على شكل حلوى..
أو ممكن تعلقيها في غرفة البيبي..
الأدوات:
- كريشة أي لون تحبيه.
- 3 أو 4 علب بيبسي فارغة.
- غراء (مسدس أفضل).
- شرائط قماش أو سلوفان.
- صوف.
- مقص.
- ورق ملون.
الطريقة:
ضعي العلبة داخل الكريشة و قيسي حجمها و اجعلي الكريشة طويلة قليلا من الطريفين و غلفي العلبة بالكريشة (ألصقيها بالغراء على العلبة)، لفي الشريط السلوفان أو القماش على الطرفين بحيث تكون على شكل حلوى كبيرة، كرري هذه الطريقة على العلب الباقية، و قصي الورق الملون على عدة أشكال مربعات مثلثات دوائر....... الخ و الصقيها على الحلوى، ثم صليهم ببعضهم عن طريق وضع خيط الصوف نفسه خلف كل علبة لكي تتصل معا، و علقيها في السقف ستعطي منظرا رائعا للغرفة.
الطريقة (((2))):
و هاي الطريقة كمان لغرفة البيبي و هي طريقة عمل البيبي رونة..
الأدوات:
- مصاصة بيبي قديمة و ما بدك إياها أو (الطريقة الثانية في آخر الصفحة).
- علبة سفن أو بيبسي فارغة.
- ورق أبيض.
- قلم أزرق فاتح (فلوماستر).
- صمغ / مقص.
الطريقة:
غلفي العلبة بالورق الأبيض و لا تدعي أي سنتي متر يبين إنها علبة.
بعدين اكتبي عليها بالقلم الفلوماستر الخطوط الصغيرة تبعت الملي اللي بتكون مكتوبة على البيبي رونة.
و بعدين ألصقي المصاصة فوق العلبة رح تطلع بيبي رونة روعة.
طريقة عمل المصاصة (((((منقولة))))))
الأدوات:
- مناديل.
- صمغ سائل.
الطريقة:
حاولي تشكيل شكل مصاصة البيبي بالمناديل أو إذا كان عندك اشي بشبه المصاصة اركزي المناديل عليه.. يعني خليه ياخد شكله ، و إذا عملتي طبقات من المناديل ادهني كل طبقة بالصمغ السائل ((ويفضل انو يكون طبقات)).
الطريقة (((3))):
زينة.. غريبة بس حلوة.. هنا الطريقة.. (( تشبه الطريقة الأولى ))..
الأدوات:
- علب بيبسي أو سفن متعددة فارغة.
- صمغ (مسدس أفضل).
- ورق ملون.
- ترتر ملون أو لميع لاصق.
- صوف.
الطريقة:
غلفي العلب بالورق الملون و ألصقي عليها الترتر أو اللميع ، ثم صلي العلب ببعضها عن طريق وصلها بخيط صوف.
(ملاحظة: اجعلي العلب بالعرض عند وصلها).
الطريقة (((4))):
زينة من السقف للحفلة.. واو واو واو واو واو.. تعالي معي.. (((تشبه الطريقة السابقة)))
الأدوات:
- عدة علب فارغة.
- فتاحة العلب (اللي نفتح بيها علب الطماطم المقشرة الجاهزة أو الفول أو الحمص و غيره!!).
- ورق ملون.
- صمغ.
- شريط لاصق.
- صوف.
- ترتر أو لميع.
- قصاقيص ورق صغيرة (تباع في أكياس أو أنت قصقصيها).
الطريقة: (( فتحي معي مزبوط لأنها صعبة الشرح شوي))..
افتحي العلب من تحت بالفتاحة، و ما تشيليها كلها، خلي جزء منها موصول بالعلبة،
و غلفي العلبة بالورق الملون عدا الجزء اللي تحت، و الصقي خيط صوف من أعلى العلبة بحيث أنو ممكن إذا نطيتي تمسكي العلبة!!!!!
و ألصقي خيط صوف بالشريط اللاصق في أسفل العلبة و اجعلي نفس الشريط يغلق الجزء المفتوح.. يعني إذا شديتي الخيط رح تنفتح العلبة و بالتالي رح تكون حاجة روعة.. خصوصا إنو لو كنت طويلة و بعدتيها عن أيادي الأطفال.. و علقتيها في كل زاوية من الغرفة.. و استعنت بعدة أشخاص يساعدون في فتح العلب مرة واحدة.. رح تكون حفلتك أجمل حفلة.
الطريقة(((5))):
إذا كنت ما بتحبي الإزعاج.. فأنصحك لا تعملي هذه الطريقة أبدا.. أبدا!!!
هاي طريقة عمل خراخيش أطفال = خرخيشة = ازعااااااااااااااااج !!!
أو ممكن في حفلات النجاح أو حفلات المفاجآت..
الأدوات:
- أزارير.
- خرز.
- أحجار.
- ورق ملون أو فلين.
- غراء.
- قصاقيص ورق.
- زرادية.
- علب طبعا.
الطريقة:
كبري فتحة الشرب بالزرادية و حطي فيها كل الأحجار و الخرز و الأزارير، و بعدين غلفيها بالورق الملون أو الفلين و حطي صمغ و الصقي على الفلين أو الورق الملون القصاقيص.. وهيك بتكوني عملتي أحلى خرخيشة.
الطريقة (((6))):
هاي طريقة رائعة للستات اللي يحبوا الزرع في البيت.. و خصوصا الزرع اللي عروقه طويلة مثل الياسمين..
الأدوات:
- صوف.
- علب فارغة.
- ورق على لون الغرفة اللي رح تحطي الزرع فيها.
- شريط لاصق.
الطريقة:
غلفي العلب بالورق و صليهم ببعض عن طريق خيط الصوف ((كالطرق السابقة))
و علقي العلب بشكل عامودي و لفي عليها عروق الزرع.. و الصقي أخرها بآخر علبة من الخلف.. رح يكون منظر و لا أروع.. عن جد رح يكون شيء جميل.
الطريقة (((7))):
عندك فازة قديمة في غرفة أولادك.. حرام.. شو رأيك تجدديها؟..
الأدوات:
- صمغ (مسدس).
- علب كتير فارغة.
- ورق ملون يليق مع غرفة أولادك.
الطريقة:
غلفي العلب بالورق الملون، و الصقي العلب بطريقه عشوائية و لا تجعليها متقاربة، و الورق الملون الباقي كوريه (كأنك بدك ترميه في الزبالة!) و ألصقيه على الفازة بجانب العلب.. غريبة !! بس رائعة.
طرق رائعة لعلب البيبسي الفارغة !!
رد مع الاستدلال
الروابط المفضلة