اختي مدرسه ودائما مشغوله ببتكار الوسائل التعليميه علشان الدروس طلب لكل مدرسه توضح بالشكل المفصل اي لوحه او وسيله إبتكرتها او شافتها وممكن للطالبات المشاركه لتعم الفائده بشكل اكبر وجزاكم الله خير لان حالة الطوارى تبدا عندنا بسبب هذه الوسائل مع بداية كل عام دراسي وذلك لحرصه على تقديم الدروس بشكل افضل واكيد زي ماتقول ان كثير مثلقا يعاننون من هذه المشكله واتمنى من المسؤلات عن المنتدى يقيمون منتدى مختص بالتعليم والمجسمات والاعمال اليدويه ...واسفه للاإطاله

بسم الله الرحمن الرحيم

أهلاً فيكِ عزيزتي ما بيننا ، و أنا سعيده جداً بمشاركتكِ الحلوه ... لكنها زعلتني شوي ..!!
حبيبتي ، يعني أنا قصرت من ناحية الأعمال اليدويه وأعمال المنزل والأفكار ..؟؟!
وبالنسبه لطلبكِ ... فأنا متأكده بأن العضوات ماراح يبخلون عليكِ في شيء ... وبالنسبه لي أنا فحسب علمي إنه كل وسيله تعليميه لماده معينه تختلف عن الثانيه من الماده إللي غيرها وعشان كذا قولي إنتي تحتاجين وسيله تعليميه لإي ماده ، ولأي نوع من الدروس وحنا على العين والراس راح نساعدكِ .. و الجميع إن شاء الله ...

و لكم تحياتي .

ولاتزعلي انتي ماقصرتي
وانا ماحددت الماده لان ماهو اختي المشكله عندها بس عندكثير من زميلاتها الي اطلبومني اقترح عليكم هذا الاقتراح مثل عندك مدرسة العلوم -الجغرافيا (لو اني ماحب الماده)
مدرسة التدبير
مدرسة الدين
مدرسة الرياضيات
مدرسةالقواعد.....وعليكي الحساب متى اكتبهم ومتى اخلصهم يعني باختصار نداء عاجل لكل المدرسات والله لايحرمنا من قسم التربيه الفنيه شباب وبنات يشاركونا اماانتي ياعزيزتي زوزو مانستغني عنك انتي الاساس بس لاتزعلي ...اتفقنا

بس إحنا محتاجين فكرة اللوحة(علميا) مو (فنيا)و هنا المشكلة!!!!!!!!!

عاجل لـــــــــــــــ ام صـــــــــــــخر
السلام عليكم
كلامك صح المفروض انه يكون من ناحيه علميه ولكن المفروض شىء والواقع شىء أخر
وش الحل مع حبيبات المدر سات (الموجهات) والى تقول لازم تكون لوحه مبتكره ويدخل فيها عامل الجذب والتجديد وتكون غير متكلفه ولا هي عند خطاط ولان ماهو كل مدرسه فنانه فهي تحتاج حتما لمعلمات الفنيه والمعلمين طبعا ماراح يقصرون معانا اي شخص عنده فكره لمجسم او لوحه الله يوفقكم ونداء اخر لاصحاب المنتدى وش قلتوا عن فكرة قسم للوسائل والمعلمات
رجاء ممنوع التطنيش......

راح أبداء انا لكم بــــــ لوحه اتمنى تحوز على إعجابكم
شكله مافيه تشجيع من ألاخوات المدرسات او ان الناحيه الفنيه والابتكاريه يمكن تبخرت المهم
أجري على الحي القيوم ......
مره مدرسة جغرافيا سوت لنا لوحه حلوه عن البراكين ومو عند الخطاط
1_الخلفيه(لوح خشب خفيف لونه أبيض )
2-جابت فلين ابيض سميك وقصته على شكل بركان ولونته بالوان زيتيه (بني +اصفر+برتقالي+بيج)يعني مزجتهم مع بعض ولصقت البركان على الخلفيه
3-عند فوهة البركان عملت الدخان من قطن ولونته 4-كتبت فوق العنوان وعريف بسيط عن البرا كين

اظن ماقصرت ....ولو كل وحده أذكرت لو فكرة لوحه واحده كان استفاد الجميع.....
والله الموفق ....

أختي shwr
الله يسلّم الكبيوتر اللي ما خلى مجال للحيرة 00
أنا معلمة مثل ماقلتي بس بعد ما جلست على الكمبيوتر صار تصميم الوسائل أسهل ؟؟
أدخل الصور من الكتاب المدرسي أو من كتاب خارجي الى الجهاز عن طريق السكانر بعدين أطبعها واستخدمها بحجمها أو أكبرها في أماكن التكبير المتخصصة ثم أضيفها للوحة كصورة متحركة أتحكم أنا في وجودها وقت الشرح0
أيضاً من خلال الجهاز أصمم جداول تكون فيها أماكن فارغة واكبرها وأغلفها وأستخدم أقلام السبورة وتكون مشاركة حلوة من الطالبة وقت الدرس وهذا ما يهم مشرفاتنا 0 وعلى فكرة هذه الطريقة استخدمها مع بنات الثانوي وينبسطون عليها
الأفكار مع الكمبيوتر تراهي كثيرة وإذا لقيت بعد فكرة عطيني اياها

ما شاء الله فكرة الموضوع رائعه ...
هناك فكرة الوسيلة الجيبيه...وتصلح لجميع المواد حيث يمكن عملها عند محلات تنجيد السيارات..
وتعلق من اعلى بشماعة ..يكون تقريبا حجم الجيب ارتفاعه 30 سم وعرضه 35 سم طبعا تكون الجيوب مفتوحة من جانب واحد ممكن الوسية تحتوي على 8 جيوب حسب الطلب وفي نهاية كل جيب شريط لاصق ..بحيث تستطيعي تغطية كل جيب واظهاره وقت العرض ..
ان شاء الله اكون وفقت في الشرح..

اخواتي المشاركات جزاكن الله خير .......اخيرا رد احد
بصراحه شجعتوني اضيف عمل اخر واحاول اتذكر اعمال بعض مدرستنا
.......عمل؟ ....يارب اتذكر...؟
هذي وسيله لمدرسات التفصيل وممكن مدرسات المواد الاخرى يحورن الفكره
عمل بطاقات من فلين مضغوط حجم صغير عن الدرس مثل عمل الكم
المرحله الاولى ببطاقه ...والمرحله الثانيه بطاقه ثانيه وتحاولي تختصري الخطوات
يعني الاولى تعملي الباترون الاساسي ..الخطوه الثانيه تكملت الباترون وعمله على شفاف المرحله الثالثه الوضع على قماش وهي فكره جديده بدل اللوحه الكامله ويعمل بالوان جذابه مع إضافة ملمع ذهبي على اطرافها للجذب وتجميل
ان شاء الله تعجبكم