بسم الله الرحمن الرحيم
لو إنكِ من النوع إللي يستخدم للطفل أكلات خاصه في علب زجاج مثل أكلات معلبه جربر أو هيرو بيبي أو غيرهم لكن تكون مٌعلبه ...
فأنصحكِ إنكِ ما ترمين العلبه بعد ما تستخدمين ما بداخلها ...
إحتفظي فيها وممكن تعملي فيها عدة أمور .. مثلاً :
ممكن إنكِ تملين العلبه كلها بورود مجففه و تسكبي عليها عطر منتي بحاجة له .. و عند الغطاء عليكِ إنكِ تاخذي قطعه من قماش ((الخيش )) لو ما عندكِ هالقماش روحي عند كيس الرز لكن إللي لونه بني و قطعي منه قطعه مربعه على حجم الغطاء ... و غطي بيه العلبه بعد ما تغسلينه كويس و تعطرينه ، ولما تبغين تثبتين القماش ، لفي الغطاء من الجوانب بقطعة من الشريط الضعيف و لما تربطين الشريط حطي في وسطه ورده صغيره ... و خليها كديكور وبس ..!
و ممكن إنكِ تحطي فيها كميه من الخرز الملون أو الساده حسب ما تحبين و تملينها بالزيت لين نصف العلبه والنصف الثاني تحطي فيها ماي مملح جداً ، والغطاء يكون بنفس الطريقه الأولى بقماش الخيش و خليها كديكور ، وبس ...!
و ممكن إنكِ تخزنين فيها الخرزات الخاصه بالخياطه ، كل علبه فيها لون خرز معين ، وبس ..!
و للمطبخ ، إزرعي في عدد من العلب عشب أخضر من النوع إللي يظهر بسرعه ، ولما تنمو الإعشاب هذه قومي بتزينها عن طريقة القص ، يعني خلي الأعشاب تنمو بطول كثير ، وبعدين إحدى العلب قصي الأعشاب فيها على شكل مثلث من الأعلى طبعاً ، وثاني على شكل مقوس ، وثالث على شكل خط مستقيم ، وهكذا حسب طريقة إبداعكِ في القص ..و زينيها بشرائط و ورود علشان ما يبان التراب إللي فيها كلها يعني خلي جزء من التراب يبان و جزء منه زيّنيه بشرائط و ورود و بعدها حطيها عند نافذة المطبخ كديكور و بس ...!
هذه بعض الأفكار من مليون فكره تخطر على البال ..
ولكم تحياتي .
رد مع الاستدلال
الروابط المفضلة