الهريسة من مطبخ monaahmedsaad مشاركتي في ملف جوز الهند
السلام عليكم ورحمة الله وبركاته
ازيكم حبايب قلبي عاملين ايه
كل عام وانتم بخير
انا اليوم حبيت اقدملكم حاجة طبعا مااخترعتهاش
ولا ابدعت فيها كل اللي عملته اني بحثت بالنت
ودورت علي وصفة الهريسة
اكيد كل المصريين يعرفو هريسة احمد حسنيني
من حبنا فيها قعد ادور علي وصفة قريبة منها
لحد مالقيت وطبعا بالتجارب والمحاولات وبعد بعض الفشل
وصلت للحل المنااسب اللي رضيت بيه وعجبت زوجي
لان زوجي بيمووووووووووووووت فيها همني رائيه فيها
المهم تعالو معايا شوفو عملتها ازااااااااااااااااااااااااااااي
المقادير
2 كوب سميد خشن(ممكن تستخدمي ناعم)
كوب سكر عادي
كوب ونص حليب
نص كوب ماء
كوب زيت
ملعقة كبيرة بكينج بودر
مكسرات لو تحبي للتزيين او للحشو
الطريقة
ا خلط المواد الناشف ليوحدها
والمواد السائلة لوحدها وخلط الاتنين معا
دهنت الصينية بالزبدة ورشيت دقيق كالمعتاد ورميت الزيادة
وفرشت الهريسة في الصينيه وضغت بايدي انت هتلاقيها بتمسك بالايد
انت بمجرد ماتضغطي عليها براحة ايديكي هتفك عادي
ممكن تحشيها بس انا مش بحبها بالمكسرات فعادي خالص
اول ماتحطي الجزء الاول اضغطي ورشي المكسرات
وضعي النص الاخر واضغطي كويس وضعي المكسرات
والفول السوداني بالوجه واضغطي علي كل حبة صحيحة من المكسرات
واغطيها كويس واتركها بمكان دافي لمدة 3 ساعات
وادخليها فرن درجة حرارتها 180
لمدة تلت ساعة تقريبا لحد مايحمر وجهها
واول ماتخرج اصبر 3 دقايق كده
وارش الشربات البارد
(3كوب سكر مع كوب ونص ماء وعصير نص ليمونة)
والف هنا ويارب تعجبكم ياااااااااااااااااااااارب
رد مع الاستدلال
[
كتبت بواسطة noorelhoda
الروابط المفضلة