بسم الله الرحمن الرحيم

اخواتى الرائعات
عملت لكم النهارده بسكوت الاخت manalo
استغرق وقت بالظبط نصف ساعه كله كله
واكلناه كله وما خلينا فيه ولا واحده فى 5 دقائق ههههههههههههه
وطلع اكتر من رائع والله ولذيــــــــــــــــــــــــذ جدا جدا جدا

دى المقادير اللى قالت عليها الاخت manalo
انا ما كنش عندى برتقال فاستعملت تانج ودوبته فى نص كوب ماء
بس نسيت اصور لكم البيكينج بودر والفانيليا
اوعوا تنسوهم

انا حطيت ( 1/2 كوب عصير برتقال + 1/2 كوب الزيت + 1/2 كوب سكر + الفانيليا ) فى الخلاط وضربتهم علشان يخطلتوا كويس
وبعدين ضفت الخليط على ( 2 كوب دقيق ( الطحين ) + البيكنج بودر )
وخلطهم كويس جدا
ودى شكل العجينه اللى طلعت معايا
هى لينه شويه زى عجينة الكيك تقريبا

وبعد كده سيبتها ترتاح زى ما قالت الاخت الجميله manalo
وبعد ربع ساعه تقريبا حطيتها فى القمع وشكلتها على صينيه مدهونه زيت كويس علشان ما يلزقش فيها البسكوت
طبعا اللى عندها ورق زبده يكون احسن...بس انا ماكنش عندى بصراحه

وده شكلها لما خلصت الصينيه كلها...قبل ما احطها فى الفرن
على فكرة تشكيلها سهل جدا
ممكن تعملى اشكال كتيره بسهوله بس انا كنت مستعجله
وطبعا الفرن شغلته قبل ما احط الصينيه فيه بشويه

وسبتها فى الفرن مش اكتر من 10 دقائق بس
وريحتها قلبت الدنيا هههههههههههههههههههه
تعرفى انها استوت لما تلاقيها من تحت عاملة كده

وشغلت عليها الشوايه بس دقيقة واحده لحد ما وشها اتحمر شويه
وبقى شكلها كده

انا كده خلصت خلاص
مش فاضل غير طبق كبير هدية لكل اخواتى الحبيبات فى المنتدى

بس البسكوت ده مش ببلاش ههههههههه
اللى تاخد واحده لاتحرمنى من صالح دعائها
وخدوا بالكم من صوابعكم ههههههههه
وبالهنا والشفا

وده رابط موضوع الاخت manalo

http://www.lakii.com/vb/showthread.php?t=401263

تطبيقك رائع حبيبتي تسلم ايديكِ وايد مانلوا
تستاهلي التميز
نورتِ الركن كله
في انتظار باقي ابداعاتك المصوره
جزاكِ الله كل خير

يسلموووووووووووووووووووووووووووووووووووو

الله عليكي
انا لازم اطبقه شكله بيجنن
يسلمووووووووووووو

تسلم ايدك وايد المبدعة منالو
تطبيق رائع
يعطيك العافية

تسلم ايدك

تسلم ايديكِ حبيبتي

انا كمان جربت البسكوت بس الغريب انه العجينة عندي طلعت جامدة يعني زي عجينة الفطاير وشكلتها بايدي
وطعمها كان زي الكعك اكتر ما انه بسكوت
مع اني استعملت نفس المقادير

يسلموا هالايدين حبيبتي على التطبيق
ويسلمو ايدين منووول كمان
شكلهم يممممممممممممممممممم

ماشاء الله عليك طالعين بشهووووووا
تسلم ايديك ياقمر على التطبيق المتميز وايدين الغالية منال على الوصفة الحلوة