بسم الله الرحمن الرحيم

صباح الخير ، أنا بالأمس عملت بست فلورا وطلعت كثير طيبة وحبيت تشاركوني فيها وإنشالله ما يطلع لها إسم ثاني مثل غيرها أو يكون أحد كاتبها وانا ما قرأتها على العموم إنشالله تعجبكم

3 بيض + برش ليمونة + فانيللا
3 ملاعق Baking powder
كوب ونصف سكر
كوب سمنة
طحين حسب الحاجة حتى تشتد العجينة وتصبح كعجينة البيتزا .
أي نوع من المربى .

نخفق البيض + فانيللا + برش ليمون ثم نضع فوقهم السكر ونخفقهم جيداً ثم نضيف الباكينغ بودر والسمنة ونخفقهم ونضع الطحين حتى تشتد العجينة ( مع العجن طبعاً ) .

نأخذ ربع العجينة أو أقل ونضعها جانباً أما باقي العجينة نمدها في صينية الفرن المدهونة بقليل من الزيت أو السمنة .
بعد أن نمد العجينة ندهن على وجهها مربى ثم نبرش العجينة الباقية (بالمبرشة) فوق المربى وندخلها إلى الفرن حتى تحمر .
وألف صحتين يا رب تعجبكم ، أنا بصراحة عم أشرب القهوة الحين وعم آكل منها فتذكرتكم وحبيت أكتبها لكم .

مرحبًا،،،

سلم ايديك ام مايا بس انا لما قريت الموضوع اقصد عنوانه شدني أني اعرف شو هاي الوصفة و لاحظت انها نفسها صينية المبروشة زي ما بنسميها فانت من وين هاتسمية و أنت من وين يمكن نفس المكان اللي انت فية بتسموها هيك يا ريت تردي على لانه عجبني اسمها كتير

و هذا رابط صينية المبروشة اذا حبيتي تشوفيها...
http://www.lakii.com/vb/showthread.php?t=98005

كيفك يا دعاء فلسطين والله أنا من لبنان وما بعرف إسم مبروشة إلا منك الحين وأنا من الأساس ومن صغري أعرف إسمها بست فلورا ما بعرف مين سماها أو ليش بس بعرف كاتبة الوصفة عندي على الدفتر وسويتها وعجبتني وحبيت شارككم . بس انا كنت متوقعة تطلع الوصفة لها إسم ثاني لأن كل ما أكتب موضوع يطلع في نفسه بس بإسم آخر . شو بدي أعمل كنت حابة أفيدكم بشي جديد بس بسيطة خيرها بغيرها ، بكرى بدي إخترع وصفة من عندي وأكتبها ، تسلميلي دعاء فلسطين على مرورك

أسف حبيبتي أن كنت أحبطتك و لا تزعل يا قمر يس كنت حابة أعرفك اسمها التاني و كمان بدي منك سوال ثاني حيث انك من لبنان شو هي مقادير و طريقة عمل الكبة اللبنانية الذيذة ؟؟؟
يا ريت تردي علي

حبيبتي دعاء بالنسبة للكبة اللبنانية بدك إياها كبة نية أو كبة صينية على كل راح أكتبلك الطريقتين :

الكبة النية : نصف كيلة لحمة هبرة تاعمة الأفضل تكون نظيفة
حوالي نصف كوب برغل ناعم مغسول ومنقوع شوي مش كثير
ملح حسب الحاجة + بهارات مشكلة إذا بتحبي وأهم شي يكون عندك مردكوش ناعم وحبق ناعم ( بلاهم ما بتسوى الكبة ، ما بتكون طيبة ) . بصلة صغيرة مبروشة على الناعم .

طبعاً بتغسلي البرغل وبتصفيه وتضعيه بالوعاء وتضعي عليه اللحمة مع البهارات والحبق والمردكوش الناعم + البصل المبروش وتخلطيهم حتى يتجانس الخليط إذا حسيت بدهم شوية ماء زيدي شوي شوي ماء بارد .

الف صحتين زينيها بالجوز وكليها مع السلطة أمممممممممم شهيتيني عليها

بالنسبة للكبة صينية تقريباً نفس المقادير بس البرغل زيديه شوي يعني 1/2 كيلو لحمة بدها تقريباً 1/2 كيلو برغل ناعم .
وطبعاً تسوي الحشوة عبارة عن بصل ولحمة ناعمة وصنوبر وإذا بدك جوز مبروش معها كثير لذيذة
تمدي الكبة بالصينية وتضعي الحشوة عليها ثم تمدي طبقة أخرى من الكبة وقطعي وجهها فقط بالشكل يلي بتحبيه
وقبل الشوي ضعي على وجهها شوية سمنة يعني حاولي حطي في الوسط شوي وعلى الأطراف شوي وشويها وألف صحتين . فيك تاكلي معها سلطة خيار ولبن أممممممممممم وتكرم عينك أنا حاضرة ومش زعلانه حبيبتي عم إمزح ما في زعل

حبيبتي أنا قصدي الكبة الاقراص اللي بتنقلي ؟؟؟ هل هي نفس الطريقة و لا لاأ ؟؟؟

أيوى حبيبتي نفس طريقة الكبة صينية بس طبعاً الأفضل تكوني محضرة جاط صغير فيه ماء + نشاء حتى تبلي إيدك فيها قبل ما تعملي الكبة للقلي . ولازم تكون عارفة طبعاً كيف بتكبكبي الكبة
يا ربي شوقتينب روح على البيت أسويها

يسلموايديكى يا ام مايا عالباسطا فلورا انا واولادى كثير بنحبها خاصه الاولاد لانه شكلها بشبه الكيك اللى بيجي بالكرتون وعلى فكره المصريين كمان بعرفوها بهالاسم

شكرًا حبيبتي

تسلم ايدك ام مايا

والله يبارك فيكِ

وفي اهل لبنان