هذا الحلى أعجب الكثير من أهلي حتى أن صديقاتي كانوا عندي وحطيته لهم وأعحبهم فصلا إن هذا الحلى
مفضل جدا بالنسبه لأخوي ويقول أنه يشبه حلويات الكوفي مأبي أطول عليكم هذاي مقادير الحلى
مقادير الكيكه( الطبقه الأولى ) :
علبه قشطه
كأس سكر
نصف كأس زيت
ثلاث بيضات وفانيلنا
ملعقة باكنج بودر
ملعقه كاكاو
كأس دقيق [ أو إذا حبيتي تأخذين خليط الكيك الجاهز بدل ما تسوين كيكه إذا كانت نسبه نجاح الكيكه غير مضمونه لكن هذه المقادير مضمونه بإذن الله ]
مقادير الطبقه الثانيه :
ثمان حبات جبن كيري
علبه نستله كبيره
مقادير الطقبه الثالثه :
2علبه بسكويت السمسم
علبه كريم كراميل
كأس ماء
الطريقه :
بالنسبه للكيكه إذا كانت حاهزة تأخذين نصف المقدار و تحطينه في صينيه متوسطه الأرتفاع أما بالنسبه للكيكه اللي حاطه مقاديرها فطريقتها كالتالي : تحطين البيض و السكر و الزيت و القشطه في الخلاط الكهربي و بعدين تحيطين الدقيق المنخول في زبديه مع الباكنج بودر و تصبين عليه خليط البيض اللي في الخلاط وبعدين تصبين نصف الخليط في صينيه متوسطه الإرتفاع وتحطين في الخليط الباقي من الكيكه ملعقه الكاكاو وتصبينها على الصينيه السابقه بشكل طولي ثم تأخذين الملعقه وتموجين فيها الكيكه وتحطينها في الفرن لحد ماتستوي مع مراعاه أن الفرن مايكون حار مره عشان ماتحترق الكيكه
بعد ما تستوي الكيكه تحطين مقادير الطبقه الثانيه وهي جبن الكيري والحليب المركز المحلى في الخلاط و تصبينها على الكيكه بعد ماتستوي وتخلينها في الفرن شوي لحد ما يجمد الخليط تقريبا 10دقائق وتطفين الفرن وتخلينها في حراره الفرن شوي
وبعدين تحطين مقادير الخلطه الثالثه وهي أولا ترصين بسكوت السمسم وراعي أنه يكون فيه مساحات بسيطه بين البسكوت وبعدين تحطين الكريمه وكأس الماء والكاكاو( و إذا بغيتي لون أصفر لا تحطين كاكاو ) على النار لحد ما تغلي و صبيها على البسكوت وحطيها في الثلاجه لحد ماتبرد وقطعيها بعلبه الباكنج بودر على شكل البسكوت وهذا شكل الحلى في الصينيه بعد التقطيع
وهذا الشكل النهائي
عليكم بالعااااااااااااافيه لاتنسون تدعولي
الروابط المفضلة