السلام عليكم ورحمة الله وبركاته :
كيفكم حبيباتي ؟؟؟

رح أكتبلكم اليوم وصفة راااائعة و هي مشهورة جدا بحلب ... و كل ربة بيت لها طريقتها الخاصة إلي تعتبرها سر من أسرارها ... رح أكتبلكم اليوم طريقتي و إن شاء الله رح تعجبكم جدا إذا جربتوها ...

الكيكة مؤلفة من طبقتين طبقة الميرانغ و طبقة الكيكة :

مقادير طبقة الميرانغ :

6 بياض البيض
ثلاث أرباع كوب سكر ناعم
فانيليا
بشر ليمونة ناعم
3 ملاعق صغيرة قرفة
ملعقة صغيرة قرنفل
بشر نصف حبة من جوزة الطيب ( ملعقة صغيرة تقريباً .. و لكن استعملي البشر الطازج حتى يعطيكي طعمة ألذ )
ربع ملعقة صغيرة فلفل أسود
كوب جوز مبشور ناعماً ( لا تخافي سنسن طعمة الجوز مش رح تكون واضحة أبداً )

مقادير الكيكة :

صفار ست بيضات
بيضتان كاملتان
فانيليا
بشر ليمونة ناعم
كوب و نصف سكر ناعم
كوب و نصف طحين حلويات فاخر
2 ملعقة صغيرة بيكنغ بودر
نصف كوب حليب أو ماء مغلي

طريقة التحضير :

* نفصل صفار ستة بيضات عن البياض بحذر حتى لا تقع ولا نقطة من صفارالبيض في البياض و نخفقه حتى يصبح مثل الثلج ثم نضع فوقه السكر واخفقيهم كتير منيح حتى يتجمد جيدا و تلاحظي تشكل أمواج على سطحه ومن ثم اضيفي الجوز و البهارات و اخفقي على عيار واطي ثم ضعيه في الفريزر .

* نخفق الصفار مع البيض الكامل كتير منيح ثم نضيف السكرو الفانيليا و البشر و نخفق حتى تتشكل الخيوط نوطي عيار الخفاقة و نضيف الماء و نخفق ثم الطحين المنخول مع البكنغ بودر و نقلب بخفة حتى يتجانس المزيج .

* ندهن صينية فرن دائرية ( يكون حرفها عريص ) و تدهن بالزبدة بشكل كامل ثم نصب فيها عجينة الكاتو و نضع فوقها طبقة الميرانغ و نسوي الوجه بالملعقة ثم تخبز في فرن (180) مدة 50 إلى 60 دقيقة حتى تنضج و تقطع إلى مربعات بانتباه و هي ساخنة و بعد أن تبرد تقدميها ...

بالصحة و العاقية على قلوبكم و أي استفسار أنا جاهزة ... ( رح سافر كم يوم و إن شاء الله يكون كل شئ واضح و أرجع أشوفكم كلكم جربتوها و دعيتولي )





عند النقل يجب ذكر المصدر ( منى منتدى لكِ ) , كلمة منقول لا تحللكِ ...

شكلها لذييييييييييييييييييييذة ومميزة
تسلم إيديك.. بس هالفترة عاملة إضراب عن عمل الحلويات، وما بعرف متى برجع لهالهواية.. بس بدخل أقرأ وأفتح نفسي وأطلع

شو هالحلاوه يا منى ....مممممممم


تسلم إيديكِ يارب

شو هالغلط انا تايهه احنا في ركن الحلويات والا انا غلطانة
اول مرة بشوف كيكة فيها فلفل اسود
بس غريبة
وسلم دياتك

السلام عليكم و رحمة الله و بركاته :


مية السلامة إيمان ....
إن شاء الله دائما نفسك مفتوحة بالصحة و الهنا ....
طيب شو رأيك تجربيها عشان خاطر أولادك الحلوووين ......













هلا حبيبتي نمورة :
تسلمي عيوني على تواجدك الحلووو بموضوعي ...
اسمك بيفرحني و بيذكرني بلنلون ... لأنك مثلها فلسطينية .............










مية أهلا و سهلا هنول :
لا تستغربي حبيبتي ... الفلفل الأسود رح يعطيها نكهة مميزة ....
جربيها و رح تحبيها أكيد

الله يبسطك على طول يا منمون






وألف الحمد لله على السلامه ...كيف إجازتك


إن شاء الله إستمتعتي ؟؟؟

غريييبة
بس أكيد حلوة ما دام أنها من إيد منى
تسلمين عزيزتي ..

يسلمووووووووووووو

اختي منى الحمدلله على السلامة

الحلو جاء وجاب الحلو معاه

الله يسلمك نمورة :
الحمد لله كتير انبسطت بالسفر , رحت لصلنفة و الجو كان رائع جدا , اشتهيتكم معاي ...
يلى اعملي همة و عمليلي زيارة .














الله يسلم عروووبة :
يمكن أنا مش شايفتها غريبة لأنها كتير مشهورة عندنا هون , و حتى في محلات خصوصية تعملهاااا , يلى جربيها و عطيني رأيك .









الله يسلمك أختي الغالية أحاسيس :
تسلمي يا عمري على كلماتك اللطيفة , و ربي يسلمك عيوني .

والله فعلا تستحق التجربة

وبإذن الله سأجربها
لكن من دون جوزة الطيب , لانها تحتوي على مادة مسكرة , وما أسكر كثيره فقليله حرام

يسلمو إديك زعنيك