السلام عليكم و رحمة الله و بركاته :

حبيباتي معي اليوم كيكة لذيذة جدا جدا , و ما تأخذ معك وقت و صدقيني كل من ذاقها أخذ طريقتها مني , يعني بصراحة إذا ما جربتيها رح تخسري وصفة حلوة ....


مقادير الكيكة :
3 بيضات
كوب سكر
فانيليا
نصف كوب زيت
كوب حليب فاتر
كوب و نصف طحين كاتو
ملعقة كبيرة بيكنغ بودر
ثلث كوب كاكاو

مقادير الحشوة :
نصف كوب سكر
جوز مفروم وسط
ملعقتان كبار زبدة
ربع كوب حليب
شوكولا مبشورة

التحضير :
======
# نخفق البيض حتى يصبح هشاً ثم نضيف السكر و الفانيليا و نخفق حتى يبيض المزيج .

# نضيف الحليب و الزيت و نقلب ثم الطحين المنخول مع الكاكاو و البيكنغ بودر و نقلب بخفة ثم نصب نصف الكمية في قالب مدهون بالزبدة و نخبزه في فرن على درجة حرارة 130 درجة مدة 25 دقيقة تقريباً .

# في هذه الأثناء نجهز الحشوة , ندوب السكر حتى يصير كراميل و لما نشعر أنه بدأ يذوب نضيف الجوز ( حتى يتحمص شوي ) و نحرك حتى يذوب السكر بالكامل و نحصل على كراميل ذهبي , عندها نطفي النار و نضيف الزبدة و نحرك حتى يمتزج السكر مع الزبدة , ثم نضيف الحليب و نعيد الحشوة للنار و ندعها أقل من خمس دقائق حتى يسمك المزيج شوي .

# نخرج القالب من الفرن و نضع فوقه الحشوة ( يجب الإنتباه لأن الكيكة لازم تكون جامدة شوي حتى لا تختلط الحشوة معها ) ثم نرش فوقها الشوكولا و نصب النصف الثاني من الكيكة و نعيدها للفرن و نخليها مدة نصف ساعة على درجة 130 , ثم نرفع درجة الحرارة على 180 أو 170 و نتركها حتى تكمل نضج .


أهم شرط لنجاح الكيكة هو أن تنتبهي و تلتزمي بدرجة حرارة الفرن

تنويعات :
# نضيف ملعقة صغيرة من القرفة المطحونة مع نصف ملعقة صغيرة بهار للطحين و حنحصل على نكهة مختلفة و راااائعة .

# مقادير الكيكة إلي فوق تصير كمان كيكة شوكولا رائعة من دون حشوة , يعني اعمليها و اخبزيها و حتعجبك أكيد طراوتها و هشاشتها ..


الصورة على الطريق إن شاء الله

الصورة وصبلت ( على فكرة طبقة الكراميل رح تكون رقيقة و مش واضحة مثل إلي في الصورة )





عند النقل يجب ذكر المصدر , كلمة منقول لا تحللكِ

طريقة مبين عليها لذيذة وشكلها رائع وأن شاء الله راح اجربها في أقرب وقت ... شاكرة لك أختي ..

منمونتي يسلموا ايديك يا قمورتي ان شاء الله اكييييييييد راح اجربها و اذا نجحت معي راح اصورها
ابقي طمنيني عنك يا بنت الناس

يم يم باين انها لذيذة تسلم يدياتك يا منمن
بانتظار الصورة

تسلم إيدك يا منمنة كل وصفاتك ألذ من بعضها والمشكلة إنها بتشجع على المغامرة و بتبوظ الدنيا
و الأولاد عندى إبتدو يخانقونى ويتهمونى بأنى بألخبط لهم النظام طب أعمل إيه وأنا من عشاق عمل الحلويات
فقط عملها ولا آكل منها كثير عموما تسلم إيدك ولى عندك سؤال بعد الوشة إللى عملتها لك و هو :
هل نصف الكيكة الأول لن يتأثر بالفرن بعد دخوله مرة أخرى خاصة و إنه نضج من قبل وشكرا ، لك تحياتى

أهلا و سهلا بأختي الغالية أسيرة الغربة :
مرورك أسعدني جدا أختي , و إن شاء الله لما تجربيها رح تعجبك كتير ...







هلا بعيوني قلبي لنلونتي :
شو هل الوجوه الحلوة عسولتي , عجبوني و خصوصاً الثاني , أنتظر صورتك لأنها أكيد رح تظبط معك بإذن الله .... أنا منيحة كتير و لكن مش عارفة انتو وين عم تتجمعوا <======( يعني شلة التطقيم ) و غزولة و كوكو و حتى غنوتة مختفيين عن الأنظار ....
لو تعرفي لنلونتي شو بفرح لما أشوف اسمك و أسمع منك ........








هلا بسروبة الغالية :
تسلمي حبيبتي على ردك .... لك شو هيدا يا عمي ألف ألف مبروووك الإشراف , رح روح على الملتقى لحتى أعملك حفلة أو أشاارك فيها ....








مية أهلا و سهلا بنبونة:
تسلمي حبيبيتي على تشجيعك و كلماتك , و أنا مثلك كماان من عشاق عمل الحلويات (أو الكيك بشكل خاص ) بس من غير ما أكل منهم كثير , بس و الله و الله أني لما عملت هذه الكيكة أول مرة ( الحشوة على فكرة من ابتكاري ) أكلت أكثر من نصفها لوحدي و ما قدرت أقاومها و خصوصاً أنها كانت في الثلاجة و طعمتها ....ما أقدر أوصفلك , و إطمني حبيبتي نصف الكيكة الأول مش رح يتأثر لأن درجة الحرارة مش عالية , أما إذا كان فرنك حامي ممكن أنك تحطي النصف الأول مدة أقل يعني تقريباً 20 دقيقة , يعني أهم شي أن النصف الأول يجمد شوي قبل أن تحطي عليه الحشوة حتى لا تختلط الحشوة بالكيكة , و صدقيني إني مجربتها أكثر من مرة و كل مرة تكون أحلى ... حتى أنه في يوم الأربعاء الفائت أمي كان عندها ضيوف و أخذت لها هذه الكيكة معي , و الله ما تصدقي شو حبوها و كلهم أخذوا الطريقة مني ( مع أني سمعت واحدة تقول للثانية أنها مش مقتنعة بهذه الطريقة و إني أنا أكيد عطيتهم الطريقة غلط لحتى أحتفظ بسر الكيكة لنفسي تصوري ) ..جربيها و أنا متأكدة أنها رح تعجبك و تعجب أولادك بإذن الله , و سامحيني لأني حكيت لكِ قصة حياتي كلها

الصورة وصبلت ( على فكرة طبقة الكراميل رح تكون رقيقة و مش واضحة مثل إلي في الصورة )

تسلمي يا منى يا مبدعة علي الأشياء الطيبة.
إن شاء الله حجربها وأكيد دعيلك

مش معقـــــــــــــــــــــــــــــــــــــــــــــــ ــــــــــــــــــول ايش هاد رائعه لك منمونتي من وين كل هاد لأ خلص بكره رايحه اجيب المقادير مو متحمله باذن الله اكيد اذا بتنجح معي راح اصورها


والله يا منمونتي ما بعرف وين بتجمعوا كأننا اتحسدنا ما عادوا الصبايا مثل اول يبينوا كتير

لما تعملوا عزومه نادوني بليييييييييييييييييييييز

لا لا لا شي كتير كتير
شو هيددا يا عمي
بصراحة روعة عجبني شكلها كتير كتير
راح جربها بوكرة اذا الله راد وردلك خبر
بس سؤال ممكن ما حط الجوز لانو ما بحبو ؟

تسلم ايديك يارب وربي ما يحرمنا من مشاركاتك