[SIZE=3]السلام عليكم حبيباتى فى منتدى لك
الكويكز دة رااائع وكمان صحى وسريع جربوه ومش هتندموا ان شاء الله بالذات لو بتحبوا الشوفان
المكونات والطريقة ::
المرفق 169436
الجافة
3/4 ك دقيق +ربع معلقة بودر +ربع معلقة بيكربونات + 2 كوب شوفان طبخ (وليس سريع) +نص معلقة قرفة (بتدى ريحة رااائعة )
1/2 كوب زبيب أو شيكولاتة شيبس لو الاولاد زى عندى كدة اى حاجة بيستبدلوها بالشيكولاتة للاسف
السوائل
100 جم زبدة طرية او نصف كوب
1 كوب سكر بنى مضغوط
1/4 كوب ماء تخفق معاه بيضة واحدة بالشوكة+ فانيليا
رشة ملح
الطريقة
تخفق الزبدة بضهر المعلقة الخشب او السباتيولا مش ضرورى الخفاقة خالص فى الكوكيز دة
نضيف لها السكر البنى ونقلب تانى رشة الملح وبعدين البيضة المخفوقة مع المية
نقلب شوية لما يمتزجوا بس خدوا بالكم مش تزودوا الخفق بالذات فى الكويكز دة لان عاوزينه يطلع كرمبلى
نضيف المكونات الجافة ما عدا الزبيب ونقلب شوية يدوبك قبل ما يمتزج الخليط تماما نضيف الزبيب او الشيكولاتة ونقلب
تانى ناخد بالنا مش نزود ف التقليب ودى الصورة النهائية
المرفق 169437

نفرش صينية الكويكز بورق زبدة (احسن كتير فى الخبز ) ونغرف الكويكز باى حاجة معلقة او مغرفة ايس كريم المهم كلهم قد بعض وناخد بالنا عشان بيفرد
المرفق 169438
الفرن ساخن على 350 f او 180 بياخد 20 دقيقة
بعد اما يخرج نسيبه يبرد خمس دقايق ونقدمه او نحفظه
طبعا افضل حاجة مع كوب حليب او لو بالزبيب مع قهوة الصبح
دى الصورة النهائية ☺
المرفق 169439
ودى مجموعة تانية حطتيها فقالب الكب كيك بناء على رغبة الجماهير 
المرفق 169440
بيقرمش من برة وطرى من جوة

جربوه وقولوا رايكم

الصور غير مرفقة يا اختي

انا نزلت الصور مش عارفة راحت فين
بدى مساعدة لتنزيلها مرة تانية !!