بسم الله الرحمن الرحيم , و به نستعين

من كام يوم شفت موضوع الكبة الحلوة للغالية مجد الأقصى , الموضوع على الرابط التالي :

http://www.lakii.com/vb/a-16/a-794409/

و الوصفة يومها عجبتني خيرات الله , و قررت إني جربها

و بما إنه الوصفة بسيطة و كتير سهلة , جربتها عالسريع متل الطريقة يلي حاطتها مجد تمام

و بالمناسبة : مجد ذكرت إنه الوصفة الأصلية للغالية لا تحزنين , و لكن ما حطت الرابط الأصلي

أنا اعتمدت نفس مقادير مجودة الغالية

و لكن للحقيقة : هيي ذكرت : نصف كاسة زيت و ما ذكرت إذا الكاسة كبيرة و لا صغيرة

أنا حطيت نصف كاسة كبيرة , و بعد ما حطيت الزيت : حسيت إنه كتير زيادة

و الحليب الدافي : صرت حطه شوي شوي و إعجن , لحتى حسيت أنه العجينة صارت مناسبة
و أكتر من هيك حليب راح تصير طرية زيادة

أنا حطيت حوالي نصف كاسة حليب فقط

أما الزيت : كان فعلآ كتير
بعد ما خلصت العجينة , حطيتها على ورقة ماصة للزيت , و اضطريت إني غير الورقة شي تلت أو أربع مرات

و لما صرت أحفر حبات الكبة : لقيت العجينة شوي مختلفة عن الكبة العادية , فعلآ : التعامل معها أصعب

و لكن بما إني : ماهرة جدآ و الحمد لله بحفر حبات الكبة : ما لقيت أي صعوبة بالحفر

و لكن : صارت الكباية تتفسخ أثناء تسكيرها , و حتى إنها صارت تتفسخ بعد تسكيرها و وضعها على الورقة الماصة للزيت

و الحقيقة : كمان غيرت الورقة يلي حطيت الكبة عليها شي تلت أربع مرات
لأن الزيت كان كتير جدآ
لدرجة إني و أنا عم أحفر الكبة : صار الزيت يشتي من أصابيعي

و المهم : حطيت الكبة بالبراد , و لما جيت بدي إقليها : خفت كتير لتتفتت الكبة , و لكن و الحمد لله ما اتفتت

بس ضلت الشقوق و الأخاديد ظاهرة

أنا حشيت الكبة بقشطة بلدية

و الحمد لله : كانت طعمتها جدآ لذيذة و روعة
و لكن : كان لازم رش شوية سكر عالقشطة قبل الحشي

و هلأ : ماراح كتر حكي أكتر من هيك


سأترككم مع الصور :














بأمان الله حبيباتي

و بتمنى إنه الكبة تعجبكن

و مشكووورة مجودة الحلوة عالوصفة الطيبة
لك ودي و وردي

و كمان : تحية كبيرة , و باقة ورد و فل و أزهار مع أحلى سلام و شكر للغالية لا تحزنين

و دمتم جميعآ بود

ما شاء الله عليك
حلوة كثيير فكرة الكبة الحلوة
ببالي اجربها كمان
الله يسلم ايدك و ايد لا تحزنين
وما شاء الله علليك

ماشاء الله مجود كبات بيشهو
وانا كمان صلر معي مثل ماحكيتي بالزيت بس بوصفة معمول بتوقع بسبب نوع السميد في شي بيشرب زيت وشي لا
المهم كباتك شهوني اجربها على قد ماهن حلوات
صحتين وعافيه الكم

يسلمووووووووووووووووووووا روعه يا قمر تطبيق متقن

والشكر لصاحبه الوصفه المبدعه لا تحزنين

صحه وهنا على قلبكم

يميييييييييييييي
رووووعة
تسلم ايدك يا قلبي

الله يسلم هالادين يا ايثار طالعة معك بتشهي
اول اشي الغالية لاتحزنين ماحطتها هون لهيك ماحطيت الرابط
تاني اشي الكاسة اللي بتعيري فيها السميد بتعيري فيها كل اشي
تالت اشي وهاد الاهم وام حسن الله يرضى عليها حكتلك قبلي الخلل مو بالمقادير الخلل بالسميد نفسه لانه في انواع سميد ما بتتشرب الزيت بسرعة
لو انك خليتي السميد بعد ما حطيتي الزيت عليه يرتاح ساعة زمان وبعدين عجنتي بالحليب
رابعك اشي الكبة زابطة معك كتير لانك اشطر مني بتشكيلها ومتعودة

كتبت بواسطة مجد الاقصى

الله يسلم هالادين يا ايثار طالعة معك بتشهي
اول اشي الغالية لاتحزنين ماحطتها هون لهيك ماحطيت الرابط
تاني اشي الكاسة اللي بتعيري فيها السميد بتعيري فيها كل اشي
تالت اشي وهاد الاهم وام حسن الله يرضى عليها حكتلك قبلي الخلل مو بالمقادير الخلل بالسميد نفسه لانه في انواع سميد ما بتتشرب الزيت بسرعة
لو انك خليتي السميد بعد ما حطيتي الزيت عليه يرتاح ساعة زمان وبعدين عجنتي بالحليب
رابعك اشي الكبة زابطة معك كتير لانك اشطر مني بتشكيلها ومتعودة

و إيديكي مجودة الغالية , و بدي إتشكرك مرة تانية عالوصفة الطيبة
أول باشتان : الله يسلم إيديكي , و إيدين لا تحزنين
تاني باشتان : أنا عيرت بنفس الكاسة الكبيرة
تالت باشتان : أكيد المرة الجاية , راح غير نوع السميد يلي بشتريه
وشكرآ عالمعلومة وعالنصيحة .
رابع باشتان : الكبة ظابطة معي نتيجة خبرة طويلة جدآ بمساعدة أمي لحالي بإعداد الكبة , و معي معي اتعودت و صارت تظبط معي
إلي بس شي 3 سنوات و أنا مأتقنة تشكيل الكبة

أما من شي 15 سنة لما كنت قدك هلأ : ما كنت بعرف أعمل حبات الكبة و لا إحفرها أبدآ و لا كانت تظبط معي بنوب
و إنت كمان : أكيد بعد مرور سنوات طويلة , و لما بتصيري قدي هلأ : أنا واثقة إنه راح يطلع معك أحلى كبة

أسعدني وجودك و مرورك
بارك الله فيكي , و دمتي بود

كل الشكر لك وللعسل لا تحزنين على هذه الوصفة الشهية

نوع جديد من انواع الكبب تضاف للموائد ولكن هذه المرة كنوع من الحلى


صحة وعافية أثورة

كتبت بواسطة **ام البنات **

ما شاء الله عليك
حلوة كثيير فكرة الكبة الحلوة
ببالي اجربها كمان
الله يسلم ايدك و ايد لا تحزنين
وما شاء الله علليك

جربيها حبيبة قلبي
أكيد راح تعجبك
فعلآ هالكبة طيبة كتير

و أنا غيرت الحشوة
و حطيت قشطة بلدية بدل الجبنة الكيري بموضوع الغالية مجد الأقصى

مشكووووووورة غاليتي على ردك الغالي
و تواجدك الرائع

دمتي بود

كتبت بواسطة وعود الخير

كل الشكر لك وللعسل لا تحزنين على هذه الوصفة الشهية

نوع جديد من انواع الكبب تضاف للموائد ولكن هذه المرة كنوع من الحلى


صحة وعافية أثورة

على قلبك يا ست الكل
و كل الشكر إلك على تواجدك الرائع
و ردك الغالي

نورتي موضوعي يا غالية
و بالفعل : هالكبة الحلوة طيبة و بتستاهل التجربة

و أنا بدوري : بدي إتشكر الغالية مجد الأقصى

يلي كانت السبب لإني اتعرفت على هالكبة و طبقتها

بارك الله بكم جميعآ
و دمتم بود