الكيكة الرخامية ....بكريمة الشكولاته ...بصالح بيها ام ماهر الغالية
ازيكم اخواتى فى الله
يا رب تكونوا كلكم بخير و كل سنة و انتم طيبين
مشاركتى لملف الشكولاته لاختى و حبيبة قلبى ام ماهر
و بعتذر ليها لانى اتاخرت كتييييييييير فى المشاركة بسسب تعبى و دور البرد اللى دوخنى و طلع عينى انا و البيت كله و الحمد لله
على كل حال
النهارده هقدملكم الكيكة الرخامية بكريمة الشيكولاته و يا رب تنول رضاكم
المقادير
و دى مقادير معتمدة عندى للكيك و مش بغيرها
2 كوب دقيق
1 كوب سكر ( ول بتحبيها حلو زيادى يبقى كوب و ربع )
كوب الاربع ماء او لبن
نص كوب زيت
3 بيض
ورقة فانيلا
2 معلقة كاكاو +معلقتين ميه
معلقة كبيرة بكينج بودر .او ممكن الكيس كله
الطريقة
** هنضرب البيض مع الفانيليا فى الخلاط و بعدين هنضيف الزيت
و السكر و نضرب تانى و بعدين هنضيف الميه او اللبن مع البودر
ايوا انا بحط البودر مع السوائل و بيدينى نتيجة حلوة
و بعدين هنضيف السائل اللى فى الخلاط للدقيق و نقلب من فوق لتحت عشان التجانس للدقيق مع السائل
** هتدهنى صنية زيت او سمن و ترشيها بالدقيق و تصبى تلتين عجينة الكيك و نصبها فى الصنية و الباقى نضيف له معلقتين كاكاو خام مع معلقتين ميه و نقلبهم و نصبهم على اللى فى الصنية
و نجيب شكوكه و نعمل بيه خطوط و التواءات
**الفرن لازم نكون مشغلينه من بداية عملنا فى الكيك
و تحطيها فى الفرن على نار فوق المتوسطة
و لما تستوى تسبيها تبرد و بعدين تصبى عليها كريمة الشكولاته
او تقطعيها الاول و توزعى عليها الكريمة زى ما تحبى
و كريمة الشكولاته كالتالى
كوب لبن
ثلث كوب كاكاو
نصف كوب سكر2
م ك دقيق
صفار 2 بيضة
فانيليا
م ك زبد
الطريقة :__* ينخل الدقيق و يضاف اليها الكاكاو و الفانيلا
* فى اناء يوضع اللبن على النارخليط الدقيق و السكر و يقلب 5 دقائق
* يخفق صفار البيض و يضاف الى خليط اللبن و يقلب دقائق ثم يضاف الزبد
*تترك حتى تبرد ثم تستعمل فى حشو الجاتو و التورته
و ان شاء الله سوف تجدون ما يسركم هههههههه
يارب تنول رضاكم
و فى رعاية الله اخواتى
و ماتنسوش تدعولى دعوة حلوة حتى و لو فى سركم
بحبكم فى الله
رد مع الاستدلال
مدونتي مطبخ ام مرمر و ليلو
الروابط المفضلة