اهلا حبيباتى
النهاردة جايبالكم صوص جميل
هاتقولولى جايباه ليه
هاقولكم علشان لو حبيتوا تزينوا كيك بحاجة بسيطة وسريعة وحلوة زيى كدة
انا بعمل الصوص ده واشيله فى التلاجة ولما احب استخدمه يادوب اسخنه على نار هادية خالص
ويبقى جاهز
وعملت منه اكتر من حاجة ان شاء الله انزلهم
صوص الشيكولاتة واللوز
2 ملاعق طعام ممسوحة زبدة طرية
3 ملاعق طعام سكر
4 ملاعق طعام عسل
3 ملاعق طعام حليب سائل
ملعقة طعام مملوءة بودرة كاكاو خام
1/2 كوب شيوكولا خام مقطعة قطع خشنة
1/2 كوب لوز مفروم خشن (ممكن استبداله بالبندق)
فى حلة على النار نضع العسل والحليب والكاكاو والسكر والزبدة
ونتركهم على نار هادئة حتى تندمج المكونات وتسيح
نفرم اللوز فرم خشن
ونقطع الشيكولا بالسكينة الشريرة
ولما تسيح المكونات اللى سبناها على النار .. ننزل الشيكولا عليها
ونخليها تسيح معاها على نار هادئة
وأخيراً نضيف عليها اللوز
ونقلب وبكدة الصوص عندنا جاهز
وانتظرونى بوصفاتى بالصوص الجميل
الروابط المفضلة