كل عام وانتن بالف خيرجميعا حبيت أسألكن عن معمول الطحين كل ماأعملة بدخلة الفرن بتروح النقشة لييييييييييش
ممكن لانة القالب بلاستيك؟
شوأعمل الله يبارك فيها بحق هالأيام الفضيلة والله لأدعيلها من كل قلبي الي بتجاوبني
أناطبقت معمول الرائعة ام اليمان بشهي بس اول ما دخل الفرن راحت النقشة وشكرا جزيلا

السلام عليكم
وكل عام وأنت بخير عزيزتي
أعتقد والله أعلم أن النقشة تختفي لأن العجينة قد خمرت لوقت طويل
أو أضيفت لها كمية كبيرة من الخميرة فيتضاعف حجمها وتذهب معالم النقشة
جربي لاتدعيها تختمر كثيرا وان شاءالله تحصلين على نتائج طيبة
تحياتي لك

بارك الله فيك أختي لزانيا ان شاء الله يكون هيك بس أنامتبعة الوصفة

اهليييييييين بسومة كيفك حبيبتي
كل سنة وانتي سالمة يارب
جربي قللي كمية الخميرة يمكن نوعها كتير قوي
وجيبي قالب تكون نقشته بارزة وجربي
وصحة وهنا يارب

اختي مسافرة شكرا على رحابة صدرك
يعني برأيك الغي الخميرة

هلااااااااااااا حبيبتي مجودة صح انت مجرباها أبل هيك خليتيهاساعتين؟
ان شا الله تزبط يارب والف شكرعلى النصيحة

اهلين فيكي بسمة
مممم مو متزكرة هههه بس يمكن اني خليته ساعتين بعدين عجنته بالمي والخميرة
لانه حتى بمعمول السميد بتنحط الخميرة قبل التشكيل وطوالي بنشويه
يمكن هاد السبب

اختي بسمه أنا ما بضيف خميره نهائيا لا لمعمول السميد ولا للكعك اللي بطحين وبطلع معي ولا احلى من هيك جربي من دون خميره لانه الكعك راح يحافظ على شكله ونقشته اتمنى أني اكون افدتك

منورة اخت بسمة
زى ما تفضلوا الصبايا لو اختمر الكعك والمعمول كتير بتروح نقشتو بالخبز بحالة ما تكونى عملتيه بالقوالب بس انا بعمل عادة بالمنقاش المصرى راااائع وبيطلع الشكل محفور ومهما طولتى عليه بيضل منظره حلو ولو ضفتى على الوجه السكر البودرة بيمسك عالحبات وبإمكانك تستعملى البيكنج باودر فقط او تحطى رشة خميرة خفيفة وصحتين