انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 5 من 5

الموضوع: اشهى الحلويات بالصور

  1. #1
    تاريخ التسجيل
    Feb 2011
    الردود
    16
    الجنس
    أنثى

    cook اشهى الحلويات بالصور






    حلا الطبقات

    الطبقه الاولى : عبآره عن سويس رول شوكولآ مقطع لـ شرآئح
    تصفينه في آخر الكآس

    الطبقه الثانيه : عبآره عن ( كآس بسكويت مطحون + نصف علبة حليب مركز + 2 ملعقه قشطه ) نخلطهم مع بعض و نصبهم فوق الكيك

    الطبقه الثآلثه : شوكولآ نوتيلآ و نتوصى شويه

    الطبقه الرآبعه : في الخلآط ( بآقي الحليب المركز اللي هو نصف العلبة + من 3 - 4 حبآت جبن كيري )

    يتزين بـ الشوكلآته


    ليقمات




    /

    - كاسين دقيق الكويتي ..
    - ملعقين كبيرة حليب جاف
    - ملعقه ونص كبيرة خميرة وحطوها بسخاء لاتبخلون
    - زبادي واحد أو كاس لبن .. حسب المتوفر ،

    وتعجنونها اذا حسيتوها ناشفة العجينة زيدو شوي ماء
    واذا حسيتوها سايلة بزياده زيدوا كمية الدقيق شوي ,

    وتتركونها تتخمر نص ساعه ..

    وقت القلي وهذي أهم خطوة لنجاح القيمات /

    الزيت لازم تحطونه غزير وتخلونه يسخن قبل بوقت ..
    وقبل لاتبدأون تشتغلون باليقيمات وطوا النار مررررررررره !
    وهاتوا معكم كاس مويه وفيه ملعقه صغيره عشان تبدأون تشتغلون ..
    وأمسكوا العجينة بيدكم وغسطوا الملعقة بالموية وع طول خذوا مايكفيها من العجينة
    وسقطوها بالزيت .. لين تكتفي الكمية , وأجلسوا قلبوها وبطولون وانتم تقلبون
    عشان تتقرمش وتاخذ اللون الذهبي ..
    ووقت التقديم وهي حاره خلوا الشيرة باردة ..
    أو العكس اذا القيمات مسوينها قبل بوقت خلوا الشيرة حارة ،
    واطعم لو تسقونها بعسل ..

    وبالعافية عليكم /


    تشيز الزبادي بالجوزاء..




    الطبقة الاولى ||
    بسكوت جوزاء مطحون الكمية حسب صينيتك ممكن 2-3
    اعجينيه بزبدة ورصيه بالصينية ( الصينية وسط )
    الطبقة 2 ||
    علبة زبادي - 5 فناجيل حليب بودرة - 3 فناجيل سكر
    ندخلها الفرن لـ حد ماتتماسك وقطعية بقطاعة دائرية
    وآخر شي جملية بهيرشيز او اللي تحبيين


    تشيز كيك الفراوله البسيط





    المقادير :
    القاعده : كيك سويسرول فراوله (الكميه حسب حجم الصينيه )
    الحشو:
    علبة جلي فراوله - كوب ماء - 3 باكيت دريم ويب - علبة قشطه - 12 جبن كيري
    التغطيه :
    جلي فراوله - كوب ماء حار

    الطريقه :
    نقطع الكيك شرايح ونصفه بصينية قاعده متحركه
    نخلط جلي الفراوله مع كوب المويه على النار لحد مايغلي بعدين نخليه يفتر
    نخفق باقي مقادير الحشو ثم نضيف الجلي ونخفق ثم نصبه ع الكيك وندخله الثلاجه لحد مايتماسك
    نخلط مقادير التغطيه ع النار لحد ماتغلي ونخليه يفتر ( لازم يفتر عشان مايحوس عليك شكل الحلى مثلي )
    نصبه ببطء على الوجه بواسطة ملعقه ونتركه بالثلاجه لحين التقديم
    ممكن تسوين مثلي وتقطعينه بالقطاعات بيطلع شكلها حلو بالتقديم




    كب كيك التـوت و الليمـون






    المقـاديـر بالاكواب المعياريه ::
    علبة جيلي توت -روزبيري- مذوبه بكوب ماء مغلي / ممكن تستبديلين جيلي التوت بجيلي الكرز كلهم نفس الشي
    نصف كوب عصير ليمون جاهز او انتي تصلحينه بانك تعصرين ليمونه وتزيدينها مويه وسكر لحد مايضبط معك الطعم بس لا تخلينه حالي مره اطعم
    علبة خليط كيك بيتي كروكر ابيض او بالفانيلا
    3 بياض بيض
    ربع كوب ماء
    ثلث كوب زيت

    الطـريقـه ::
    لبسي صينية الكب كيك بورق البليسيه وسخني الفرن على 325 ...

    باستخدام العجانه او الخلاط اليدوي اخلطي : خليط الكيك + بياض البيض + ربع كوب ماء + ثلث كوب زيت
    + ربع كوب من عصير الليمون + ربع كوب من الجيلي المذوب - بس انتبهي لايكون حار مره يخرب الكيك
    اخلطيهم اول شي مدة دقيقتين على سرعه بطيئه بعدين دقيقتين سرعه متوسطه ...

    صبي الخليط بصينية الكب كيك - اكثر من النصف بشوي -




    وحطيهم بالفرن بتاخذ تقريبا نصف ساعه
    بقولكم على شي : ترى لما تصير بالفرن بتلاحظين انها بتتحول لدونات
    بترتفع الاطراف واللي في الوسط ينزل مره
    لايضيق صدرك وتحسبين الكيك خرب ، ماراح يأثر لا عالطعم ولا عالشكل لان الكريمه بتغطيه
    ولا تحمرينه من فوق مايحتاج يكفي تشوفين الاطراف تغير لونها ،،

    اول ماتطلع وهي حاره خرميها بالشوكه
    اخلطي باقي عصير الليمون مع باقي الجيلي - بس خوذي منه نصف فنجال شاي على جنب -
    وشربي الكيك بهالخلطه - وخليك كريمه كلما كثرتي كلما صار احلى بكثيييييييير _
    ودخليهم الثلاجه يبردون ،،




    كـريمـة التغطيـة :
    قشطة خفق اخفقيها حتى تثقل - ترى بتاخذ وقت لا تستعجلين عليها -
    لما توصل القوام المضبوط حطي عليها شوي سكر بودره - ماله مقياس محدد انتي ورغبتك -
    وباقي الجيلي اللي خليتيه على جنب ،،
    وقلبيهم بشويش حتى ماتروح نفشة الكريمه
    وبالقمع شكليه فوق الكب كيك وقدميه بالطريقه اللي تحبين








    بسبوسـة القـرفـه

    للاسف اهلي مايحبون البسبوسه العاديه ومايمشي سوقها عندهم
    لين ماطحنا بهالبسبوسه وادمناها بشكل
    من جد طعمها روووووعه وشكلها اروووووع واذا تعودتي عليها مافيه اسهل من شغلها
    طبعا الطريقه العاديه كانت عباره عن دبل المقدار اللي بحطه وتحطين نصف الخليط بعدين تحشينها قشطه بعدين باقي الخليط
    بس كانت كميته مره كبيره وشكله مايطلع مرتب لانه يحوس مره بالتقطيع
    فصرت اسويه بهالشكل اشهى واحلى
    ولازم يتصلح بنفس اليوم لانه اذا طول بالثلاجه ينشف ،،

    تكفي تقريبا 30 قالب صغير ...


    المقـاديـر بالاكواب العادية::
    كوب سميد
    نصف كوب سكر بودره
    نصف كوب حليب بودره
    نصف ملعقه كبيره بيكنج باودر
    اصبع زبده مذوب
    علبة قشطه
    ملعقه ونصف كبيره قرفه

    الطـريقـه ::
    ادهني صينية القوالب الصغيره بالزيت <== او ممكن تلبسينهم بالورق ، وسخني الفرن على درجة 350
    اخلطي المقادير كلها سوا وصبيهم بالقوالب بعدها جيبي قشطة قيمر - او طازجه - وحطي شوي بوسط كل قالب

    انا استخدمت القمع مو علشان الشكل لانه اصلا بيسيح بالفرن ، لانه اسرع من اني اقعد بملعقه احط بكل قالب ..
    ودخليهم الفرن حتى يتحمرون - بتاخذ نصف ساعه تقريبا - وطلعيهم و طوالي شربيهم بالشيرهاتركيهم على جنب يبردون او بالثلاجه مو مشكله <== انا احبهم يكونون بدرجة حرارة الغرفه لا باردات ولا حارات

    وللتزيين من فوق :
    اخفقي كريمة خفق حتى تثقل وحطي عليها شوي سكر بودره وشوي قيمر وقلبيهم وبالقمع شكليهم عالبسبوسه
    ورشي عليهم فستق وقدميه ..






    تيـراميسيـو كب كيك


    قريت هالوصفه بموقع مارثا وتسطلت عندها واحسن مافيها ان مقاديرها دائما متوفره وشكلها شيييييييك
    وطعمها كأنه تيراميسيو من جد
    بالنسبه للكيك ترى ماينفع تستخدمين الخليط الجاهز
    لأنه مره لين وطريقه الكيك هنا بتلاقينها ناشفه شوي لانها بتتشرب بالكوفي وحتى تعطي احساس البسكويت



    المقـاديـر بالاكواب المعياريه ::
    كوب وربع دقيق
    ثلاث ارباع ملعقة شاي بيكنج باودر
    نصف ملعقة شاي ملح
    ربع كوب حليب
    فانيلا
    نصف اصبع زبده
    3 بيضات
    3 صفار بيض
    كوب سكر


    الطـريقـه ::
    لبسي قوالب الكب كيك بالورق وسخني الفرن على 325

    سخني الحليب والفانيليا عالنار حتى يقارب للغليان بعد كذا ارفعيه من النار وحطي عليه الزبده
    وحركيهم حتى تذوب الزبده واتركيه يبرد ،،
    حطي : البيض + صفار البيض + السكر فوعاء وحطيه فوق مويه حاره - مو عالفرن -
    واخلطي حتى يذوب السكر ويسخن الخليط شوي ..
    بعد كذا اخلطيهم بالعجانه او الخلاط اليدوي حتى يثقل ويتغير لونه
    وبالتناوب حطي عليهم ( الدقيق + البيكنج باودر + الملح ) وخليط الحليب والزبده

    صبي الخليط بصينية الكب كيك - عبي ثلاث ارباع القالب -




    دخليهم الفرن ، تتاخذ ثلث ساعه تقريبا وطلعيهم وغطيهم بفوطه حتى يبردون

    بعدها خرميهم بالشوكه وشربيهم بـ ( نسكافيه + سكر + مويه ) يعني قهوه عاديه
    او اذا عندك قهوة اسبريسو او قهوه امريكيه كلهم نفس النتيجه
    بس لا تكثرين هالمره من الخليط حتى مايصير الكيك رطب
    واتركيهم ياخذون راحتهم يتفاهمون مع بعض تقريبا نصف ساعه




    كريمـة التيراميسيـو ::
    اخفقي كوب كريمة خفق حتى تثقل
    بوعاء ثاني اخلطي علبة جبن ماسكربون 200 غم واذا ماعندك - مثل حالاتي - فأفضل بديل له ويعطي نفس النتيجه :
    علبة جبن فيلادلفيا + علبة قشطه طازجه صغيره
    اخلطيهم مع نصف كوب سكر بودره
    واذا اختلطوا زين اضيفيهم عالكريمه بس نفس الشي
    اخفقي بشوييييش كأنك قاعده تطوين الخليط على بعضه

    حطي المزيج بالقمع وشكليه عالكب كيك ،،



    مره انبسطت وانا احطه متماسك وخطيييييييير ويطلع منظر رووووعه


    وقبل التقديم مباشرة رشي عليها كاكاو بودره









    كب كيك الـجـزر

    المقـاديـر بالاكواب المعياريه ::
    علبة خليط كيك بيتي كروكر اصفر
    ثلثين كوب ماء
    نصف اصبع زبده لينه
    نصف ملعقة شاي قرفه
    رشة جوزة طيب <== ممكن تستغنين عنها
    2 ملعقة شاي فانيليا
    3 بيضات
    كوب جزر مبشور
    ربع كوب مكسرات مجروشه - لوز او عين الجمل او كاجو -


    الطـريقـه ::
    لبسي قوالب الكب كيك بالورق و سخني الفرن على درجة حرارة 350

    بالعجانه او الخلاط اليدوي اخلطي خليط الكيك + الماء + الزبده + القرفه والجوز والفانيليا + البيض
    اول دقيقه على سرعه بطيئه بعدين دقيقتين سرعه متوسطه
    بعدين اضيفي لهم الجزر والمكسرات وقلبي بالملعقه
    صبي الخليط بقوالب الكب كيك




    ودخليه الفرن بياخذ تقريبا نصف ساعه
    طلعيه وغطيه بفوطه واتركيه يبرد براحته ...





    [CENTER]
    الفـروستينـق ::
    علبة جبن فيلادلفيا 200 جرام
    ملعقتين كبار زبده لينه
    شوي فانيليا
    3 ملاعق كبار حليب سائل
    اخلطيهم بالخلاط اليدوي زين بعدين بالتدريج اضيفي لهم كوبين سكر بودره
    وعلى فكره من الافضل انه تستخدمين السكر البودره الجاهز لانه يجي ناعم مره مو مثل المطحون بالبيت مهما نخلتيه ماينعم مره
    واخلطيهم زين واذا حسيتي انه يحتاج زيادة حليب زيدي
    وشكليه فوق الكب كيك بالطريقه اللي ترغبين
    [

    عذرا اختي يجب وضع منقول في حال نقل الموضوع ويمنع وضع روابط لمواقع اخري شكرا لك
    آخر مرة عدل بواسطة RANDA 1959 : 24-02-2011 في 10:44 AM السبب: حذف روابط لمواقع اخريوحذف صور تحتوي روابط مخفيه

  2. #2
    تاريخ التسجيل
    Feb 2008
    الموقع
    فلسطين
    الردود
    88
    الجنس
    أنثى
    يسلمووو ايديكي كلهم حلوين

  3. #3
    تاريخ التسجيل
    Sep 2010
    الردود
    8,613
    الجنس
    أنثى
    التدوينات
    1
    التكريم
    شكرا لكي





  4. #4
    تاريخ التسجيل
    Feb 2011
    الردود
    51
    الجنس
    امرأة
    إم بشار

  5. #5
    تاريخ التسجيل
    Dec 2008
    الموقع
    MAROC
    الردود
    101
    الجنس
    امرأة

مواضيع مشابهه

  1. ملف تعليمى للاستفاده من بواقى الحلويات لصنع اشهى الحلويات..من أم شادى بالصور
    بواسطة أم شادى في الحلويات والكب كيك والكيك وحلويات العيد
    الردود: 160
    اخر موضوع: 06-05-2014, 12:38 PM
  2. اشهى الحلويات الغربيه بالصور :: حلويات غربيه
    بواسطة RAK وافتخر في الحلويات والكب كيك والكيك وحلويات العيد
    الردود: 5
    اخر موضوع: 09-02-2010, 09:37 PM
  3. بمناسبة شهر رمضان اشهى الحلويات من مطبخي بالصور
    بواسطة em ali2 في الحلويات والكب كيك والكيك وحلويات العيد
    الردود: 18
    اخر موضوع: 13-11-2006, 01:24 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ