مسا الخير صبايا
معلش المشاركة اجت متأخرة
اليوم عملت غريبة اللوز روعة وبتدوب دوب
المقادير بالاكواب المعيارية
كاسة سمنة نباتية لونها ابيض انا استخدمت النباتين
كاسة سكر ناعم
كاسة لوز مطحون ناعم
تقريبا كاسة ونص طحين
رشة فانيلا
الطريقة
بنخفق السمنة مع السكر منيح لحتى يصيرو متل الكريما
بعدين بنضيف اللوز المطحون والطحين لحتى يصير عنا عجينة متماسكة
بنريح العجينة نص ساعة زمان
بنشكلها كرات صغيرة وبنزينها بالفستق
بنشويها على فرن محمى مسبقا على نار هادية لمدة 10 دقائق
وهاي بعض الصور النهائية
بتمنى الغريبة تعجبكم
دمتم بود
الروابط المفضلة