@@@ أحلى طبق أرز بلبن لعيون اغلى ام نور فى الدنيا.... من أيد حبيبه بالتفصيل الممل@@@
اخواتى الاعزاء
النهارده جايه اقدم ليكم طبق الرز بلبن
مخصوص لعيون ام نور ( نور الهدى)
ارجو ينال اعجابها واعجابكم
يلا بينا
بسم الله
انا ديما بعمل الرز بلبن بدون معيار ايدى اتعودت على المقدار بس عشان خاطر ام نور قدرت المقادير
2 كوب صغير ارز مصرى
كيلو قشطه
6 اكواب صغيره ماء
خمس ملاعق ممسوحه نشا( والنشا مقدارها كتير لان نوع النشا مش بيربط بسرعه لكن لو النشا اللى عندك سريعه وبتلف السائل تمام قللى المقدار )
لتر ونصف لبن
كوب لبن منفصل
كوب ونصف سكر
2 معلقه صغيره فانيلا
الطريقه
نغسل الرز ونضعه فى حله وعليه ال 3 اكواب ماء
وكل مايحتاج ماء نضيف باقى الاكواب
ونقلب الرز بستمرار
لحد ما الرز يكون تقريبا استوى
لما الرز يوصل للمرحله دى انه على وشك الاستواء
نضيف اللبن
ونضيف السكر
ولما اللبن يغلى
نضيف القشطه والفانيلا
ونقلب بالسلك اليدوى عشان نتاكد ان القشطه كلها دابت
وفى كوب اللبن المنفصل نذوب النشا
انا مش بحب ادوبها فى المايه
وبعدها اضيفها للرز
والاستمرار فى التقليب مهم جدا
وكده اصبح الرز بلبن جاهز ويكون قوامه مش اتقل من كده لانه لما هايهدا هايتقل لوحده
بصى ياام نور الرز طالع كريمى خالص اهو
وهنا ضفت على الوش مكسرات
وقرفه
اما الطبق الجاى ده خاص بجوزى بيحب جدا الوش محروق شويه بدخله الفرن واولع الشوايه ولازم متابعه لا يتحرق قوى
والطبقين دول مخصوص لنور ورحمه
وزوم ان لعيون نور تانى
وده على الوش قرفه
وكده يكون المووضع انتهى انا حاولت بالصور اوضح لحبيبتى ام نور ان الرز طالع كريمى ودسم زى ماهى حابه
يارب يكون الموضوع عاجبكم
رد مع الاستدلال
[
كتبت بواسطة noorelhoda
الروابط المفضلة