ღ♥ وصفة مبتكرة ღ♥تعالو شوفو حلوياتي الشتوية مشاركتي للغالية حنونة

**مجد الاقصى** · 13-12-2010, 11:21 PM

مسا الخير صبايا
اليوم عملت حلو اسمه قراقيش كتيييييييييير طيب والاهم من هيك انه مفيد
نيجي للمقادير
كوبين طحين اسمر
كوب طحين ابيض
ملعقتين كبار حبة البركة
ملعقتين كبار سمسم محمص
ملعقتين كبار يانسون مطحون
ملعقة كبيرة سكر
رشة ملح
نص ملععقة كبيرة بكنج باودر
نص كاسة زيت زيتون
كاسة مي دافية للعجن
وهاي صورة المكونات

طبعا استخدمت الملاعق والاكواب المعيارية

هون لما حطيت الزيت الزيتون
بنبس الطحين بزيت الزيتون منيح
بعدين بنعجن العجينة وبنخليها ترتاح ساعة زمان

بعد ساعة بنرق العجينة وبنقطعها مربعات بسكينة البيتزا اسرع
وبنقليها بزيت ساخن وبعدين بنحطهم بالقطر

وهي شكل الطبق النهائي
بتمنى يعجبكم لانه طعمه كتير روعة واولادكم رايحين يحبوه

**ام عبدالمعز** · 13-12-2010, 11:24 PM

يسلمو ايديك مجودة امبين ان الوصفة حاوة وطيبه

والنكهات المضافة بتزيد من فائدتها وحلاوتها

صحتن وعافية يارب

**مجد الاقصى** · 13-12-2010, 11:30 PM

من فترة نزلت طريقة الكلاج النابلسي
واليوم برضه بدي اورجيكم طريقته بس مشوي بالفرن
المقادير
عجينة كلاج نابلسي مقسمة الا ارباع
جبنة نابلسية منقوعة لمدة يوم كامل
شوية سكر
سمنة مذوبة تقريبا كوب
قطر
وشوية حليب سائل

بنصفي الجبنة من المي منيح وبنعصرها وبنحط عليها السكر
بندهن صينية بالسمنة منيح
وبنبلش نحشي باوراق الكلاج
طبعا باستخدام فرشاة بندهن اوراق الكلاج منيح وبمحشيهم بالجبنة
بنحطهم بصينية

بس نخلص بندهن حبات الكلاج بالسمنة برضو

هون لما دهنت الكلاج بالسمنة

ودخلته الفرن الحامي على نار هادية لمدة نص ساعة
او لما يتغير لون الكلاج من تحت
وبعدين بنحمرهم من فوق شوي

وبندير عليهم شوية حليب سائل
وبعدين القطر وبنغطيهم بصينية ربع ساعة

اضافة الحليب بتخليه كتير طري
الكلاج عجب الجميع لانه طري وطعمه خفيف

شوفو لونهم شو حلو

مقادير القطر
3 كاسات سكر
كاستين ماء
نقطتين حامض
وعود قرفة

تم بحمد الله

**مجد الاقصى** · 13-12-2010, 11:36 PM

واديكي ام عزو بانتظار تطبيقك يا عسل هههههههه

**sarita star** · 13-12-2010, 11:49 PM

ماشاء الله تبارك الله تسلمى

**مجد الاقصى** · 14-12-2010, 12:07 AM

كتبت بواسطة sarita star

ماشاء الله تبارك الله تسلمى

الله يسلمك يارب
نورتي موضوعي

**{ أم أنـــس }** · 14-12-2010, 12:11 AM

ما شاء الله نوعين حلويات احلى من بعض
تسلم الايادي مجود
القراقيش روووووعة
كمان الكلاج بيجنن

**omroro-4** · 14-12-2010, 12:16 AM

ما شاء الله راااااااائع تسلم ايديك

**بنت طرابلس** · 14-12-2010, 08:17 AM

ماشاء الله حلويات لذيذه ,,,سلمت يمناك

**متمكنة من غلاها** · 14-12-2010, 08:28 AM

تسلم الايادي .....

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ღ♥ وصفة مبتكرة ღ♥تعالو شوفو حلوياتي الشتوية مشاركتي للغالية حنونة

أدوات الموضوع

العرض